El domingu 26 va haber cachopu, fabada, pastel de centollu, quesu Cabrales y sidre echao por Alejandro Sanz Rodríguez.

LA SIDRA.- Si'l próximu domingu 26 táis per Guadalaxara, nun podéis perder el vermú asturianu que se va llevar a cabu nel restorán El Fogón del Vallejo, asitiáu na cai Vicente Aleixandre, 45, en Alovera.

Va ser un auténticu festexu asturianu en toa riegla pos habrá una amplia amuesa de la nuesa gastronomía patria como cachopo, platinos de fabada, pastel de centollu, quesu Cabrales, música del país y por supuestu sidre. L’echaor Alejandro Sanz Rodríguez ye l’entamaor d'esti alcuentru gastro-folclóricu –xuntu col citáu restorán–-. Sanz foi delles vegaes campión del concursu d'echáu de sidre de ‘Peña Las Torres’ de Azuqueca de Henares.

Ye nel mes de setiembre cuando se realiza esti certame que s'entamó yá doce veces coincidiendo coles fiestes del pueblu. El xuráu d'esi concursu ta compuestu na so totalidá por miembros del Cientru Asturianu d’Alcalá de Henares y p’amenizar, una banda de gaites acompanga l'alcuentru.

 

Al rematar el concursu, yá entrada la madrugada, la sidre protagoniza esa nueche festiva. Una amuesa más de la capacidá que tien la sidre pa sociabilizar a les presones.

duque_peq3.jpg

banner_anunciu_horizontal.jpg