Na rueda prensa presentación del I Salón Internacional de les Sidres de Gala entamáu por LA SIDRA, el Conceyal de Cultura del Ayuntamientu Xixón y el Presidente de la Fundación Municipal de Cultura perafitaron el so comprisu cola sidre asturiano y anunciaren interesantes novedaes.
Carlos Rubiera siñaló non solo la importancia de la sidre comu ellementu de la cultura asturiana, sinon qu’anunció’l so compromisu y el del so partíu políticu, Foru Asturies, que recientemente conformó una comisión de trabayu pal ámbetu de la cultura asturiana, pa cola reconocencia de la sidre comu padrimoniu universal de la Humanidá.
Xose Nel Riesgo, pola so parte incidió en que pa la Fundación va ser prioritario la modernización d’aquellos ellementos culturales que son sustanciales a la identidá específica d’Asturies, valorando perpositivamente’l I Salón Internacional de les Sidres de Gala en cuantes que supón da-y puxu a nueos usos y valores sociales alrodiu la sidre. Asina mesmo destacó’l papel de la sidre non solo comu fonte de cultura sinon tamién de riqueza, remembrando que la industria agroalimentaria vinculada a ella xenera unos nueve mil puestos de trabayu n’Asturies.
Tamién remembró qu’otru aspeutu importante d’esta industria ye la so aportación eocolóxica, en cuantes que contribúi al caltenimientu y conservación en condiciones afayaice el paisaxe rural astur.
