Reconoz a 115 races de mazana, inclúi a 36 llagares y esti primer añu yá corcharán 1.320.000 llitros.

LA SIDRA.- La denominación d’orixe vasca, Euskal Sagardoa, llevará na botella un sellu de garantiua numberáu y la imaxe identificativa de la mazana collorada, arriendes d’ello la botella va encapsulada tamién de collorao y con una mazana calada.

Desde 2011 la sidre n’Euskal Herria cuntaba con dos sellos de calidá Eusko Label y Gorenak, col aniciu d’Euskal Sagardoa, dambos xúntense nun mesmu proyeutu que cunta col sofitu de les tres diputaciones forales y el gobiernu vascu.

Tan tresnaes con una parrilla única en Xixón, que les fai quedar xugoses per dientru y cruxentines per fuera. La sidre: Castañón, Val de Boides, y Molín del Medio

VER VIDIU

ESTÍBALIZ URQUIOLA*.- Munchos collacios míos que saben que trabayo nesta revista suelen entrugame ¿au ta bien pa xintar callos, pote, fabada, arroces, mariscu, ecétera, ecétera, ecétera? De fechu teo varios grupos de washap de colegues nos que voi aunciando los descubrimientos que faigo ca selmana. Son los que más me llamaren l’atención que tamién apunto na mio axenda pa cuando daquién me pida daqué encamientu.

Esti añu, el Festival Arcu Atlánticu cuntará con un espaciu propiu pa la sidre de la Europa atlántico.

LA SIDRA.- L’Arcu Sidreru, entamáu pola Fundación Asturies XXI / LA SIDRA, asitiaráse xunta’l Puertu Esportivu, al delláu del V Salón d’Agroalimentación y nel mesmu espondránse les 22 semeyes esbillaes nel X Concursu Semeyes la Sidra, habrá degustaciones d’estremaes sidres d’Europa, y conferencies alrodiu la sidre.

Del 21 al 30 de xunetu va a tenese la posibilidá d’averase a la sidre ellaborao na Europa atlántico, y lo que ye meyor, prebalo y participar nes tasties guiaes que s’entamarán al efeutu, nunes xornaes que del 26 al 30 de xunetu sedrán dedicaes ca díi a una de les naciones protagonistes del programa “La mar de llingües” qu’esti añu dedica l’Arcu Atlánticu a les llingues minorizaes, ello ye: occitano, asturiano, euskera,  bretón y gallego.

Arriendes d’ello, tamién tan previstes les conferencies que vienen darréu:

Tuvo llugar nel Llagar Sidrería La Morena, Viella.

LA SIDRA.- Hai unos meses l’Ayuntamientu Sieru entrugó a los Llagareros del Conceyu qué-yos paecía que facía falta dar puxu nel seutor llocal. Dempues de varies conversaciones llegaren a la concluxón de que la información sobro onde ta ca llagar ye fundamental. Ello asina entamó a tresnase una guía onde s’espeyen datos actualizaos de tolos llagares del Conceyu.

El Llagar La Morena, ún de los más antiguos de Sieru, foi el llugar onde se presentó’l material recoyíu que formará parte de la guía. EN La pola Sieru esisten anguañu doce llagares: Casa Fran en Llugones, Corzo en Granda, La Morena en Vieya, Arbesú en Santa Marina, Los Bayones en Cualloto; y en Tiñana están: Casería del Obispo, Fanjul, Fonciello, Juanín, Muñiz, Quelo y Viuda de Palacio.

El cartelu presentáu por Juan Diego, asturianu emigráu a Castelló -otra llienda urbana-, fo'l ganaor del concursu qu’escoyó la imaxe de la cellebración.

LA SIDRA.- L’autor, que nun pudo acudir a recoyer el premiu por motivos llaborales siñaló que “siempres m’impresionó ver como los echaores nun miren nin la botella nin el vasu y eso foi lo qu’intenté representar, dos mozos echando sidre a cuator manes, mirando’l chorru, mirándose a los güeyos, namórándose y namorándose tamién de la sidre”.

El xuráu, formáu por Breza Cecchini, Leocadio Redondo, Maxi F. Gutiéz, y Carmen Montes, valoraron unt otal de 47 obres presentaes al concursu y destacaron del ganaor el so calter “frescu, orixinal y enllenu detalles”.

Arriendes d’ello, y a pocu más d’un mes de que se cellebre’l festival, van anunciándose delles novedaes, como va ser una votación popular pa escoyer la meyor sidre (sábadu 8 de xunetu) y fuebos artificiales na nuechi del vienres 7 de xunetu.

La Universidá d'Uviéu vive d'espaldes a Asturies y eso afeuta tamién a la sidre, talo y como-y lo recordaron los empresarios asturianos al reutor.

LA SIDRA.- Na clausura de les xornaes "Creando talento", entamáu pola Federación Asturiana d'Empresarios, Santiago Garcia, reutor de la Universidá d'Uviéu tevo qu'oyer series crítiques sobro'l papel de la Universidá na sociedá asturiana, y na so intervención aseguró que yera'l momentu de "repensar" les titulaciones que s'ufierten pa orientales más haza les necesidaes del texíu productivu del país.

Nesi sen, Pablo García, presidente de la patronal asturiana d'empreses de formación remembró que "l'añu pasáu hebio un certificáu profesional n'Asturies sobro como faer cerveza artesano, pero dengún sobro como ellaborar sidre", confirmando una denuncia que venimos rializando periódicamente dende LA SIDRA.

Cellebraráse esti sábadu 3 de xunu na Plaza Ayuntamientos Democráticos de La Pola.

LA SIDRA.- El decimu segundu Festival de la Sidre de Llaviana ufiertará la sidre de doce llagares: J. Tomás, Frutos, Arbesú, Quelo, Viuda de Angelón, Trabanco, L'Allume, Contrueces, Fonciello, Fran, Castañón y  Buznego,  ganaor de la Meyor Primer Sidre L'Añu 2017

L'animación correrá a cargu de A Mansalva, y cunta pa la so organización cola collaboración del Ayuntamientu de Llaviana, Llaviana Activa, Amigos del Descensu del Nalón y Noticies de l'Arcadia. La degustacion de sidre sedrá de 12:00 a 14:00 hores y de 17:30 a 19:30 h.

Esti festival esfruta d'una perimportante rempuesta popular, pesia cuntar con perpocu conteníu al so alrodiu y nun tener una programación mínimamente afayaíza, tratándose d'ún d'esos casos que precisen una puesta a puntu urxentemente pa dotalu de más y meyores conteníos rellacionaos cola cultura asturiana de la sidre.

Tresnárense 25 corderos a la estaca y corrió la sidre en tou momentu.

VER VIDIU

LA SIDRA.- Avérase'l branu y un añu más el Llagar Menéndez invitó per ochava ocasión a tolos sos veceros a esfrutar de lo que yá ye la so tradicional espicha y asina escomenzar a esfrutar del bon tiempu colos sos tres productos: Sidra Menéndez, la DOP Val d’Ornón y Llagar de Quintana. La cellebración entamó haza les siete la tardi y tanto turismos como autocares foron llegando fasta les sos istalaciones en Fano -Xixón- onde asaron ná menos que 25 corderos a la estaca y dos llacones y n'onde tamién se pudo prebar embutíu previu al platu fuerte.

duque_peq3.jpg

02816426
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
3997
9180
13177
1724513
201184
238631