Lleguen los cancios de chigre a Gascona Asoleyar Corréu lleutrónicu
Llunes, 18 de Payares de 2013 11:25
La 2ª Edición del Certame arrinca'l xueves 21 de payares

LA SIDRA.- Los cancios de chigre van tornar amenizar les tardis de los xueves en Gascona, n'horariu de 20 a 23 hores (sacante festivos).

Una rueda prensa y la presentación d'un discu recopilatoriu colos meyores direutos del pasáu certame van sirvir d'apertura pa esta nueva edición  del festival, qu'anguañu dedícase a José Bernardo González, hosteleru y fundador de l'Asociación de Sidreríes de Gascona, presona bien venceyada a la cultura asturiana y a la hostelería llocal, triestimente fináu'l pasáu mes de setiembre.

 
La sidre sigue imponiéndose en Madrid Asoleyar Corréu lleutrónicu
Llunes, 18 de Payares de 2013 10:47

 Les Sidroquedaes aumenten la so frecuencia.

LA SIDRA.- Les Sidroquedaes madrilanes tán en puxanza. Lo que va tiempu empezó como un fechu aislláu tien agora un frecuencia cUasi quincenal, y dende setiembre yá son cuatro les rIalizaes.

La próSima cita va ser el vienres 29 de Payares nel Restorán Casa Paniza, llocal que poles sos istalaciones ye perafayaizu pal consumu de sidre y l'organización d’espiches comu esta. 

 
Asturies Brut Asoleyar Corréu lleutrónicu
Vienres, 15 de Payares de 2013 10:57

LA SIDRA.- Sidre Brut.Les burbuyes invaden Asturies

LA SIDRA.- Entamao por Gustatio, los llagares El Gaiteru, Trabanco y El Gobernador;  col sofitu d'Hostelería d'Asturies, l'Asociación d'Hostelería de Xixón y la DOP Sidre d'Asturies llega un añu más esti eventu col que pretende motivase a los veceros de los establecimientos hosteleros a probar les sidres bruts participantes, que van ser sirvíes en copes o por botelles, a precios especiales.

 
I Xornaes del Gourmet y cava de sidre Asoleyar Corréu lleutrónicu
Xueves, 14 de Payares de 2013 11:07

Tendrán llugar en Llaviana, del 15 al 24 de payares.

LA SIDRA.- La iniciativa parte de la hostelería del conceyu, que pretende dinamizar demientres estos díis el consumu de tapes de Gourmet y la sidre de copa. Ello asina, 17 establecimientos yá se xunieron a estes primeres xornaes, onde van ufiertar por un preciu unificáu una cazuela especial y una copa de sidre brut o d'esplumosu de mazana collorao por 2.5 euros.

En casu de preferir namás la cazuela, el preciu queda en 2 euros.  Nesta ideda gastronómica collabora amás el llagar Viuda de Angelón, polo que la calidá de la sidre ta asegurao.  

 
Wilkin Aquikes: Bicampión Asoleyar Corréu lleutrónicu
Miércoles, 13 de Payares de 2013 07:34

L’echaor de El Otru Mallu caltien el reináu.

LA SIDRA.-  La pasada fin de selmana demientres el Certame de la Castaña de Les Arriondes tevo llugar el postrer campionatu d'echaores del añu. Anque l’entítulu de campión yá taba práuticamente aseguráu, la segunda y tercer plaza del ranking decidiéronse equí.

Wilkin Aquiles, actual campión fixo una de les piores posiciones del añu, quiciabis polos nervios, y terminó n'ochavu puestu, lo que sicasí,aseguró-y el trunfu na xeneral.

El socampión agora mesmo ye Pablo Suárez, de La Cuétara, y el tercer puestu Jeison Franco, de Jalín el Madreñeru. Salvador Ondó, y Pablo Álvarez quedaron cuartu y quintu respeutivamente.

 
La sidre de xelu Panizales, nomada pa los premios Serondaya Asoleyar Corréu lleutrónicu
Vienres, 15 de Payares de 2013 10:41

LA SIDRA.-Sidre de xelu Panizales.Esta sidre, premiu SISGA 2013 a la meyor sidre de xelu, va competir con otros cinco productos pa consiguir el premiu a la innovación Cultural na categoría de Gastronomía. 

LA SIDRA.- Cerveza con miel de Somiedu (Belenos), quesu Afuega´l Pitu(de la quesería Rei Silu, Pravia), café escafeinao ecolóxicu (Toscaf), l’ocle col qu'esperimenta'l Cientru d'Esperimentación Pesquero del “Principado”, la Escuela d'Hostelería Abargane d'Ayer  son los rivales a los que s'enfrenta la sidre de xelu dell llagar Panizales, de Mieres.

El Xuráu, presidíu pol especialista en Turismu Celestino Riestra y acompangáu de presonalidaes rellacionaes cola gastronomía, la cultura y los medios de comunicación axuntará mañana nel llagar de Cenera, Mieres onde se va dar a conocer el ganaor.

 
La sidre al Senáu Asoleyar Corréu lleutrónicu
Xueves, 14 de Payares de 2013 10:33

El Partíu Popular va presentar una moción encamentando al gobiernu central a sofitar la declaración de la cultura asturiana de la sidra comu Padrimoniu Imaterial de la Humanidá.

LA SIDRA.- El prósimu llunes va ser cuandu Mario Arias, senaor por Asturies, presente esta propuesta de defensa, na que destaca más que la mesma sidre como productu, la cultura de la mesma. Na moción faise especial referencia a les tradiciones, rituales, estremaos usos, arte, folixes rellacionaes, gastronomíes y una vegada más resáltase la importancia d'ellementos propios comu llagares, sidreríes, chigres, espiches, vasu y por supuestu el ritual d’echar sidre y la figura del echaor.

 
Espicha tradicional de seronda Asoleyar Corréu lleutrónicu
Llunes, 11 de Payares de 2013 10:36

Llorgozana bañase en sidre.

LA SIDRA.- L'Asociación de vecinos Llorgozana Esiste, de Carreño entama una espicha onde la sidre y la gastronomía propia de la seronda  van  ser les principales protagonistes a lo llargo del sábadu 23 de payares.

 Amás, los socios entamen otres actividaes p’amenizar la folixa comu un concursu de repostería y va haber animaciones de calter popular comu xuegos, música y baille, colo que la  folixa ta más que garantizá.

 
«AniciuPrev51525354555657585960PróximuFin»

Páxina 52 de 172