Héctor Moro completó'l so novenu maratón solidaru pa la llucha escontra'l cáncanu na Sidrería El Escalón, de La Felguera.

LA SIDRA.- Al igual que fixere na Sidrería El Requexu de Xixón, Héctor Moro tornó a protagonizar un maratón sidreru nuna cincha estática asitiada nuna sidrería -El Escalón, en La Felguera- ente l'almiración y el sofitu de los veceros de la mesma, recalando 1500 euros que dirán pa la Fundación Josep Carreras, que llucha escontra la lleucemia.

 

A la fin de la maratón l'esportista manifestó la so satisfacción por poder dedicar el so tiempu y esfuerciu a la llucha escontra'l cáncanu, percorriendo por novena vegada con ésitu 42,196 km. y fecho entrega yá de cuasique 5.000 euros pa l'Asociación Galbán (Families de neños con cáncanu n'Asturies) y cuasique 2.500 pa l'Asociación Asturiana Escontra la Fibrosis Quística. Pero Héctor Moro entá nun dexó de correr "Por supuesto qu'esto nun fina equí" afirmó acabantes de percorrer la maratón.

Esta iniciativa non solo consigue recaldar fondos pa esta fin, sinon que consigue concenxar del problema a la sociedá y tamién recuperar la función social de los chigres asturianos, siempres vinculaos y comprometíos cola rialidá social na que s'afayen.

duque_peq3.jpg

02038993
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
8734
10825
45056
914011
278567
211993