El delanteru croata del Sporting de Xixón ca vuelta más involucráu cola cultura asturiana.

Dempués de meter el gol que dio’l trunfu al Sporting frente al Málaga, el delanteru croata escenificó l’echáu d’un culín de sidre, siguiendo l’exemplu de Villa. “Eché un culete igual que lo facía Villa” afirmó Halilovic al entruga-y por esti xestu, amestando que “Yera una cellebración que faláremos nel vestuariu y prometiéra-yoslo a los mios compañeros. Echar sidre ye perguapo, ye daqué cultural y toi deprendiendo”.

Ye un auténticu placer ver comu ca vegada se reconoz más la cultura asturiana de la sidre comu l'ellementu identitariu que ye, y col que Halilovic espresa la so voluntá d'integrase n'Asturies a tolos niveles.

Alen Halilovic, centrocampista del Sporting cedíu pol Barcelona, en plenu procesu d'afayamientu a la cultura asturiana, yá deprendió a echar sidre.


D'equí a pocu tendremos furrulando la nuea ueb con munchos más servicios y novedaes.

Continúa la mareona sidrera cola apertura güei d'esta nuea sidrería en Xixón.

LA SIDRA.- Terra Sidra, con esti evocaor nome nagúrase güei en Xixón esti nueu chigre que pretende facese referencial nel tarrén de la sidre y la bona mesa, pa lo qu'escomienza con unos bonos palos de sidre: Menéndez y Val d'Ornón, la DOP d'esti emblemáticu llagar asturianu.

La naguración sedrá güei mesmo, a les 8 la tardi, y a la mesma inviten a tolos amantes de la sidre pa qu'entamen con ellos esti camín pal que dende LA SIDRA deseyámos-yos tola suerte'l mundiu.

L'Asociación de Chigres de Gascona d'Uviéu abrirá'l prósimu sábadu 3 d'ochobre fasta les tres de la mañana, dientru de la iniciativa nuechi blanca.

LA SIDRA.- Doce de los chigres de la popular cai ufiertarán amás nesta nuechi "Tapes Lluna" que consistirán nuna especialidá gastronómica de ca chigre más botella de la meyor sidre de los más acreditaos llagarea asturianos al preciu de cincu euros.

La Sidrería La Terraza cellebra güei la Folixa-Espicha fin de branu 2015 y la Sidrería La Xuanina el prósimu xueves el so quintu aniversariu.

La llocalidá gallega de Bembrive entama la campaña "apadrina un pumar" pa garantizar la ellaboración de sidre pa la fiesta qu'entama n'ochobre.

LA SIDRA.- La ellaboración de sidre ca vuelta se fai más xeneralizada, de tala miente que si onde enantes se producía mazana agora ta ellaborándose sidre, tamién hai llugares onde nin mazana hai que tan dando-y puxu a la ellaboración de sidre, comu ye'l casu de la llocalidá gallega de Bembrive que ta entamando la campaña "apadrina un pumar" pa poder producir sidre con mazana del llugar.

El Conseyu Regulaor de la DOP espera pa esti añu una collecha récor de mazana amparao baxo esta DO.

LA SIDRA.- Sigún les previsiones de dichu CR, la campaña superará los 2 milolnes de llitros, frente al 1.900.000 del añu pasáu, Un xorrecimientu qu’espeya’l ca vuelta mayor interés na demanda de sidre de calidá, que vien aumentando’l so consumu un 3,8% sigún los postreros datos oficiales del Ministeriu d’Agricultura.

duque_peq3.jpg

01745564
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
5531
7826
51394
653937
197131
399506