Ta entamáu pol Clú Sierense d'Amigos de la Manaza nes Ecueles de Feleches

LA SIDRA.- El prósimu sábadu 4 de marzu de 10 a 13:00 hores fadráse la segunda xornada del cursu d'ellaboración de sidre casero entamada pol Clú Sierense de la Mazana. Foi'l xueves 16 de febreru cuando se rializó la primer parte d'ésti. En dicha ocasión dióse a los más de 20 participantes el módulu I: “La mazana de sidre asturiano”. El ponente foi Jorge García Álvarez, inxenieru agrónomu y téunicu de Campoastur. Les temes que se tratron fueron: llantíos, patrones de pumar, enxertos, fradaura d'iviernu y de branu, vecería, tratamientos, abonos, races de mazana de sidre, plagues, abonos y pañada.

La revista LA SIDRA tuvo presente mientres tol cursu pa conocer les innovaciones en cuantu a cultivos y los entueyos a les que s'enfrenten los ellaoradores de sidre casero. Asina, deprendimos sobro tratamientos fitosanitarios y regularización de les colleches, y cómo prevenir o lluchar escontra los grandes enemigos de los pumares, como lo ye, por casu’l topin. 

Nesti segundu módulu entituláu: “Conocencies de la sidre y del métodu d'ellaboración”, los asistentes van poder llograr conocencies alrodiu de la composición del mostiu, la formientadura alcólica, la sidre sobro la madre, defeutos y malures, normes de calidá, etc. Iniciatives como esa demuestren, una vegada más, la importancia que tien la nuesa bébora patria. Esti colleutivu ye'l claru exemplu del interés que sienten los asturianos pola sidre. Asociaciones como'l Clú Sierense de la Mazana caltienen viva la nuesa sencia asturiana y sirven de puntu d'alcuentru pa los amantes de la sidre. ¡Vémosmos el prósimu sábadu!

duque_peq3.jpg

01126994
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
7602
11824
36580
39648
126529