Distinguía col Primer premiu SISGA ‘16 a la Meyor Sidre Semiseco de Copa.

LA SIDRA.- esta sidre del llagar Brännland -Primer premiu tamién na categoría Sidre de Xelu- marca tendencia nel panorama sidreru européu, dándomos una idega d’haza ónde tienden a evolucionar estes nueves sidres a les que podríemos definiles tranquilamente como “d’autor”.

Ellaborada esclusivamente de magar mazanes del norte de Suecia, bien calistrada y d’un aspeutu claru y cristalín, ye un exemplu de sidre semiseco, de bon pasu en boca, nel que se xunce un calter frescu col dulce d’una sidre d’aperitivu. 

La so degustación costitúi una esperiencia perinteresante, pero desixe una mentalidá abierta y una dimposición a conocer productos nuevos, y evitar prexuicios inútiles nel procesu de desendolcu que ta viviendo la sidre.

Ye una tradición de fin d'añu del país llatinoamericanu 

LA SIDRA.- Ca 31 d'avientu los ciudadanos de Montevideo axúntense nel Mercáu del Puertu de la ciudá pa cellebrar una antigua tradición navidiega: la batalla de la sidre. Esti añu y en plenu branu austral, cientos d'uruguayos averáronse de magar el meudíi a dichu puntu pa bater botelles de sidre y llanzase ente ellos los remexos esplumosos d'esta bébora, bien popular nel país demientres les fiestes.

La mayoría les presones van vistíes con bañadores y camisetes esportives pa participar na cellebración. La fiesta ye tou un clásicu na capital del país suramericanu, que se xune a otres tradiciones d'estes feches como resgar en cachos los calandarios y espardelos per toles cais de la zona de la llamada Ciudá Vieya. Dempués de llanzase los remexos de sidre, los participantes tornen a les sos cases pa comer platos típicos uruguayos.

La semeya d'Alexandra Castellanos echando un culete perpasa les 22.000 visualizaciones en menos de 12 hores.

VER SEMEYA EN FACEBOOK

LA SIDRA.- El puxu de la cultura asturiana de la sidre vese en custiones tan cencielles como esta, una semeya d'Alexandra Castellanos -Campiona xuvenil del Campionatu d'Echaores d'Asturies 2016- echando un culín, algama les 22.000 visualizaciones en menos de doce hores, con 280 reaiciones, múltiples comentarios y compártiéndose más de 140 vegaes.

La semeya na que s'aprecia l'estilu y la elegancia d'Alexandra echando un culín, ye obra de la perodista Estíbaliz Urquiola, y foi rializada'l pasáu 24 payares demientres el postrer conc ursu d'echaores de la temporada que tuvo na Sidrería El Mallu de Xixón, y tien la fuercia y la espresividá precisa pa tresmitir lo que ye tou un arte y una afición sentía. Por supuestu, aprofitamos pa dar la norabona a Alexandra Castellanos pol so trunfu.

Como bien se dix nel facebook:

El conocíu como “Caballeru Escuru” gana la competición oficial d'Asturies

LA SIDRE.- La sospresa nun tenía cabida nel postrer Campionatu Oficial d'Echaores d'Asturies. Salvador Ondó cuntaba con toles papeletes pa llevar el primer premiu. La gran trayeutoria que se forxó demientres los 16 certames entamaos per tol nuesu país perfiláralu como vencedor indiscutible. Que xugara en casa nun-y dio denguna ventaxa –yá qu'Ondó trabaya n'El Otru Mallu–. Ello ye que al rematar Jeison Franco de la sidrería El Madreñeru la so ronda d'echáu –Franco foi'l que siguió a Ondó nel concursu quedando en segundu llugar–, Ondó ocupaba yá'l primer puestu del podiu, inclusive, ensin nin siquier tener qu'echar. El tercer puestu de la clasificación xeneral ocúpalu'l campión del añu pasáu Jorge Vargas.

Convócase’l II Premiu Dulce de Mazana dientru la II Fiesta de la Mayada y la Sidre que se cellebra en Noreña del 11 al 13 payares

LA SIDRA.- Son munches les coses que se puen facer coles mazanes y daqué que ta perbono, y que siempres se fexo pa en casa ye’l dulce de mazana, una llambionada perfecha y de muncha bayura alimentaria.

Por eso, los entamaores de la II Fiesta de la Mayada y la Sidre, convoquen esti segundu concursu de dulce mazana, porque hai que da-y puxu a la tradición y hai qu’esfrutar d’un productu tan bonu.

El concursu tendrá llugar el 13 payares en Noreña, y les bases pa participar son les que vienen darréu:

La Guía Chigrín otorgó'l gallardón a dicha sidrería, ente otres xides pol cuidu y mimu que dan a la nuesa bébora tradicional.

LA SIDRA.- El xuráu de la Guía Chigrín escoyó a Casa Trabanco asitiáu en Llavandera como meyor Chigre d'Asturies 2016. Yolanda Trabanco, xerente del llagar aseguró que parte del ésitu ye “cuntar con bonos echaores y acoricar la sidrE Trabanco que sirvimos”. Coles mesmes señaló la importancia de cuntar con güerta propia, el “siguir calteniendo la chuleta y el bacalláu que mos fexo populare, y siguir prauticando'l km 0 buscando provisores de l'aldega y contorna”. Amás dixo, “cúriase'l bolsu del veceru, lo cual ye importante”.

Del 1 de payares  y fasta'l 10 de xineru podrán presentase les semeyes al concursu,qu'esti añu algamó la reconocencia de la Confederación Estatal de Fotografía.

VER ARTÍCULU

LA SIDRA.- Dempués d'un piqueñu retrasu conforme a lo avezao, por mor de les xestiones qu'hebio facer p'algamar la so reconocencia oficial pola CEF, queda abiertu'l plazu pa presentase al X Concursu de Semeyes LA SIDRA fasta'l prósimu 16 d'avientu, siguiendo les bases que se faciliten darréu y que tan afayaes a los requisitos de la CEF.

Gracies a les xestiones de “Asemeyando”, la Confederación Estatal de Fotografía reconoz el concursu, les sos bases y los sos gallardones, convirtiéndose asina en práuticumente l’únicu con reconocencia oficial nel Estáu de calter gratuiru pa los sos participantes. Asina mesmo ye’l primer concursu semeyes convocáu n’Asturies con reconocencia oficial.

Miguel Rosete, de Parres, ganó’l premiu a la meyor sidre casero d’Asturies, siguíu de Juán González, de Xixón, y Rafael Sánchez, d’Amieva.

LA SIDRA.- La sidre casero va a más. Non porque se faiga más de lo que se facía enantes, sinon porque la xente que maya pa en casa va reivindicándose ca vuelta más, y faciéndose más presente gracies al llabor d’entidaes comu la entamaora d’esti concursu, l’Asociación pal Fomentu de la Sidre Tradicional.