Esti añu, el Festival Arcu Atlánticu cuntará con un espaciu propiu pa la sidre de la Europa atlántico.

L’Arcu Sidreru sedrá ensin dubia dala ún de los principales atractivos del Arcu Atlánticu de Xixón, cola esposición de les 22 semeyes esbillaes nel X Concursu Semeyes LA SIDRA y toa una fargatada d’actividaes que tendrán como protagonista principal les sidres d’Europa, especialmente la de los países con llingües amenorgaes, que ye a quien se-yos dedica esta edición “La mar de llingües”, de tala miente que les sidres gallegues, asturianes, portugueses (pol mirandés, dialeutu del asturianu), vasques, ocitanes y bretones sedrán les principales protagonistes del Arcu Sidreru, con un díi dedicáu a cauna d’elles, del 25 al 30 de xunetu, si bien yá taremos n’activo de magar el vienres 21.

La carpa del Arcu Sidreru asitiaráse nel Puertu Esportivu, nos Xardinos de la Reina, y diariamente ufiertará degustaciones de sidre asturiano y del restu de la Europa atlántico.

Nel actu nomáronse confráderes d'honor, méritu y númberu.

VER VIDIU

LA SIDRA.- La sidrería Yumay presentó les Xornaes Internacionales del Xamón Ibéricu Grande Covián. Nel actu nomáronse los nuevos confráderes d'honor méritu y númberu. Simón Guardado Pérez, alcalde de Valdés, foi nomáu confrádere d'Honor; y José Simón Ferro, de Arbo, Galicia; como de Méritu. Ferro ye'l propietariu de les  Bodegues As Laxas DOP de les Rías Baixas, y ta consideráu como “ún de los Pioneru del vinu esplumoso de Albariño ellaboráu con Métodu Champenoise” siñalen dende l'Asociación.

Grupu El Gaitero da puxu a esta bébora, perafayaíza pa esta temporada pol so cómodu envase, versatilidá, saborgu y frescor.

LA SIDRA.- Grupu El Gaitero llanza pa esti branu'l so terciu de sidre, marca que yá llevó un premiu: el de Meyor Sidre Heteroxénia nel Festival de la Sidre de Nava. "Poques coses son más petecibles con esti tiempu que compartir una bébora fresca y deliciosa a la vera la mar... o de la piscina. Y acompangada d'un bon aperitivu, por supuestu. Puestos a pantasiar, a la bébora de los nuesos suaños tamién-y pediríemos que se pudiere llevar a cualisquier parte, que fore baxa en caloríes y con poco alcol. ¡Deseyu cumplíu! El Terciu de Sidre El Gaitero fai rialidá esta pantasía braniega, y amás tien, per un llau, la so versión "ensin" pa quien prefieran nun tomar alcol y, per otru, el so formatu más modernu y franceor: la lata de Sidre El Gaitero pa llevar a cualisquier parte" siñalen dende'l citáu grupu"

Asina mesmo, siñalen que'l so cómodu envase -más piqueñu que los tradicinales- resulta peratractivu, y tien "un saborgu deliciosu".

 

Denúncien qu'hai botelles de permala calidá y que por ello los que van de folixa prefieren tomar cerveza o cacharros.

LA SIDRA.- " A min gústame la sidre, y cuando voi de folixa ye lo que me presta beber. Pero pónente ca cosa... paez vinagre, y claro, eso nun se pue beber. Asina que pa eso meyor pido un cachi" siñala Alonso, elli y los sos collacios son asiduos a les fiestes de paru y afirmen que tol añu esperen con ganes el bon tiempu pa que dean comienzu. "Les fiestes de prau n'Asturies son úniques, la mio moza ye de Llión y vien coles sos amigues. Pero claro, cuando venimos equí nun pidimos sidre porque nun ta bien. Enantes dexaben trayer caxes, pero yá non. Yo toi d'alcuerdu en pagar pa que sigan entamándose, pero ye que yá sabemos que ye fácil que mos dean puxarra, y cara" sentencia.

La obra del illustraor Juan Herraz evoca'l famosu cuadru "La nacencia de Venus", de Botticelli.

El XXX Concursu Internacional d’Echaores cuntó con una ventena de participantes, ente los que s'impunxo Jeison Franco, echaor de la sidrería El Madreñeru, de La Pola Siero.

LA SIDRA.- Con una participación d’echaores un poco menor de l’avezada, el XXX Concursu Internacional d’Echaores nun defraudó, y cuntó con un perimportante seguimientu de públicu. Como davezu los resultaos foron enforma apiertaos, trunfando Jeison Franco (El Madreñeru), seguíu de Jonathan Trabanco (Los Portales. Siero), Wilkin Aqules (Los Mallu. Xixón)en tercer llugar, Pablo Álvarez (La Fonte Villoria. Llugones) cuartu, y el campión d’Asturies 2016, Salvador Ondó (Los Mallu, Xixón) quedó nun meritoriu quintu llugar.

Completen el llistáu de trunfadores Alexandra Castellanos (Fonte Villoria. Llugones) y Saúl Moro (Prida. Nava) na categoría llocal.

La DOP del Llagar Castañón foi escoyía como Meyor Sidre nel concursu del Festival de la Sidre de Nava, ún de los más prestixosos del país.

LA SIDRE.- Val de Boides, seguía de cerquillina por Cabueñes –a un puntu- y Ramos del Valle, foron declaraes les tres meyores sidres nel prestixosu concursu sidreru que se cellebra cola xida del Festival de la Sidre de Nava, y que xunto col de Villaviciosa y el de la Primer Sidre l’Añu ye de los que cunta con mayor participación de llagares.

Los tres ganaores d’esta edición son llagares de reconocíu prestixu, destacándose qu’en dos de los casos, Val de Boides y Ramos del Valle, trátense de la marca DOP de los llagares Castañón y Fran respeutivamente, y que’l llagar de Cabueñes, si bien nun cunta con marca propia dientru d’esa DOP ye un llagar que cunta con pumaraes propies y con veceros que-y apurren la mazana pela collación de Cabueñes.

Dientru les actividaes del Festival de la Sidre de Nava, el domingu cellebraráse la cuarta preba del campionatu d’Asturies d’Echaores.

LA SIDRA.- La Plaza Manuel Uría acueye esti prósimu domingu 9 de xunetu, de magar les 12 del meudíi, una nueva preba del Campionatu d’Asturies d’Echaores, qu’esti añu algama la vixesimo cuarta edición.

Trátase de la cuarta de les 14 prebes de les que costa esti añu’l campionatu, y que xuntará de nueu a multitú de competiores nel tornéu, perfechamente consolidáru nel nuesu país. Sedrá amás ún de los concursos estrella del añu. Salvador Ondó, l’actual campión d’Asturies d’echaores, ye cabezaleru de la clasificación tres la disputa de tres prebes (Cabranes, Mieres y Bimenes).

duque_peq3.jpg

02348837
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
6511
8174
29409
1247056
294923
293488