El segundu premiu va pa la obra '8 mazanes' y 'La vieya caxa de sidra' quedó en tercer llugar. “Una de sidra por favor” foi premiu especial JR

VER SEMEYES PREMIAES

LA SIDRA.- El pasáu 21 de xineru axuntó'l xuráu del Concursu de Semeyes La Sidra pa deliberar y dar el so fallu sobro les obres presentaes al certame. La cita tuvo llugar nes istalaciones de la Fundación Asturies XXI. El tribunal tuvo compuestu por: Natalia Alonso Arduengo de la Galería Aurora Vigil-Escalera; Carlos Suárez Alonso de l'Asociación Asemeyando; Alberto Otero Antuña, fotógrafu profesional; y Luis José Vigil-Escalera de la Confederación Estatal de Fotografía --CEF--.

Los cinco integrantes Desaminaron les 207 semeyes procedentes de los 61 participantes, tres votación votación individual, simultánea y secreta decidieron que la fotografía 'Echando' d'Enric Estarli recibiera'l primer premiu y medaya d'oru de la CEF; en segundu llugar y medaya de plata de la CEF quedó '8 mazanes' de Bosco Mercadel; finalmente, el tercer puestu y medaya de bronce de la CEF ocupar Glendor Díaz Suárez con 'La vieya caxa de sidra'. Amás la Mención Especial JR y Dipolma de la CEF otorgóse-y a Antonio Alcázar Ojeda pola imaxe 'Una de sidra por favor'. El restu les semeyes clasificaes puen consultase na nuesa páxina de Facebook.

A la entrada del Palaciu Municipal de Congresos échase sidre Acebal, Cortina, Menéndez y Trabanco.

LA SIDRA.- Arrinca Madrid Fusión y un añu más la sidre asturiano torna a recibir a los asistentes a un de los congesos más importantes de la gastronomía mundial. Nel stand de Xixón de Sidre, a la entrada del Palaciu Municipal de Congresos de Madrid,Wilkin Aquiles echa sidre Menéndez, Cortina, Trabanco y Acebal.

Demientres los trés díis que dura l'eventu esti mediu de comunicación va cubrir de forma continua toles actividaes rellacionaes con Asturies.

Trabanco va presentar nel congresu la nueva imaxe de la sidre, LA SIDRA tará ende pa cubrir la noticia.

LA SIDRA.- El congresu gastronómicu más importante del Estáu va ser l'escaparate afayaizu pa dar a conocer per primer vegada fora d'Asturies la nueva imaxe de Poma Áurea, que la asitia nel segmentu “Premium” y ta asitiandola nes meses de los meyores restoranes d'Asturies. Al igual que l'añu pasáu, esti mediu comunicación desplazaráse fasta Madrid Fusión pa realizar demientres los trés díis una cobertura costante del alcuentru.

Per agora son 21 establecimientos y los sos nomes diéronse a conocer na FITUR

LA SIDRA.- Por fin llegó’l momentu. FITUR –Feria Internacional del Turismu en Madrid– Foi l’escenariu escoyíu pa presentar Sidreríes d’Asturies. Una marca de calidá cola que se distingue oficialmente a aquellos establecimientos qu’apuesten en guetar cómo meyorar la calidá nes sos istalaciones, platos y productos; l’aumentu de la competitividá y promocionar avences de xestión y d’equipamientu nos llocales.

Nesti postrer trimestre del añu foron evaluaes toles solicitúes presentaes. Los requisitos p’algamar esti sellu, de forma resumío, son: echaores de sidre presonalizaes, estremaes tribes de sidre y al menos una de DOP Sidre d’Asturies, ufierta gastronómica de productos del país nun 70% sobro platos o raciones y evaluación contina mediante’l “veceru misteriosu”.

Seguimos faciéndovos llegar lo que quien pal seutor sidreru diferentes actores de la sidre nesti 2017

LA SIDRA.- Javier Díaz de Sidra Alonso: “Que nes campañes publicitaries de la sidre natural se abarque tol consumu de sidre, no solo la sidre DOP, porque paez que namás se bebe esi tipu de sidre cuando ye tolo contrario, y amás paez que los que tamos fuera facemos un productu de duldosa procedencia, cuandonel nuesu casu utilizamos siempres mazana 100% asturiana.  Amás d’esto, que la sidre venga d’igual o más calidá qu’esti año que pasemos. Y en cuantes a proyeutos, caltendremos lo que tenemos, siempres col oxetivo de xorrecer y damos a conocer daquémás, que nos tiempos que cuerren ye abondo. Amás habrá daqué sospresa que pronto daremos a conocer a los nuesos veceros”

Siguimos espublizando lo que piden pa esti añu los principales actores de la sidre n’Asturies.

LA SIDRA.- La DOP Sidre de Asturies y l'Asociación de Sidres Asturianes dícenmos cuálos son los sos deseyos pa la sidre nesti 2017. Daniel Ruiz, xerente del CRDOP manifiesta: De primeres, gustaríamos ver al seutor de la sidre xuníu y promocionando conxuntamente’l nuesu productu más emblemáticu y simbólicu. De segundes, gustaríamos que'l seutor siga anovando nos nuesos productos pa faelos más competitivos y globales pa lo que ye fundamental  qu'un nuevu marcu llegal pa la sidre vea la lluz  (nueva normativa de calidá de sidre). Y en cuanto si nel so muerganismu tiense dalgún proyeutu pal prósimu añu respondió que: Esti añu vamos acreditamos na ISO 17065 que mos dexará certificar productu amparáu sidre d'Asturies DOP sigún los estándares europeos afitaos. La principal prioridá va ser promoción, promoción y promoción de DOP.

Pela so parte, María Cardín, presidenta de la ASSA declara:

Demientres xineru vamos dir conociendo cuálos son les aspiraciones d'asociaciones, llagareros, miembros de l'alministración y partíos políticos pa la sidre.

LA SIDRA.- Escomienza l'añu y toos esperamos qu'esti 2017 seya prósperu pa la cultura sidrera. Dende esti mediu de comunicación entruguemos a distintes asociaciones, istituciones, miembros de l'alministración, partíos políticos y organismos venceyaos al seutor cuálos son los sos deseyos pa la sidre y qué proyeutos quien poner marcha. Dende esta ueb diremos facer llegar demientres el mes de xineru p'asina enllenamos d'ánimu y bones intenciones.

duque_peq3.jpg

01745547
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
5514
7826
51377
653937
197114
399506