LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

Carlos Manuel López "Cámala"

Corréu lleutrónicu Asoleyar PDF

Carlos Manuel López "Cámala"

Uviéu 16 d’abril de 1969 

Con ocho años, anicia nel mundiu de les artes pintando al óliu. Colos años, la llóxica evolución llévalu haza nueves formes d’espresión. Carboncillo, grabáu, escultura, ect.

Fasta que descubre la so segunda pasión, “la fotografía”.Entama con una mítica "Olympus Pen" de mediu formatu (non formatu mediu) qu’aina camuda pola so primer réflex. Foguéase demientres años con tres óptiques fixes y un par de cámares ensin denguna triba d’automatismu, con negativos en B/N que revela y procesa con una vieya ampliadora, regalada, nel bañu del so domiciliu.

Los sos conocimientos d’arte, lluces y solombres, composición, perspeutiva, ect. que demientres años prautica, faciliten-y la rialización de les sos semeyes y fain que les sos istantanies tean esi “daqué más” que fai que les tornemos a mirar.Tres un tiempu y gracies al avance de la teunoloxía, descubre la qu’a la fin sedrá la so profesión, el “diseñu gráficu”, que-y permite xuncir les sos dos pasiones,l’arte y la fotografía.

Col "scanner" ábrese un nueu mundiu de posibilidaes, primero la diapositiva, dempués el formatu mediu, pa finar na semeya dixital.

Por mor de la so profesión, el so “gueyu” evolucionó del esporte y el reportaxe social, haza l’urbanismu, la semeya publicitario y d’estudiu y la illuminación creativo.

Tien espublizao n’inumberables revistes y llibros tantu d’ámbetu llocal comu nacional. Rializó milenta de semeyes de productos pa inumberables catálogos, semeyes d’interior pa hostelería y turismu, promociones n’interné, ect. 

Collaboró nel aniciu y ye miembru activu de varies asociaciones de fotografía tantu a nivel llocal comu estatal.La semeya de ñatura y n’especial la macrofotografía son, xunta’l retratu, anguañu’l so hobby.

PREMIOS SISGA '14

Banner

CHIGRE ENCAMENTÁU

Banner

PLATU ENCAMENTÁU

Banner
You are here Home