Inicio > Encamientos > Escorcha un deséu
EncamientosLlagares

Escorcha un deséu

El Gaiteru llanza una campaña pa reforestar les zones esfarrapaes poles quemes.

LA SIDRA.- Tres la fola de quemes qu’afaró parte’l país n’ochobre, Sidre El Gaiteru decidió faer un llamamientu al traviés de redes sociales pa reforestar les zones afeutaes pol fueu, non yá n’Asturies, sinón tamién en Galicia ya Castiella-Llión.

So’l llema “Descorcha un deseo”, El Gaiteru, xunto cola Fundación Osu Pardu, amestaron a la so campaña a dellos famosos y tamién presones anónimes cola fin de llantar un metro cuadráu d’árbol autóutonu en Cangas de Narcea y l’Altu Sil Galaicu-Lleonés.

Pa ello trabayará n’unos 5.500 metros cuadraos, onde se van llantar 350 árboles frutales remanecientes de viveros oficiales y que presenten los ecotipos de la zona pa garantizar el so ésitu.

Al retu xuniéronse cares tan conocíes los cantantes Alaska y Mario Vaquerizo; presentadores como Anne Igartiburu, Patricia Pérez, Elsa Anka y Nuria Roca; humoristes como Juan Luis Cano; actores y actrices como Bibiana Fernández, María Castro, Jesús Olmedo, Alejo Sauras, Nacho Guerreros, Toni Acosta, Megan Montaner y Elena Furiase; y modelos como Marisa Jara y Laura Sánchez.

Caún presentó un vídiu orixinal nel que dan voz a un deséu, porque éstos namá se cumplen cuando los faemos oficiales.

Pa sumase a la campaña tien d’etiquetase un deséu pa’l nuevu añu so los hashtags #DescorchaUnDeseo y #SidraElGaitero.

Ana María Viciosa
http://www.lasidra.as

Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d’inglés, guía ya intérprete y traductora. Ye una gran aficionada a la sidre y al bon xintar.