Güei y mañana cellebraráse en Güerres, Colunga, la so VI Oriciada, afirmando que naide nun se va atrever a dicir qu'un oriciu ye una croqueta, pero que pa nun disgustar a los "entendíos", habrá croquetes d'oriciu.

LA SIDRA.- Güerres torna a ser la capital oriciera asturiana nesta sesta edición qu'entama güei y que dende les 11 la mañana escomenzará a servir oricios crúos, cocíos, tortiella d'oricios, croquetes d'oricios, boroña. Con precios populares: ración d'oricios y botellina sidre a 14 €.

Pela tardi, de magar les 19:30, la mítica Viri, del Llar de Viri, impartirá unes clases de cocina, y a les 21 hores fadráse entrega del Oriciu d'Honor al medallista paralímpìcu riosellanu Alberto Suárez Laso. L'Oriciu d'Honor ye una escultura de Kiko Urrusti.

Pal domingu tórna de nueu a abrise la carpa oriciera a les 11 la mañana pa siguir colos oricios... l'oxetivu d'esti añu ye llegar a les dos tonelaes.

 

Arriendes d'ello, el Cientru d'Interpretación Sierra del Sueve, entamará escursiones didáutiques al pedreru de Güerres sobro la piesca l'oriciu, pudiendo facese les iscripciones en http://sierradelsueve.es. L'horariu pa estes escursiones sedrá el sábadu a les 9 y el domingu a les 10, de la mañana en dambos casos, como manda la marea.

Nesta fin de selmana gastronómico-folixera de Güerres tamién habrá tiempu pa sofitar una bona causa, na barra habrá una buchaca pa recoyer fondos pa la recuperanza de la capiella del sieglu XVI que ta rehabilitánose en Güerrres, la Capiella de Santa Catuxa d'Alexandría.

 

duque_peq3.jpg

01126995
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
7603
11824
36581
39648
126530