La DOP de sidre vasco cunta con algamar una produción de 10 millens de kilos de maza, lo que supondríe una collecha hestórica.

 

LA SIDRA.- Sigún el comunicáu de la DOP Euskal Sagardoa, qu'entama agor ala segunda temporda de collecha, les previsiones de mazana pa esti añu son perbones, camentando que puen algamase los 10 millones de kilos, eso sí, con diferencies a lahora de la mauración conforme lo serondiegues que puedan ser les races de mazana

N'Euskal Herria yá escomenzaron a mayar dende entamos de setiembre, porque esti añu la collecha vien-yos enforma alantrada, y camienten que finaran de mayar pa la primer selmana d'ochobre.

Concursu d'echaores y bayurosa programación musical.

LA SIDRA.- L'Asociación de Sidreríes de la cai Gascona, amiesta a les fiestes de San Matéu n'Uiéu, una programación especial qu'escomenzará'l vienres col Concursu d'Echaores de Gascona na so XVI edición y nes sos categoríes xeneral, llocal y d'echaores que presten los sos servicios nel Bulevar de la Sidre. El concursu ta dotáu d'importantes premios en metálicu, y pa los echaores, vencer na emblemática cai ye un aval de profesional d'esperiecia.

Na carpa istalada al llau del tonel identificativu del Bulevar d ela Sidre, cellebraránse varios conciertos con horariu de les nueve de la nuechi a les once. El vienres 15 xubiráse al escenariu el grupu Cum Laude, cola so música allegre y positiva. El sábadu actuará Lady Llagar, qu'interpretará cancios d'estremaos estilos y que trunfó en Muyeres Fest. El domingu 17 canciarán Son del Carmen, grupu asturianu con más d'una década d'ésitos nes sos interpretaciones de boleros y sones cubanos.

Sidras Zacatlán, produz una orixinal sidre que lleva'l nome d'esti conceyu asturianu.

LA SIDRA.- La emigración asturiana a hispanoamérica llevó con ella la sidre asturiano, de tala miente qu'anguañu la sidre -la xampanizao básicamente- yá forma parte del acervu gastronómicu de los más de los países sudamericanos, onde tamién algamó espresiones propies acordies al mediu nel que se desendolcó.

Arriendes d'ello, fueron munchos los llagares entamaos polos asturianos nes nueves tierres, y anguañu los más de los productores de sidre n'hispanoamérica tan rellacionaos d'una o otra forma con Asturies y la so cultura de la sidre.

El llagareru maliayu, presidente del CRDOP “Sidre d’Asturies” defendió la  mazana, la sidre y la Cultura Asturiana de la Sidre na so intervención.

LA SIDRA.- Como nun podía ser d’otra miente, Celestino Cortina centró bona parte del so pregón nes fiestes del Portal, na mazana y la sidre, destacando la importancia de lluchar per un seutor que, anque nos más de los casos nun permite vivir d’elli “supón un interesante suplementu na economía familiar de munchos asturianos” y defendiendo que’l futuru de la sidre “depende en gran parte de nós mesmos”.

Nuna Plaza’l Güevu apinada de xente, desplicó tamién el llabor del Conseyu Regulaor, y la necesidá de faer frente a la importación masivo de mazana estranxero, destacando que cola inclusión de 54 races nueves de mazana pa la ellaboración de la Sidre d’Asturies, ta dándose un pasu perimportante nesi sen. Asina mesmo destacó que’l 30% del rexistru de pumaraes del Conseyu Regulaor correspuende a Villaviciosa, a la que definió como la tierra de la mazana por escelencia “¡La capital de la mazana de calidá”.

La hermandá gastronómica va cellebrar el so Gran Capítulu'l 8 d'ochobre nel que la sidrería avilesina recibirá esta  reconocencia.

LA SIDRA.- La sidrería Yumay, del barriu avilesín de Villalegre, foi nomada confradere d'honor per parte de la Confradería del Quesu Gamonéu. "Esta reconocencia ye pol so esquisitu cuidu y escelente promoción demientres años d'esti quesu" siñalaron dende la citada hermandá gastronómica. El so Gran Capítulu va cellebrase'l prósimu 8 d'ochobre y va ser ende onde s'apurra oficialmente la reconocencia a Lola Sánchez y Justo García, propietarios del Yumay y al mandu de l'asociación: Los Gastrónomos del Yumay, primer hermandá culinaria forxada d'una sidrería.

Una empresa estauxinidense saca al mercáu un lletrodomésticu pa ellaborar esta bébora.

LA SIDRA.- Demientres los años caberos púnxose de moda ellaborar les nueses propies bébores formientaes. Escomenzó a popularizase cola fabricación de cerveza artesano o "craft beer" a finales de la década del 2010. Los llamaos "kits" pa producila esperimentaren un ésitu rellativu yá que munches presones atoparon nellos una solución pa cuntar con una produición casero propio. Tamién pasó lo mesmo cola sidre, n'especial en países anglosaxones nos que beber sidre tamién ye avezao, anque claro, non como nel nuesu país.

Amás de les tripes, perfechamente llimpies, esti platu lleva focicu y pata de xata y caces de gochu perbien desgüesaes.

LA SIDRA.- Gústenme los callos. Siempres toi guetando llocales onde los pongan, y meyor si los acompango con una botella sidre. Paezme qu’harmonicen a la perfeición. Los mios compañeros y collacios saben d’esa pasión mía y por ello munches vegaes invítenme a que prebe lo qu’ellos descubrieron. Esti fo’l casu de La Fontaine, nel Camín de Cabueñes 1185. Yá me falaren d’ellos enantes y por eso la fin de selmana teníala prevista pa empobiname al alrodiu rural de Xixón y desgustra esti platu que, como aconseyen les güeles: “los callos asturianos picantinos, piquiñinos y pegañosos”, y los d’equí cumplen estes tres cualidaes.

El Campu Valdés fo’l llugar onde s’afayó la XXII Feria Nacional d’Artesanía Creativo y n’onde los artesanos espunxeron obres ispiraes na sidre y la mazana.

LA SIDRA.- Del 4 al 15 d’agostu tuvo llugar en Xixón la XXII Feria Nacional d’Artesanía Creativo. Un total de 22 artesanos espunxeron los sos productos nos stands asitiaos nel Campu Valdés. Y ehí tamién tuvo presente la sidre y la mazana. Varios de los llocales amosaben estremaes creaciones que teníen como motivos estos dos ellementos. Pequinos, cerámica, anillos, colgantes y fasta portavasos de sidre fechos de cueru llamaron –y muncho- l’atención de residentes y turistes que s’averaron fasta dichu mercáu pa facese con estes obres d’artesanía y pa llevar consigo un recuerdu del branu asturianu.

duque_peq3.jpg

02816395
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
3966
9180
13146
1724513
201153
238631