La 26 edición d'Espiches Madrid cellebraráse'l vienres 2 d'ochobre a les 21:00 hores na nueva Sidrería A Cañada, nel Barriu Lavapiés.

LA SIDRA.- La espicha inclúi tastia de sidre y productos asturianos, y de magar ello, espicha con raciones curioses y barra llibre de sidre, comu ye avezao, a lo qu'amiesten sorteos, regalos y sospreses varies.

El preciu ye de 20 € que s'apurrirán a la entrá de la espicha, onde se repartirán les acreditaciones.

Arriendes d'ello, les copes postespicha (dempués de les 23:30 hores) a 4 €

La sétima edición de Xixón de sidre cellebraráse del 8 al 18 d'ochobre. Sidre y cazolines de calidá y a precios afayaizos

LA SIDRA.- Esti emblemáticu eventu rellaciona chigres y llagares, con una perinteresante ufierta que permite aceder a llagares que munches vegaes nun son fáciles d’atopar por mor de los estremaos sistemes de distribuición, y esfrutar de la so sidre con cazolines tresnaes polos chigres participantes, y a unos precios perafayaizos.

El XIV Concursu d'Echaores d'Agrosieru tornó a ser mui reñíu, con trunfu ginal pa Pablo Álvarez, de la Sidrería Fonte Villoria de Llugones.

LA SIDRA.- L'altu nivel de los echaores ta faciendo que ca concursu seya más igualáu. Asina, nel XIV Concursu d'Echaores cellebráu na tardi d'ayeri n'Agrosieru, y valederu pal Campionatu d'Asturies, el ganaor foi Pablo Álvarez (Fonte Villoria, Llugones), con 117,70 puntos, siguíu por Salvador Ondó (El Otru Mallu, Xixón) con 117,10 y de Wilkin Aquiles (El Otru Mallu, Xixón) con 117.

El ganaor llocal foi Ignacio Martínez (El Madreñeru), siguíu por Lisandro Morillo.

Esta fin  de selmana tendrá llugar el XXII Mercáu Agrosieru, que cuntará con una carpa nel esterior de la Plaza Cubierta dedicada al mundiu de la mazana y la sidre.

LA SIDRA.- Esta nueva edición d'Agrosieru apuesta serio pola sidre, con 300 metros cuadraos dedicaos espresamente a la sidre y la mazana, una iniciativa que fai d'esti eventu una referencia obligada pa tol seutor sidreru y cola qu'afonda nel so compromisu con tol seutor productivu agroalimentariu asturianu.

Los 3662 € algamaos de la venta vasos demientres el récor d’echáu simultaniu foron donaos a l’Asociación de pas y mas de presones con autismu (Adansi)

La Caxa Laboral Kutxa dio un euru por caún de los vasos vendíos pal récor del pasáu 28 d’agostu na sablera d’El Castrillón, que foron cedíos p’Adansi, lo que supón un total de 3.662 € que dirán destinaos a aniciar un fondu pa les families que nun puen permitise pagar les terapies pa tala enfermedá.

Nel mes d’agostu, les ventes de sidre meyoraron un 5% respeutu al añu anterior, y ente xunu de 2014 y xunetu de 2015, el xorrecimientu foi del 3,8%.

LA SIDRA.- Los datos provienen del Ministeriu d’Agricultura Alimentación y Mediu Ambiente (Magrama), y fueron espardíos pol Conseyu Regularo de la DOP Sidre d’Asturies, que tamién comunicó comu sigún los sos rexistros, demientres el mes d’agostu de 2015 les ventes xorrecieron un 5% respeutu a agostu de 2014, mes nel que medraron de forma espeutacular un 20% respeutu al mesmu periodu de 2013, lo que dexa nidio que  se trata d’un productu de tendencia que ta perafitándose nes preferencies de los consumidores.

 El XXXI Concursu de Sidre de Villaviciosa dio'l trunu a Sidra Roza, que recoyerá güei nel ayuntamientu Maliayu'l correspuendiente gallardón.

LA SIDRA.- El Concursu, tuvo perigualáu, con diferencies mínimes ente los primeros clasificaos: 3 centésimes ente'l primeru y el segundu y 2 ente'l segundu y el terceru; colo qu'el xuráu, compuestu por Pablo Costales, Natalia Menéndez, Joaquín Cernuda, Gumersindo Martínez, Guti Rodríguez, Maximino Villarrica, Luis Naredo, Severino Cueva, Loreto García y Joaquín Fernández, tovieron qu'afinar muncho.

duque_peq3.jpg

01100360
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
1736
8210
9946
39648
99895