LaSidra.as

El llunes 23 de Xineru fadráse la entrega de los premios del V Concursu Semeyes LA SIDRA. L'actu tendrá llugar, como vien siendo vezu, na céntrica Sidrería La Galana, na Plaza Mayor de Xixón  y entamará a les ocho la tardi.

 
Los ganaores del concursu, Bill Bradshaw (primeru), Carlos de Coz Ascona (segundu) y Miguel Angel Valles Burguillos (terceru) vendrán dende bien lloñe a recibir los sos premios, consistentes en 600, 350 y 150 euros (en metálico y en llibros) respeutivamente. En concreto, el primeru desplazaráse dende Inglaterra, el segundu dende Gipuzkoa y el terceru dende Sevilla. El galardonáu col premiu especial Sidra J.R vendrá tamién dende Euskadi a recoyer les sos caxes de sidre.

Nel mesmu actu d'entrega inauguraráse la III Esposición de Semeyes LA SIDRA, coles 20 meyores semeyes escoyies pol xuráu. La esposición tará disponible en La Galana tou'l mes de febreru, anantes d'entamar el so percorríu per sidreríes y cientros culturales de toa Asturies.