Dientru les actividaes del Festival de la Sidre de Nava, el domingu cellebraráse la cuarta preba del campionatu d’Asturies d’Echaores.

LA SIDRA.- La Plaza Manuel Uría acueye esti prósimu domingu 9 de xunetu, de magar les 12 del meudíi, una nueva preba del Campionatu d’Asturies d’Echaores, qu’esti añu algama la vixesimo cuarta edición.

Trátase de la cuarta de les 14 prebes de les que costa esti añu’l campionatu, y que xuntará de nueu a multitú de competiores nel tornéu, perfechamente consolidáru nel nuesu país. Sedrá amás ún de los concursos estrella del añu. Salvador Ondó, l’actual campión d’Asturies d’echaores, ye cabezaleru de la clasificación tres la disputa de tres prebes (Cabranes, Mieres y Bimenes).

 

Anguañu, la clasificación ye la que vien darréu:

1º. SALVADOR ONDÓ (Sidrerías El Mallu-Xixón)…......56 PUNTOS

2º. JEISON FRANCO (El Madreñeru- La Pola Siero)..........47 PUNTOS

3º. WILKIN AQUILES (Sidrerías El Mallu-Xixón)..…......45 PUNTOS

4º. JONATHAN TRABANCO (Los Portales-La Pola Siero)..33 PUNTOS

5º. JORGE VARGAS (El Mallu-Xixón)..……………………….29 PUNTOS

El Campionatu d’Asturies d’Ecahores ye agora mesmo una cita ineludible pa los amantes de la nuesa bébora patria. Finará’l prósimu mes de payares cola proclamación del nueu Campión d’Asturies. Ta entamáu pola Asociación d’Echaores d’Asturies y cunta col padrociniu de Caja Rural, el CR DOP Sidre d’Asturias y OTEA, ente otres entidaes.

duque_peq3.jpg

02816337
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
3908
9180
13088
1724513
201095
238631