Esta sidrería xixonesa d’obligada referencia ufrirá un menú especial per Nuechibona y Nuechivieya pa llevar a casa.

LA SIDRA.- Afirmen los sos veceros que tienen el meyor pexe y mariscu de Xixón, y les imaxes de los sos platos falen por sigo mesmes. Estes navidaes quien lleva a cauna de les cases de los sos veceros la so esperiencia y el so arte poniendo a la so dimposición un menu nel que nun falta nin un detalle.

El menú de Nuechibona inclúi sopa de mariscu, llubina al cava, pabu rellenu y postres navidiegos, acompangao de sidre o d’una botella de Rioja crianza o Albariño, lo mesmo que nel casu de Nuechivieya. Equí alcontramos de nueu la sopa mariscu pa escomenzar, seguía de llinguáu rellenu y de paliella de llechazu, tou un festín que podrán esfrutar los que pidan la so comida pa llevar en fecha tan siñalada

Esti emblemáticu bar-tienda de Cimavilla, Xixón, cunta con interesantes novedaes pa estes navidaes.

LA SIDRA.- El Lavaderu, llugar de parada obligatoria a la hora d’esfrutar de los productos asturianos, una bona sidre o un platu de cabritu guisáu, por poner un exemplu, da un pasu más na atención a los veceros, tresnando una ufierta especial de navidaes camentando na xente mozo, pa que nun tean que tar enganchaos a la cocina nestes fiestes.

La so propuesta ye anovaora, pero ensin alloñase de la cocina tradicional, como la sopa mariscu o’l corderu, p’avera-yos una triga de cocina más popular.

Ufren tres menús especiales: El primeru compónse de costielles al ayu, tortiella de pataques, chorizu criollu, corquetes de xamón y adobu al ayu, amás d’embutíos.