Inaciu Hevia Llavona (Xixón, 1965), ta arreyáu familiarmente a los conceyos de Villaviciosa, Colunga y Cabranes, una de les principales fasteres sidreres asturianes, de la que ye bon conocedor.

 

Ye miembru de la Fundación Belenos d’estudios etnográficos, y del conseyu de redaición de la so revista “Asturies, memoria encesa d’un país”. Nella, tien publicao de magar 1997, dellos artículos de temática sidrera, hestórica y etnográfica.

 

Asinamesmu, ye autor de los siguientes trabayos d’investigación toponímica, premiaos y espublizaos pela Academia de la Llingua Asturiana: “Toponimia de Torazu, Cabranes” (Uviéu, 2002), “Toponimia de La Isla’l Moral, Colunga” (Uviéu, 2004), y “Toponimia de Gobiendes, Colunga” (Uviéu, 2006).

 

L’estudiu de la cultura tradicional asturiana, desendolcáu principalmente al traviés del trabayu de campu, fizo-y posible espublizar les obres: “Les Paneres de Maliayo”, (Xixón, 2004); “Arte Popular Asturiano” (Siero, 2005), del que ye coautor xuntu con Alberto Álvarez Peña, y “Sidra y Llagares Tradicionales Asturianos” (Sieru, 2006).

 

Escritor y conferenciante, tantu n’Asturianu como en castellanu, ye tamién collaborador de la revista “La Sidra” y miembru del xuráu del Premiu d’Ensayu Emilio Trabanco. Anguañu tien en prensa dos trabayos sobro la cultura sidrera tradicional, de prósima espublización.

duque_peq3.jpg

02020106
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
672
13252
26169
914011
259680
211993