Inicio > Eventos > Entama’l Sagardo Forum
EventosInternacionalLlagaresSidreturismuTasties

Entama’l Sagardo Forum

Del 23 al 25 d’esti mes tendrán llugar n’Hernani estes xornaes téuniques dedicaes a la mazana, a los sos derivaos y a la cultura y turismu de la sidre.

LA SIDRA.- Nesta primer xornada les conferencies -que tendrán llugar n’horariu de mañana- tarán enfocaes al cultivu de la mazana y a la produición de la sidre, atendiendo a los aspeutos már téunicos rellacionaos col seutor primariu, y ente los soso ponentes atópase Daniel Gallinal, de la pumarada del mesmu nome en Llanera, que falará sobro la esperiencia na so pumarada.

Demientres la segunda xornada, Sagardo Forum centraráse nes esperiencies gastronómiques y el turismu de la sidre, nesti casu la presencia asturiana tará a cargu de Marta García, del Llagar Castañón, y Begoña Medio,  xerente de la consultoría turística Bmedio

El postrer díi, 25 payares cellebraráse’l primer Sagardo Forum Concurso Internacional de Sidre, baxo la direición d’Eduardo Coto, Cider Guerrilla.

L’eventu cunta col patrociniu de ná menos qu’ocho istituciones vasques. Tou un exemplu d’implicación de l’Alministración que por supuestu,  col “Principado” ye cenciellamente imposible.