Namás en Guipuzcoa, les istituciones vasques invierten n’aídes a pumaraes de sidre 290.000 euros, mentes el “Principado” nun invierte más que 50.000.

LA SIDRA.- Carmen Fernández, diputada de Foro y portavoz de Recursos Naturales na Xunta Xeneral, comparó la promoción del pumar de sidre que se fai nuna sola de les provincies vasques cola que fai tol “Principado”, poniendo n’evidencia que mentes n’Asturies nun s’invierten más que 50.000 euros, namás en Guipúzcoa lleguen cuasique a sestuplicar esa cantidá: 290.000 €

La diputada de Foro punxo asina n’evidencia’l desenfotu del “Principado” respeutu a la sidre, y alvirtió que mentes equí se ta desdexando’l seutor, n’otres comunidaes ta faciéndose un auténticu esfuerciu por que vaiga a más, colo que'l futuru que mos espera paez nidiu.

La sentencia, que yá ye firme, obliga a dicha Conseyería a valorar de nueu tolos proyeutos presentaos a les sovenciones a medios de comunicación en 2015, por falta de motivación a la hora de valorar los  mesmos.

LA SIDRA.- Normalizar l’usu del asturianu y faelu visible socialmente ye un oxetivu al qu’intentamos contribuyir dellos medios de comunicación como la revista LA SIDRA y la web lasidra.as . Ello asina, cuando la Conseyería d’Educación y Cultura del “Principado” convocó nel 2015 una llinia de sovenciones a medios de comunicación pa la normalización social del asturianu, presentáronse en tiempu y forma los respeutivos proyeutos dau que se cumplía dafechu con toles condiciones de dicha convocatoria.

Por embargu, la citada Conseyería descalificó dambos proyeutos, ensin motivar la puntuación otorgada, llegando inclusu a puntuar con un ceru l’asturianu utilizáu, cuando un estudiu de L’Academia de la Llingua Asturiana, másima autoridá istitucinal en materia llingüístico, estimó correchu l’asturianu emplegáu tanto pola revista LA SIDRA como pola páxina ueb lasidra.as.

Grupu El Gaitero da puxu a esta bébora, perafayaíza pa esta temporada pol so cómodu envase, versatilidá, saborgu y frescor.

LA SIDRA.- Grupu El Gaitero llanza pa esti branu'l so terciu de sidre, marca que yá llevó un premiu: el de Meyor Sidre Heteroxénia nel Festival de la Sidre de Nava. "Poques coses son más petecibles con esti tiempu que compartir una bébora fresca y deliciosa a la vera la mar... o de la piscina. Y acompangada d'un bon aperitivu, por supuestu. Puestos a pantasiar, a la bébora de los nuesos suaños tamién-y pediríemos que se pudiere llevar a cualisquier parte, que fore baxa en caloríes y con poco alcol. ¡Deseyu cumplíu! El Terciu de Sidre El Gaitero fai rialidá esta pantasía braniega, y amás tien, per un llau, la so versión "ensin" pa quien prefieran nun tomar alcol y, per otru, el so formatu más modernu y franceor: la lata de Sidre El Gaitero pa llevar a cualisquier parte" siñalen dende'l citáu grupu"

Asina mesmo, siñalen que'l so cómodu envase -más piqueñu que los tradicinales- resulta peratractivu, y tien "un saborgu deliciosu".

 

Denúncien qu'hai botelles de permala calidá y que por ello los que van de folixa prefieren tomar cerveza o cacharros.

LA SIDRA.- " A min gústame la sidre, y cuando voi de folixa ye lo que me presta beber. Pero pónente ca cosa... paez vinagre, y claro, eso nun se pue beber. Asina que pa eso meyor pido un cachi" siñala Alonso, elli y los sos collacios son asiduos a les fiestes de paru y afirmen que tol añu esperen con ganes el bon tiempu pa que dean comienzu. "Les fiestes de prau n'Asturies son úniques, la mio moza ye de Llión y vien coles sos amigues. Pero claro, cuando venimos equí nun pidimos sidre porque nun ta bien. Enantes dexaben trayer caxes, pero yá non. Yo toi d'alcuerdu en pagar pa que sigan entamándose, pero ye que yá sabemos que ye fácil que mos dean puxarra, y cara" sentencia.

El direutor xeneral de Desendolcu Rural y Agroalimentación del “Principado” afirma que van retomar la candidatura comu Padremuñu Imaterial de la Humanidá.

LA SIDRA.- Jesús Casas, demientres la so participación nel “Sidraforum” cellebráu  cola xida del Festival de la Sidra de Nava,  afirmó que mañana mesmo tendrá un aconceyamientu cola Conseyería de Cultura pa entamar de nueu la campaña pa que la UNESCO reconoza la cultura asturiana de la sidre como Padreñu Imaterial de la Humanidá.

La Conseyería anunció esta propuesta y otres más rellacionaes coles pumaraes pa la Sidre d’Asturies DOP.

LA SIDRA.- Nel pasáu salón y presentación de la collecha de la Sidre d’Asturies DOP emitiéronse distintos anuncios rellacionaos con esta marca, que van ser un puntu inflexón dientru la hestoria del seutor sidreru contemporaniu. En dicha presentación, y como yá s’espublizara nesta revista, tamién participó nel actu de presentación la conseyera de Desendolcu Rural y Recursos Naturales, María Jesús Álvarez. Magar ye ciertu que la noticia principal foi la de la incorporación de llagares a la Denominación d'Orixe, tamién pudiemos saber de prósimes midíes pa los collecheros asturianos. Nun hai qu'escaecer qu'ensin mazana d’Asturies, nun hai sidre d’Asturies. Una d'estes propuestes ta rellacionada cola preservación del alrodiu, una aición indispensable si queremos siguir diciendo que tenemos un Paradísu Natural”

La Universidá d'Aveiro afirma qu'ellabora la bébora de magar la magaya, colo que reduz la contaminación del alrodiu.

LA SIDRA.- Nun se trata de qu'al ellaborar sidre se xenere la magaya; sinon al revés. Alunos de la Universidá d'Aveiro -en Portugal- produxeren una sidre que se fai de magar la magaya, ello ye, naz de la magaya resultante de la "ellaboración del zusmiu concentráu de mazana" ¿Y como? Pos a la magaya amiésten-y tamién llevaúres. El resultáu, indiquen, ye una triba sidre estremada a la qu'hai en mercáu y que lleva por nome Cidermace. L'oxetivu, sigún siñalen los estudiantes, ye que la magaya nun tea un impautu ambiental negativu pal arrodiu.

La selmana pasada, el Llagar Sidrería El Cabañón -Naves, Llanes- cellebró la so tradicional espicha-corderada.

LA SIDRA.- El conocíu "llagareru-chigreru-showman" Jacinto Vela Carriles agasayó a los sos convidaos, collacios, veceros, chigreros y llagareros con una espichona pa cellebra el branu llaniscu.

Nesta multitudinaria espicha participaron los llagareros de Huerces, El Güelu y El Cuchareru, los parrilleros de J.J. de Llanes y de La Veguca de San Roque de L’Acebal, xente de la cuenca, como los de Casa Xuaquina de La Nueva y  xente de Xixón, como’l 4 veces campeón d’echaores Pablo Costales de la Sidrería El Cuetu.

duque_peq3.jpg

02348879
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
6553
8174
29451
1247056
294965
293488