Inicio > Chigres > El Antoju. Tol saborgu d’Asturies en Madrid
ChigresEncamientos

El Antoju. Tol saborgu d’Asturies en Madrid

Antonio Herrero y Marta Fernández decidieron, dempués de cinco años siendo un referente en Llanes, abrir un nueu chigre en Madrid, coles mesmes señes d’identidá que tan bonos resultaos-yos diere ente los sos veceros.

La idega surdió porque, como desplica Antonio, “en Llanes braneen munchos madrilanos y llevaben varios años diciéndomos que por qué nun abríemos un restorán en Madrid y, a la fin, un díi decidiemos abrilu”. Una naguración per tolo alto, na que nun faltó la música’l país y que nun pudo ser meyor, “vieno munchísima xente, más de lo qu’esperábemos y dempués de prebar los pinchos y la sidre, decidieron quedar munchos d’ellos a cenar, daqué que mos pilló por sospresa, perofoi perpositivo”.

L’oxetivu ye nidiu, treslledar tol saborgu de la gastronomías asturiana ala capital española. Pa ello, caltuvieron les señes d’identidá del so llocal de Llanes: productos de primer calidá; un serviciu cercanu y profesional; una ellaboració y presentación mui acuridiada de los sos platos;  un curiáu másicu del detalle, como ye la uniformidá de los sos camareros. En Boadilla del Monte, nun podía faltar ún de los platos que meyor definen la cocina asturiana, la fabada, a la qu’hai d’amestar el pote de castañes o fabes con centollu. Otru de los atractivos de la so carta son les trece variedaes de cachopos XXL, destacando, ente otros, el de xamón serranu, quesu Cabrales y dulce mazana. P’acompangar estos manxares pue escoyese ente la sidre Menéndez o la so DOP, Val d ‘Ornón, siempres echada tantu en barra como en mesa.

 

VER ARTÍCULU COMPLETU EN PDF

EL ANTOJU. Avenida Nuevo Mundo 9. Boadilla del Monte. Madrid. T. 910 398 853