Un añu más los corresponsales de LA SIDRA desplazáronse a la ciudá bretona d'An Oriant pa cubrir y esfrutar ún de los mayores festivales d'Europa

THE CIDER.- Nel Festival Intercélticu d'An Oriant, danse cita tolos países celtes: Acadia, Asturies, Cornualles, Bretaña, Gales, Galicia, Escocia, Irlanda and Islla de Man, siendo esti l'añu de la so 45 edición, na que'l protagonismu ye pa la Islla de Man y Cornualles, que faen de cabezaleros. Equí ta tamién por supuestu la dellegación asturiana, entamada por Iñaki Sánchez Santianes y compuesta polos grupos y artistes Xuacu Amieva, Cerezal, Lakadarma, Tejedor, Banda Gaites el Trasno, Alienda, Filandón y dellos más

El llamentable procesu d'aculturación que carecemos los asturianos fai que ca vuelta seya más frecuente la españolización de la terminoloxía asturiana, fasta algamar el ridículu más sonáu.

LA SIDRA.- Si yá sonare l'allerta col programa televisivu que llamaba "sidriña" y "bodegas" a la sidrina y los llagares, agora l'esperpentu llega'l puntu de que nun mediu de comunicación del país (La Nueva España), nun artículu firmáu por Mariola Menéndez, empleguen el términu de "bodegas domésticas" pa referise a los llagares caseros.

La collación de Samartín de Podes, Gozón, cellebra'l so I Festival de la Sidre esti vienres 7 d'agostu.

 

LA SIDRA.- Esta fin de selmana acumúlasemos el trabayu a los sidreros, y a les consabíes fiestes de prau y les mui sidreres del Festival de la sidre de Navia, el Descensu'l Seya y el Xiringüelu, hai d'amestar aogra el primer festival de la sidre entamáu pola comisión de festexos de Podes, Gozón.

El festival entamará a les 21 hores, y por namás 5 € podrá esfrutase de tola sidre que se quiera fasta la fin de la folixa, ufiertándose tamién tapes a precios populares. Una perbona ufierta qu'habrá qu'aprofitar y que al facese de tardi-nueche pue facese compatible con otres folixes entamaes pa esi mesmu díi.

 

Mañana vienres 7 d'agostu, Navia cellebrará la décimo quinta edición del Festival de la Sidre.

LA SIDRA.- Esti eventu sidreru, entamáu por La Banda del Militrón con ampliu sofitu de les sidreríes del pueblu, Ayuntamientu, Caxa Rural y empreses de la fastera, entamará a les 12:30 de la mañana na dársena del Cai, onde tres mercar el vasu comemorativu por 2 €  habrá preba gratuito de sidre, actuaciones musicales, degustación de bonitu a la chapa y productos de Quesería d'Abredo: requesón, arroz con llechi y quesu.

El naviegu Miguel Pérez meyor barista del país, con una bébora a base de sidre de xelu.

LA SIDRA.- Miguel Pérez xunció productos emblemáticos asturianos nes sos preparaciones, la castaña nel combináu non alcólicu, y la sidre de xelu pal combináu con alcol, a la que definició comu "una sidre de xelu a base da mazana sobromadurada que da una bébora más dulce".

 

Wilkin Aquiles ganó el VIII Concursu d'Echaores de Sidre d'El Carbayu y a nivel llocal el trunfu foi pa Estefanía Luces.

LA SIDRA.- El concursu, puntuable pal Campionatu d'Asturies, cuntó con 26 participantes, con trunfu de Wilkin Aquiles (Sidrería El Mallu. Xixón), Campión d'Asturies 2012 y 2013, siguíu de Loreto García (El Madreñeru. Sieru), a 20 centésimes, y el terceru Jeison Franco (El Madreñeru. Sieru), a 30 centésimes del primer clasificáu y a 10 de la segunda, lo que da una idega de lo apiertao del concursu y del nivel de los participantes.

ENTAMU

Por más que xunetu seya un mes especialmente sidreru nel que s’asoceden toa triba de cellebraciones nes que la sidre ye principal protagonista, el Festival de la Sidre de Nava ye la mapa de forma indiscutible, siendo cita  obligao pa tolos amantes de la sidre.

Llamentablemente non tou van ser bones noticies, y toviemos qu’enteramos gracies a Andecha Astur de que la Xuión Europea nun cunta con normativa común pa la sidre, y per ende nin la regula nin-y concede programes d’aída o promoción específicos comu fai pa col vinu.

“Principado” y europarllamentarios “asturianos” teníenmos engañaos, afirmaben xestionar iniciatives pa favorecer a la sidre na XE y agora venimos a enternamos que non solo nun yera ciertu, sinón que nun yera posible. Y el escurrimientu televisivu de llamar “sidriña” a la sidra y “bodega” al llagar encendió los ánimos de miles d’asturianos que manifestaron de toles formes posibles la so indignación. Ye curioso que nun país onde la nuesa llingua non solo sigue ensin ser oficial, sinón que ye oxetu de represión sistemática poles istituciones, téngase tanta sensibilidá…. Escomencemos por faemos respetar en casa si queremos quemos respeten fora, y si non, nun mos estrañemos de que mos tomen por gallegos o por “cazurros”.

EDITORIAL 

Por más que julio sea un mes especialmente sidrero en el que se suceden todo tipo de celebraciones en las que la sidra es principal protagonista, el Festival de la Sidra de  Nava se lleva la palma de forma indiscutible, siendo cita obligada para todos los amantes de la sidra.

Lamentablemente no todo van a ser buenas noticias, y hemos tenido que enterarnos gracias a Andecha Astur de que la Unión Europea no cuenta con normativa común para la sidra, y por lo tanto ni la regula ni le concede programas de ayuda o promoción específicos como hace con el vino. “Principado” y europarlamentarios “asturianos” nos tenían engañados, afirmaban gestionar iniciativas para favorecer a la sidra en la UE y ahora venimos a enternarnos que no solo no era cierto, sino que no era posible.

Y la ocurrencia televisiva de llamar “sidriña” a la sidra y “bodega” al llagar ha encendido los ánimos de miles de asturianos que han manifestado de todas las formas posibles su indignación. Es curioso que en un país donde nuestra lengua no solo sigue sin ser oficial, sino que es objeto de represión sistemática por las instituciones, se tenga tanta sensibilidad…. Comencemos por hacernos respetar en casa si queremos que nos respeten fuera, y si no, no nos estrañemos de que nos tomen por gallegos o por “cazurros”.

duque_peq3.jpg

banner_anunciu_horizontal.jpg