LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

El Canigú en Xixón

Corréu lleutrónicu Asoleyar

Ayeri pela tardi tevo llugar la naguración de la Sidrería El Canigú en Xixón.

 LA SIDRA.- La nuea iniciativa que Carlos García y Alberto Casielles, antiguos xerentes de los chigres Boal de Roncal y El Traviesu, que dexaron p’abrir esta nuea sidreria, foi nagurada na tardi d’ayeri, y a la mesma acudieron tantu veceros de los antiguos chigres comu otros nueos, qu’ensin dulda fadrán d’esti nueu llocal el so llugar d’ociu.

La sidre corrió demientres tola tardi y la folixa duró fasta bien entrao la nuechi.

Mayador en Alemaña

Corréu lleutrónicu Asoleyar

El llagar tará presente na feria ANUGA, que se cellebra en Colonia.

LA SIDRA.-  Pasu ente pasu la sidre va internacionalizándose y agora toca-y el turnu a Mayador, que nestos intres ta acaldándose pa presentar varies de les sos sidres nuna de les feries más imporantes d’Alemaña nel seutor d’agroalimentación.

A ANUGA acuden con varios de los sos productos naturales, comu zusmios esplumosos de la marca May, y por supuestu con sidre: esplumoso, ñatural y ensin alcohol.

I Premios SISGA con xuráu internacional

Corréu lleutrónicu Asoleyar
LA SIDRA.- III SISGA.

La primer convocatoria de los premios SISGA cunta con un xuráu internacional de primer orde.

Dientru les novedaes d’esti tercer certame del SISGA, la convocatoria de los premios a les meyores sidres nes variedaes de:  Sidre de copa,  Sidre esplumoso brut,  Sidre esplumoso dulce,  Sidre de xelu,  Perea (Sidre de pera),  Llicores de sidre y Auguardiente de sidre, ta costituyendo tou un ésitu, tantu pola muncha participación de los llagares, comu pola calidá del xuráu internacional que valorará la sidre presentao.

Ye la primer vegada que n’Asturies se convoca un concursu de sidre d’ámbetu internacional, pesia que la sidre asturiano ca vuelta ye más frecuente nos concursos internacionales, y tamién ye la primer vegada que s’afaya un xuráu internacional pa un premiu otorgáu n’Asturies. La responsabilidá ye muncha y dende LA SIDRA tamos esforciándomos por facer non solo una bona convocatoria, sinon de tresnar un xuráu internacional, de reconocía categoría, que dea seriedá y prestixe estos premios.

Esti añu mayamos más sero

Corréu lleutrónicu Asoleyar

El retrasu na floración acarreta otru tantu pa la collecha.

LA SIDRA.- Otros años, los collecheros de mazana yá entamaben col so llabor la primer selmana de setiembre pero esti añu la floración llegó a Asturies con un retrasu d’unos quince díis, lo qu’al empar retrasa’l procesu de mayada.

Pesia ello a estes altures yá conocemos datos abondo comu pa saber que la mazana d’esta collecha sedrá daqué más piqueña qu’otros años, pero de perbona calidá; el clima foi ún de los factores determinantes pa esti retrasu na mauración y pa que les mazanes seyan de menor tamañu, custión que nun va reñía cola calidá de les mesmes.

La sidre xune de nueu a les dos Asturies

Corréu lleutrónicu Asoleyar

Per sestu añu cellebraránse los alcuentros de l’Asturies d’Uviéu y la de Santillana.

LA SIDRA.- La cita sedrá esta vegada en Cabezón de la Sal demientres los díis 30 de payares y 1 d’avientu, sigún declaró la Sociedá Etnográfica de Ribeseya, encargada dende l’entamu de la organización d’esti eventu. La idega d’esta cellebración ye recuperar la xuntanza ente los vecinos de les dos Asturies y da-y puxu a les tradiciones culturales y gastronómiques comunes.

Milenta caxes de sidre per San Miguel

Corréu lleutrónicu Asoleyar

El Barriu la Sidre regaló sidre a tolos “Migueles”.

LA SIDRA.- San Miguel cellebróse a lo grande en Xixón. En Pumarín gracies al padrón del Barriu y a una novedosa iniciativa del Barriu la Sidre, tolos vecinos tocayos del santu foren agasayaos con una botella sidre, lo qu’atraxo a un cientu presones que nun quinxeren quedar ensin regalu.

Confrades cola sidre

Corréu lleutrónicu Asoleyar

La Confradería de la Orde del Sabadiegu sofita la sidre.

LA SIDRA.- Siguiendo la dinámica entamada polos conceyos asturianos pa sofitar la candidatura de la cultura asturiana de la sidra comu Padrimoniu Imaterial de la Humanidá pola UNESCO, los defensores del Sabadiegu tamién quien amestase a esta campaña y pa ello escomenzarenyá mesmo a sofitar esta bébora, que sedrá la utilizada en tolos sos actos.

Al empar solicitarán a la Federación de Confraderíes Gastronómiques y a la Rial Academia de Gastronomía que s’amesten a esti proyeutu p’asina reforciar la campaña énte la UNESCO.

Páxina 52 de 166

MARIDAXE BOMBONES Y SIDRE

Banner

PREMIOS SISGA '14

Banner

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

EVENTOS

There are no events at this time
Sidrería Zapico
Banner
Bodegas Anchón
Banner
You are here Home
RSS