La Sidrería El Guarapu vien de nagurar un parque infantil pa esfrute de los neños.

LA SIDRA.- En Llugones, la Sidrería Guarapu tamién piensa nos neños, y vien de nagurar un estupendu y ampliu parque infantil con toa triba de xuegos pa los más piqueños. 

Ye’l complementu afayaízu a la reciente reforma de les istalaciones que permite esfrutar del chigre a les presones con movilidá reducío.

Casa Rober, nel barriu altu xixonés.

LA SIDRA.- Con ocho años d’esperiencia na hostelería, Costel Tudor lleva dende avientu de 2013 al frente la so propia sidrería nel mesmu barriu altu de Cimavilla, consiguiendo col so bon facer que’l so chigre seya llugar de visita obligao pa los amantes de la sidre y la bona mesa cuandu se visita esta zona.

Cocina asturiana con menús diarios y de fin de selmana con precios de 12 y 15 € respeutivamente. Con una impresionane rellación calidá / preciu la carta ye bien variada, con pexe del Cantábricu, arroz, llámpares y pulpu amariscáu ente otres especializaes, ensin escaecer el so cachopu, del que se vanagloria con razón, yá que tolos veceros afirmen que posiblemente seya’l meyor cachopu de Xixón.

Cunta con dos terraces y un comedor interior bien afayaízu. Nesti chigre pue pasase un bon ratu tomando sidre y esfrutando tola variada cocina de que dispón, y cómu non, echando un cantarín si se ta pa ello.

En Xixón, n’El Llano baxu atopamos a La Cuétara, el chigre rexentáu por ún de los meyores echaores de sidre d’anguañu, Pablo Suárez.

LA SIDRA.- Un chigre afayaízu que cunta con un ampliu comedor pa espiches, comides d’empreses y en xeneral pa cualisquier eventu gastronómicu.

Con una carta amplia y prestosa; nes sos propuestes, son de destacar los cachopos, tres d’ellos de xata, de pitu, de pexe y de setes, que namás por ellos xustificaríen la visita.
Arriendes d’ello, y comu nun podríe ser d’otra mena, la sidre de calidá, JR y echao por un “5”, que nel  2013 ganó'l campionatu entamáu pola Asociación d’Hostelería Costa Verde y quedó segundu nel Campionatu Oficial d'Asturies. Tou un lluxu que paga la pena aprofitar.