LaSidra.as

L'hestoriador Antonio Martínez ganó la tercer edición d'esti gallardón, convocáu por LA SIDRA col padrociniu de Grupu Trabanco, con un estudiu sobro la tradición sidrera en Noreña.

"Noreña y la Sidra. Apuntes sobro la hestoria sidrera d'un conceyu Asturianu" yela obra ganora del III Premiu d'Ensayu Emilio Trabanco Trabanco. L'hestoriador Antonio Martínez ye'l ganaor de la tercer edición d'esti premiu, dotáu de 1.500 euros yd'una colleición de llibros valorada en 250 €.

L'actu d0entrega cellebróse na Casa Cultura de Noreña, y a ella asistieren rempresentantes del Xuráu, compuetu por David M. Rivas (presidente), Antón Fuertes, Inaciu Hevia Llavona y Antonio Fernández Álvarez; asina comu una representación de la corporación del conceyu Noreña, col so alcalde César Movilla de cabezaleru.

P'Antonio Martínez el so trabayu "tien un oxetivu fundamental: emponderar una industria escaecía nel conceyu, la de la sidra, que tevo unpesu rellevante na hestoria de Noreña y que, polo xeneral, o nun se tein en cuenta o trátase de forma aneudótica n'obres xenerales sobro'l conceyu".