Esti prósimu domingu 4 de xunu cellebraráse en Carbayín Altu -Sieru- la "I Xornada de la Sidra en Carbayín".
 
LA SIDRA.- La Peña "Milwaukee" entama esti eventu que tendrá llugar de 12:00 a les 15:00 y que furrulará siguiendo l'avezáu sistema de mercar un vasu xerigrafiáu al preciu de 3 € col que se podrá beber de baldre tola sidre que se quiera de los cinco llagares participantes: Fonciello, Riestra, Furacu, Alonso y Orizón. Arriendes de la sidre casero de la xente de la rodiada.
 
L'eventu sidreru tendrá llugar en La Plazoleta de la barriá de "El Cotayu" que yá yera un llugar de conceyu de los vecinos muncho enantes de la costrucción de la barriá alrodiu a la  esapaecía ermita de "La Armaitilla", qu'inclusive ya foi nomá nel Diccionariu Xeográficu escritu per Pascual Madoz nel sieglu IXX
 
Les espeutatives d'esta "I Xornada de la Sidra en Carbayín" son más que bones, y presta costatar como estos eventos sidreros surden d'iniciatives populares coles que se da puxu a la nuesa bébora patria, y a la cultura asturiana de la sidre.

La feria de la sidre cellebraráse’l 3 de xunu y cuntará con presencia internacional.

LA SIDRA.- Los llagares asturianos Cabueñes, de Xixón, y Solleiro, Taramundi, participarán na VI edición de la Feira da Sidra n’A Estrada, que se cellebrará’l viniente 3 de xunu en dicha llocalidá pontevedresa. En total sedrán 19 los llagares participantes, Somarroza de l’Asturies de Santillana, Elgüelo de Llión y Astarbe y Bereziartua de Euskal Herria. De Galiza tarán presentes los llagares Ribela, Val de Traba, Maeloc, Peroja, Camino, Andaina, Torres de Moreda y LP.

L’añu pasáu yá s’anunciare que se fadría por conseguir más presencia internacional y algamóse qu’el grupu Guerrilla Imports aportara les marques Manoir du Kiniz de Bretaña, Burrow Hil d’Inglaterrra y Heil d’Alemania. Tamién acudirá la sidre portuguesa Minho que fuere gallardonada na VI edición del Salón Internacional de les Sidres de Gala –SISGA- que tuvo llugar en Xixón.

Rachel Blickford y Carmen Valverde visitaren el llagar asturianu

LA SIDRA.- La Conseyera d’Agricultura de los Estaos Xuníos nel estáu español, Rachel Bickford, y la Especialista n’agricultura de la Embaxada estaoxunidense, Carmen Valverde, visitaren ayeri’l llagar d’El Gaitero, en Villaviciosa.

La xida foi conocer de primer man cómo ye la produición de la sidre y les estremaes calidaes del productu. Hai de destacar qu’El Gaitero nació en 1890 col finxu d’averar a aquellos asturianos que colaron a “facer les Amériques” esti productu que los caltenía xuníos de daqué forma a la so patria d’orixe.

Nun se fadrá la fiesta de la sidre en L’Entregu.

LA SIDRA.- A finales del añu pasáu la xunta direutiva de la Sociedá Cultural y de Fiestes L’Entregu presentó la so dimisión, y al nun haber relevu, dicha entidá quedó en manes d’una xestora. Esti añu la revista LA SIDRA púnxose en contautu col Ayuntamientu de Samartín del Rei Aureliu y esti confirmó que nun tendría llugar la cellebración que se venía faciendo dende 2011. Dichu festexu llegó a xuntar fasta trece llagares y convirtiérase nun alcuentru nel qu’amás de poder esfrutar de la nuesa bébora patria, tamién se llevaben a cabu estremaes actividaes culturales y un mercáu popular.

La Conselleria de Turismo de Concello d'A Estrada, convoca esti concursu dotándolu de 1.150 € en premios.

LA SIDRA.- L'oxetivu ye da-y puxu a la Festa da Sidra, tanto no que cinca al so procesu d'ellaboración como de distribuición y consumu, "buscará dende un puntu de vista temáticu espeyar l'espíritu de la sidre", polo que les imaxes que concurran al certame tienen que reflexar la cultura sidrera, y rendrán que tar feches dientru'l propiu conceyu d'A estrada. El concursu vien d 'abrise y desendolcaráse fasta'l 3 de xunu, si bien el plazu pa presentación de semeyes algama'l prósimu 10 de xunu.

L'Agrupación Asturiana de Grevenbroich cellebrará el domingu 4 de xunu la so tradicional Fiesta de la Sidre.
LA SIDRA.- L'eventu vien cellebrándose dende 1999 pesia'l pocu sofitu del "Principado", y esti añu tendrá llugar nel parking der REAL (Am Rittergut 1 – 41515 Grevenbroich-Noithausen). Trátase d'una fiesta na que participen non solo los asturianos emigraos n'Alemaña, sinon tamién el colleutivu español y alemanes en xeneral. 

Sidrería Pichote ganó’l premiu de cachopos y La Escollera’l de cachopín, el meyor harmonizaxe con Sidra Cortina foi pa la Parrilla Muñó de Xixón.

LA SIDRA.- La Guía’l Cachopu entamó un añu más el Concursu Oficial Meyor Cachopu y Cachopín d’Asturies. Nesta edición 2017 observóse un gran incrementu ventes nos 71 restoranes participantes. Un xuráu especializáu en gastronomía y compuestu pol xef Jaime Uz, estrella Michelin del Restorán Arbidel en Ribeseya, Ana Paredes de La Nueva España, Lorena Martínez La Corte de Pelayo; Begoña Santos de Ternera Asturiana IXP; Elvira Fresno sumiller; Raquel Cordón de Notqdes sin comerlo ni beberlo y Nacho Gancedo de La Guía del Cachopo, dieron el so veredictu final nuna tastia ciega cellebrada’l pasáu llunes nel Hotel Barceló Cervantes d’Uviéu.

La recreación de la cultura sidrera vasca mimetiza ca vegada más a l’asturiana, llegando a esportala internacionalmente como propia. Atentos a la UNESCO!!

VER MÁS SEMEYES "MIMÉTIQUES"

Los medios de comunicación asturianos avecen a engazar el panorama sidreru asturianu faciendo comparances ente la sidre vasco y asturiano, les más de les vegaes tapeciendo la diferencia fundamental qu’hai ente elles: la esistencia d’un gobiernu vascu que defende lo suyo, y d’un “Principado” que quier faer d’Asturies un barriu de Madrid y pa ello estórba-y tolo asturiano.

Por embargu, hai un aspeutu fundamental nel que nun suelen entrar, y ye’l tremendu mimetismu vascu nel tarrén de la sidre, frutu de la perda de los sos ellementos tradicionales y la reinvención d’un padrimoniu cultural sidreru basándose nel asturianu, y que lleguen a suplantar con total descaru y a esparder como si fuere vascu y non solo una copia.

duque_peq3.jpg

02816474
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
4045
9180
13225
1724513
201232
238631