Asturiar Sagardoa
LA SIDRA cuntará con un puestu propiu na 13ª Preba de la Sidre de Gascona.
Ayeri tuvo llugar, na Cai Gascona d'Uviéu, la presentación de la XIII Preba de la sidre, un referente nel calandariu sidreru uvieín que se cellebrará mañán, domingu 13 y que repartirá pente les 12 y les 14:30 sidre de baldre de doce llagares (Canal, Cortina, Foncueva, El Gobernador, Herminio, L'Argayón, La Nozala, Menéndez, Muñiz, Roza, Trabanco y Vallina)
Arriendes de la preba popular, pa les once de la mañán ta prevista una preba oficial a cargu de: Orlando Valledor, Maximino Villarrica, Joaquín Cernuda, Severino Cueva y Belisario Suárez. Pablo Álvarez, campeón de escanciadores de Asturies en 2.011 echará la sidra pa ellos.
A les tres de la tardi daránse a conocer los premios, tanto de la preba profesional comu de la popular.
LA SIDRA tará allí col nuesu puestín, nel que podrá alcontrase, arriendes de la nuesa revista y material, la Etiqueta conmemorativa del númberu cien de LA SIDRA, d'edición llendada.
A la presentación, que finó con una espicha con sidre de los mesmos llagares que participarán a la preba, acudieron arriendes de los hosteleros y llagareros participantes.
