LA SIDRA espubliza "Sidreríes de Xixón" PDF Asoleyar Corréu lleutrónicu
Domingu, 08 de Xineru de 2012 12:20

Por fin cuntamos en Xixón con un mapa especialmente diseñáu camentando nos mui sidreros.

 Nelli podemos alcontrar información interesante sobro ná menos que cuarenta chigres nos que poder chá la paraina y tomar unos culetes.

 

Cauna de les sidreríes reflexaes na guía tien el so espaciu propiu, cola so semeya, direicion y teléfonu, arriendes d'un testu curtiu, al través del que poder conocer les principales carauterístiques del chigre en custión: cuales son les sos especialidaes, l'estilu de la so cocina, si cunten con terraza esterior o si ufren menús.

Nel mapa propiamente dichu podemos ver nidiamente indicao y numberao l'asitamientu de los cuarenta chigres, pudendo comprebase asina que los particpantes tan distribuyíos d'un estremu a otru de la ciudá. Anque nun podemos evitar fixamos en ciertes "concentraciones sidreres" nun par de puntos mui concretos.

Trátase, comu non, de les dos mayores asociaciones de sidreríes de la ciudá: El Barriu la Sidra y l'Asociación de Sidreríes del Cerilleru.

25.000 exemplares d'estes guíes tan repartiéndose en chigres, cientros sociales, hoteles y puntos d'información turísitico, col envís de que toa esta información tea, tamién, al algame d'aquellos que vengan a Xixón de visita.

LAST_UPDATED2
 

Escribir un comentariu


Códigu de segurida
Refescar