Inicio > Eventos > III Fiesta de la Mayada y la Sidre Dulce
EventosGastronomíaTasties

III Fiesta de la Mayada y la Sidre Dulce

Demientres los díis 3 y 4 de payares un añu más l’Asociación Cultural InfoNoreña entamará la Fiesta de la Mayada y la Sidre Dulce de Noreña.

LA SIDRA.- El viernes pela mañana los más pequeños darán el pistoletazu de salida cola visita de los alunos de la Escuelina de Noreña que de magar les 11:30 h. dexarán pasu a los otros neños qu’aprofitando les vacancies escolares s’averen a la Sala Polivalente.

Yá pela tardi, de magar les 18:00 h. escomenzará l’amagüestu, parte indispensable del binomiu castaña-sidre’l duernu y a les 20 hores abriráse la esposición de semeyes LA SIDRA, tres la cual tendrá llugar la naguración oficial con participación istitucional y D. Rodrigo Vega (miembru de la Bona Confradería de los Siceratores d’Asturies) fadrá de pregoneru dela fiesta. Presllará l’actu la BG Villa y Condáu de Noreña interpretando l’hinu d’Asturies, y darréu, sobro les 21:30 escomenzará la Nuechi Folk coles actuaciones de L-R y el Koku la mazana.

El sábadu abriránse les puertes a les 12 la mañana pa la Primer Mayaona, dempués la primer tastia de sidre premiao nel SISGA’17 y pela tardi a les 17:00 el Concursu Oficial d’Echaores. A les 18:00 taller “Xugando na cocina” pa neños y de nueu pela nuehi conciertu a cargu de  N’Ochebre.

El domingu abrimos cola Mayaona y a les 13:00 h. tenemos la segunda tastia de sidre gallardonao nel SISGA’17, A les 3:30 ún de los platos fuertes de la fiesta, la esibición de tonada cola intervención d’Antonio González, José Luis Oves y Manuel Arenas, acompangaos por Álvaro Álvarez a la gaita. La Banda Gaites Villa y Condáu de Noreña pondrá la guinda al conciertu amosando’l so repertoriu. Pel tarid, una de les actividaes más esperada, el tercer Concursu de Dulce de Mazana Casero, onde s’entregarán premios a los meyores dulces pal xuráu profesional y tamién pal xuráu popular, amás d’otru gallardón a la meyor presentación. Darréu el segundu taller “Xugando na cocina” pa neños. A les 21:00 daráse por finada l’actividá.

Demientres tolos díis habrá amagüestu y una esposición de preseos pa la ellaboración de sidre’l duernu que podrán ser utilizaos por piqueños y mayores.

La idega d’esta actividá ye ensiñar a los más piqueños y recuperar la forma tradicional de faer sidre, actividá mui prolífica en Noreña antañu. Dar la importandia que se merez la sidre’l duernu, un porductu con muncha calidá y acoyía ente’l públicu que quiciás quedare daqué arrequexáu pola sidre natural, que nun dexa de ser un productu de la primera.