Asitiada nel famosu barriu de l’Eixample, apuesta por una cocina asturiana de calidá.
LA SIDRA.- La gastronomía tradicional d’Asturies tien n’El Furacu un bien dignu representante en Barcelona. Trátase d’un piqueñu y modestu, pero afayaízu restorán fundáu en 1987, con una decoración y un ambiente informal que recuerda a un típicu chigre asturianu.
Amás de la zona de barra con meses, dispón d’un comedor interior, más un piequeñu reserváu na planta cimera con capacidá pa fasta 18 comensales.
Nel so menú recupérase’l placer de los guisos de cuyar, teniendo como especialidaes la fabada asturiana, los callos y les fabes con rabu, amasueles o calamares na so tinta.
Tampoco nun falten los pexes y mariscos, como la merluza a la sidre, el bacalláu a la Cantábrica, turriaes de pixín, calamares, andariques y centollos. Y en custión de carnes, el platu más demandáu ye l’entrecot al Cabrales.
Pa detrás, ufierten postres caseros como arroz con lleche, flan, mousse de chocolate, hoxaldre con figos o tarta de castañes. Y como non, quesos tradicionales como’l Cabrales o Gamonéu, que puen ser acompangaos de marmiellada.
Destacar d’últimes que’l veceru pue tastiar la sidre por mediu d’echaores llétricos, pero tamién pue esfrutar d’ella bien echada, mentes siente entonar a Ángel Ovies cancios asturianos.
