La Guía del Cachopo entama’l I Festival del Cachopu Plaza Toros Las Rozas del 14 al 17 setiembre.

LA SIDRA.- Participarán un total de nueve restoranes asturianos de Madrid premiaos los más d’ellos nos Concursos de Cachopos de la ciudá, y el Campión del concursu Meyor cachou y cachopín d’Asturies 2017: la sidrería Pichote d’Uviéu.

Nesti eventu gastronómicu serviránse -amás del citáu platu que ta trunfando per tol estáu- una amplia variedá de la cocina de la nuesa tierra. Dientru’l ruedu istalaráse una caseta con productos asturianos como quesu,embutíos, empanaes, conserves, bollos preñaos, etc.
Tamién se cuntará con un espaciu pa los más piqueños de la casa, darréu que s’afayará una fastera pa neños y neñes con actuaciones en direutu tolos díis de magar les siete y media la tardi.

El llagar xixonés trunfó nel XXXIII Concursu Asturiano de Sidre, cellebráu en Villaviciosa.

VER SEMEYES

LA SIDRA.- Foron 95 puntos los que-y dieron a Trabanco'l trunfu nesti XXXIII Concursu Asturianu de Sidre, en Villaviciosa. A la final cellebrada ayeri a les siete la tardi, pasaren namás ocho botelles, de les que, como ye avezao nesti certame, nun se dió a conocer a qué ellaboraores pertenecíen. Na primer ronda la sidre Trabanco algamó una puntauación de 45 puntos. Los seyes xuraos valoráronla con nueve puntos caún.

Lo mesmo sucedió con otra sidre participante, la "numberu 5" qu'algamó esautamente la mesma puntuación, Pero na segunda ronda too quedó más que nidio. Los xueces otorgaron a la "sidre númberu 1" -la del llagar de Llavandera-, 10 puntos caún, colo que xubió al primier puestu del podiu. La que quedó en segundu llugar sumó 93.

Anque'l Salón Internacional de les Sidres de Gala ye un eventu empobináu a profesionales del seutor, tamién cunta con una riestra d'actividaes abiertes al públicu.

VER PROGRAMÍN D'ACTIVIDAES ABIERTES AL PÚBLICU

LA SIDRA.- Por muncho que lo más popular seya la Xornada de Tastia Abierta, que se cellebrará'l sábadu 30 setiembre y que ye una oportunidá única na que los asistentes puen prebar les meyores sidres de copa del mundiu, lo cierto ye que'l VII SISGA ufierta una fargatada d'actividaes interesantes pal públicu xeneral, tales como la posibilidá de participar na Nuechi de Gala, la Espicha d'Hermandá, la Xornada de Sumilleres o el I Alcuentru de periodistes y bloggers de la sidre, asina como la posibilidá de participar nel SISGA como voluntariáu talamente como se desplicará en prósima convocatoria que se fadrá per esti mediu.

Cellebraráse en Feleches el prósimu 15 setiembre

LA SIDRA.- Les antigües escueles de Feleches -Siero- sedrá'l llugar onde se cellebre'l V Concursu de Sidre Casero de Siero qu'esti añu quier aumentar la participación.

Dende la Sociedá de Festexos Corpus Christi de Feleches,que son los entamaores del concursu tan animando a la xente a participar pa superar la trentena de llagares caseros que se presentaren l'añu pasáu, recordando que los trés primeros claisficaos podrán participar nel concursu a nivel d'Asturies que se cellebrará en Villaviciosa n'ochobre.

Pa concursar ye preciso ellaborar sidre casero o bien nel conceyu Siero o residir en Siero. Les inscripciones y la recépción de la sidre sedrá de magar el llunes 11 y podrá facese fasta'l díi enantesde magar le 8 la tardi, aportando ca participante una caxa sidre.

El premiu a la “Etiqueta más guapina” foi pal llagar Los Gemelos.

VER VIDIU

VER SEMEYES

LA SIDRA.- En total participaron 12 llagares maliayos: Buznego, Castañón, Cortina, El Gobernador, El Traviesu, Frutos, Los Gemelos, M. Busto, Tomás, Vallina, Vigón y el ganador, Coro. En total echáronse ná menos que 30.000 culinos de sidre, y vendiérense un total de 2.000 vasos comemorativos, que como davezu, permitíen prebar la sidre de los mencionaos llagares..

L’actu entamó cola intervención de la Banda Gaites El Gumial de Moreda, y l’actuación del cantante de l’Asturies de Santillana, Nando Agüero y l’echáu del primer culín de la xornada, que corrío a cargu de Guti Rodríguez, de la Sidrería La Ballera.

L’ambiente foi impresionante dende un entamu, con cientos de presones percorriendo los puestos de los llagares y de los puestos de xinta que permitieron forrar pa esfrutar con seguridá de la perbona ufierta sidrera.

Bate récor de participación con 31 llagareros del conceyu.

LA SIDRA.- Esti domingu de magar les 11:30 hores tendrá llugar la final a la que pasaren 12 sidres tres un procesu de preseleición, y darréu habrá una preba pública de la sidre casero de Piloña presentao al concursu, asina como la de varios llagares caseros navetos que tamién quien collaborar col eventu, por ser Nava "Conceyu Invitáu" nesti concursu.

En total pondránse a dimposición de los asistentes alrodiu de los 1.000 llitros de sidre, que podrán degustase siguiendo l’avezáu sistema de mercar el vasu comemorativu por 3 € pa prebar tola sidre que pete.

Salvador Ondó ye'l cabezaleru de la clasificación tres ocho prebes per estremaos conceyos asturinaos.

VER SEMEYES

LA SIDRA.- Wilkin Aquiles fo'l venceor na preba cellebrada en Tapia del Campionatu d'Asturies d'Echaores al algamar 117,3 puntos. En segundu llugar quedó Jeison Franco con 116,9 y el tercer puestu ocupólu Salvador Ondó con 116,3 puntos  

El Campionatu, qu'esti añu algama la vixesimo cuarta edición, yá se cellebraren ocho prebes n'estremaos conceyos del país. Agora mesmo la clasificiación alcuéntrase asina: Salvador Ondó, d'El Mallu (Xixón), suma 123 puntos. Jeison Franco d'El Madreñeru (La Pola Sieru) suma la mesma cantidá. Síguelos Wilkin Aquiles y Jorge Vargas, tamién d'El Mallu, con 120 y 95 respeutivamente. En quintu llugar tá Jonathan Trabanco de Los Portales (La Pola Sieru) qu'algamó 89 puntos y, finalmente, Alberto Truchado, de La Chalana (Avilés) con 66.  

Les prósimes cites sedrán, el 15 setiembre na cai Gascona d'Uviéu y el 23 del mesmu mes n'Agrosieru. El campionatu d'Asturies d'Echaores fianará'l mes de payares cola proclamación del nueu campión.

Cellebraráse esti sábadu 2 de setiembre y participarán 12 llagares maliayos.

LA SIDRA.- Entamará a les 12 de la mañana col pregón del cantante de l’Asturies de Santillana, Nando Agüeros, y la participación de la Banda Gaites El Gumial, de Morea, y el Grupu Folklóricu Villaviciosa-Aires d’Asturies.

duque_peq3.jpg

02816477
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
4048
9180
13228
1724513
201235
238631