El fervor sidreru de los participantes nel Sidracrucis llévalos nun idílicu pelegrinaxe per chigres y llagares ónde dar bona muestra de la fondura del so amor a la sidre. 

PERCORRÍU SIDRACRUCIS

ÚLTIMES PLACES Y NOVEDAES

SEMEYES SIDRACRUCIS

VIDIU 1 SIDRACRUCIS

VIDIU 2 SIDRACRUCIS

LA SIDRA.- La XIV edición del Sidracrucis tendrá llugar ente Xixón y Villaviciosa, parando por 10 chigres, la VIII Primer Sidre l'Añu, visita a la Tonelería de Pión, los llagares Buznego y Vallina, pa finar con una espicha en Casa Pepita, onde nun faltará'l so míticu tablón de güe nin les superhamburgueses que la fain famosa.

El llagar torna a llanzar el so esitosu concursu “Destín Sidreru” que tuvo como fecha d'entamu'l 1 de marzu y que preslla’l 16 d'abril.

LA SIDRA.- Ca botella de Sidra Trabanco de la promoción va llevar, demientres el periodu citáu, una tirina al pie de la escontraetiqueta que va incluyir un códigu, que va ser distintu pa ca unidá. Los participantes tendrán d'entrar na ueb www.sidratrabanco.es ya inscribise con esi códigu nel sortéu. Ca códigu solo va poder ser validáu una vegada, pero ca presona va poder validar tantos códigos como botelles tome, nun esistiendo llimitación másima.

Cuantos más códigos se introduzan más probabilidaes van tener de consiguir ún de los premios, que van ser los que vienen darréu:

- Un viaxe a Bristol (Reinu Xuníu) pa dos persones, qu'inclúi avión día y revolvía dende Asturies, tres nuechis d'hotel n'habitación doble en réxime d'agospiamientu y almuerzu, visita a un llagar de sidre y cena nuna sidrería de la fastera.

Ta entamáu pol Clú Sierense d'Amigos de la Manaza nes Ecueles de Feleches

LA SIDRA.- El prósimu sábadu 4 de marzu de 10 a 13:00 hores fadráse la segunda xornada del cursu d'ellaboración de sidre casero entamada pol Clú Sierense de la Mazana. Foi'l xueves 16 de febreru cuando se rializó la primer parte d'ésti. En dicha ocasión dióse a los más de 20 participantes el módulu I: “La mazana de sidre asturiano”. El ponente foi Jorge García Álvarez, inxenieru agrónomu y téunicu de Campoastur. Les temes que se tratron fueron: llantíos, patrones de pumar, enxertos, fradaura d'iviernu y de branu, vecería, tratamientos, abonos, races de mazana de sidre, plagues, abonos y pañada.

La periodista gastronómica Susana Molina fala sobro sidre y celiaquía.

LA SIDRA.- Ca vuelta conocemos más sobro la celiaquía . Y nun ye pa menos. N'Asturies esiste un altu índiz de presones que carecen esta intolerancia. De fecho, Cangas ye un conceyu con muncha prevalencia y calcúlase qu'el 3% de la población ye celíaco lo que triplica la media estatal. El sitiu especializáu www.celicidad.net señala qu'esisten más 130 restoranes ensin gluten nel nuesu país. Hai de destacar –y muncho– que la sidre ye un productu cien per cien llibre de gluten, polo que dir tomar unos culinos enxamás nun supon un problema pa los celíacos.

El doctor Jesús Bernardo desplica los efeutos beneficiosos de la sidre pal nuesu organismu

LA SIDRA.- El doctor Jesús Bernardo ye l'autor del llibru La Dieta del Cantábricu: deprender a comer; nel qu'espón qué alimentos la componen y la bayura beneficios qu'apurren al nuesu organismu. Entituláu en Nutrición y Dietética pol Hospital Rober Debré – Universidá de Reims- y tamién en Nutrición Esportiva pol Hospital Paul Sabatier de Tolouse –ente munches más acreditaciones y distinciones–; ye miembru de la Comisión de Nutrición del Comité Olímpicu Español amás de dirixir la Unidá de Nutrición, Alimentación y Metabolismu n'Avilés y Xixón. Bernardo concedió una entrevista pa la revista LA SIDRA na que mos esplica los efeutos beneficiosos de la nuesa bébora tradicional pal organismu. Dicha entrevista puede lleese na so totalidá na nuesa edición 158 en versión impresa y online. Equí esponemos dalgunes de les sos rempuestes.

Xose Nel Navarro presentará un nueu capítulu de la novela hestórica per fascículos “Dalt Vila”, concretamente l’entituláu "Iyán de Tazones ente gascones y pirates echando nos sidrosos mares d'Eivissa"

LA SIDRA.-  Esta nueva entrega ta dedicada a los llagareros asturianos, y nella “Iyán de Tazones desplica a gascones y pirates como se tien qu’echar la sidre y los munchos  beneficios qu’echala da”.

La propuesta del autor, d’una novela hestórica per fascículos resulta especialmente orixinal nel panorama lliterariu d’anguañu. Sigún el proyeutu inicial la obra en total cuntará con 120 entregues, lo que supón unes 1.200 páxines, y ta protagonizáu pol inxenieru militar romanu Giovanni Battista Calvi y el pícaru Iyán de Tazones.

Énte l'alderique xeneráu alrodiu'l preciu de la botella sidre, optemos por facer una encuesta pa conocer lo qu'opinen los nuesos llectores.

PARTICIPAR NA ENCUESTA

LA SIDRA.- Sigue l'alderique sobro'l preciu la botella sidre, y nun paez que seya fácile aportar a un alcuerdu, por eso atrevémosmos a dir un pasu acullá ya invitamos a tolos nuesos llectores a participar nesta encuesta sobro como ven el preciu de la botella sidre, pa conocer cuala ye la opinión más xeneralizada.

Güei y mañana cellebraráse en Güerres, Colunga, la so VI Oriciada, afirmando que naide nun se va atrever a dicir qu'un oriciu ye una croqueta, pero que pa nun disgustar a los "entendíos", habrá croquetes d'oriciu.

LA SIDRA.- Güerres torna a ser la capital oriciera asturiana nesta sesta edición qu'entama güei y que dende les 11 la mañana escomenzará a servir oricios crúos, cocíos, tortiella d'oricios, croquetes d'oricios, boroña. Con precios populares: ración d'oricios y botellina sidre a 14 €.

Pela tardi, de magar les 19:30, la mítica Viri, del Llar de Viri, impartirá unes clases de cocina, y a les 21 hores fadráse entrega del Oriciu d'Honor al medallista paralímpìcu riosellanu Alberto Suárez Laso. L'Oriciu d'Honor ye una escultura de Kiko Urrusti.

Pal domingu tórna de nueu a abrise la carpa oriciera a les 11 la mañana pa siguir colos oricios... l'oxetivu d'esti añu ye llegar a les dos tonelaes.

duque_peq3.jpg

02038989
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
8730
10825
45052
914011
278563
211993