Inicio > Chigres > El Nuevo Malabar sigue sosprendiendo
ChigresEncamientosGastronomía

El Nuevo Malabar sigue sosprendiendo

Juan Carlos Ruso y Ana Mª Nicolaiciuc lleven dende finales de xunetu na so nueva ubicación n’El Llano, xusto al llau de la Policía Municipal.

Los sos menús ente selmana a 8 € inclúin siempres un platu de cuyar, y pal sábadu y domingu tienen un menú pa ca díi, a 10 y 13,50 € respeutivamente.

Tola fin de selmana pue degustase pexe frescu del Cantábricu tresnao al gustu, y los domingos, siempres fabada. La especialidá más demandada pa dos o trés presones ye la Tabla Malabar, na que por 25 € ponen un surtíu d’embutíos, cachopos individuales de xata y provolone con cecina, esnales de pitu, criollu y ensalada. Los postres son caseros, destacando la tarata la güela, la de quesu con ráspanos al fornu, y como non, la de mazana.

Les xintes de grupu puen reservase con menús presllaos. Sidre de Cabueñes y Trabanco echaes y trataes con rigor, y tamién la brut Poma Áurea.

Imprescindibles les prósimes xornaes de pulpu a feira, del 31 d’ochobre al 2 de payares. Ah! Nesti chigre pue canciase, bien a ser posible.

Dexa una rempuesta

La so direición d'email nun sedrá espublizada Campos obligatorios marcaos con *