La Conselleria de Turismo de Concello d'A Estrada, convoca esti concursu dotándolu de 1.150 € en premios.

LA SIDRA.- L'oxetivu ye da-y puxu a la Festa da Sidra, tanto no que cinca al so procesu d'ellaboración como de distribuición y consumu, "buscará dende un puntu de vista temáticu espeyar l'espíritu de la sidre", polo que les imaxes que concurran al certame tienen que reflexar la cultura sidrera, y rendrán que tar feches dientru'l propiu conceyu d'A estrada. El concursu vien d 'abrise y desendolcaráse fasta'l 3 de xunu, si bien el plazu pa presentación de semeyes algama'l prósimu 10 de xunu.

L'Agrupación Asturiana de Grevenbroich cellebrará el domingu 4 de xunu la so tradicional Fiesta de la Sidre.
LA SIDRA.- L'eventu vien cellebrándose dende 1999 pesia'l pocu sofitu del "Principado", y esti añu tendrá llugar nel parking der REAL (Am Rittergut 1 – 41515 Grevenbroich-Noithausen). Trátase d'una fiesta na que participen non solo los asturianos emigraos n'Alemaña, sinon tamién el colleutivu español y alemanes en xeneral. 

Sidrería Pichote ganó’l premiu de cachopos y La Escollera’l de cachopín, el meyor harmonizaxe con Sidra Cortina foi pa la Parrilla Muñó de Xixón.

LA SIDRA.- La Guía’l Cachopu entamó un añu más el Concursu Oficial Meyor Cachopu y Cachopín d’Asturies. Nesta edición 2017 observóse un gran incrementu ventes nos 71 restoranes participantes. Un xuráu especializáu en gastronomía y compuestu pol xef Jaime Uz, estrella Michelin del Restorán Arbidel en Ribeseya, Ana Paredes de La Nueva España, Lorena Martínez La Corte de Pelayo; Begoña Santos de Ternera Asturiana IXP; Elvira Fresno sumiller; Raquel Cordón de Notqdes sin comerlo ni beberlo y Nacho Gancedo de La Guía del Cachopo, dieron el so veredictu final nuna tastia ciega cellebrada’l pasáu llunes nel Hotel Barceló Cervantes d’Uviéu.

La recreación de la cultura sidrera vasca mimetiza ca vegada más a l’asturiana, llegando a esportala internacionalmente como propia. Atentos a la UNESCO!!

VER MÁS SEMEYES "MIMÉTIQUES"

Los medios de comunicación asturianos avecen a engazar el panorama sidreru asturianu faciendo comparances ente la sidre vasco y asturiano, les más de les vegaes tapeciendo la diferencia fundamental qu’hai ente elles: la esistencia d’un gobiernu vascu que defende lo suyo, y d’un “Principado” que quier faer d’Asturies un barriu de Madrid y pa ello estórba-y tolo asturiano.

Por embargu, hai un aspeutu fundamental nel que nun suelen entrar, y ye’l tremendu mimetismu vascu nel tarrén de la sidre, frutu de la perda de los sos ellementos tradicionales y la reinvención d’un padrimoniu cultural sidreru basándose nel asturianu, y que lleguen a suplantar con total descaru y a esparder como si fuere vascu y non solo una copia.

Más de milenta llitros de sidre provinientes d’once llagares industriales y dalgún caseru de la fastera.

VER SEMEYES

LA SIDRA.- El pasáu domingu cellebróse una nueva edición de “Valdesoto cola Sidre”, una degustación entamada pol colleutivu "Toos Xuntos Podemos", que cunta cola collaboración del Ayuntamientu Siero.

El sistema foi l’avezáu de mercar un vasu xerigrafiáu por 3 € que da drechu a prebar tola sidre que mos pete, lo que supunxo que de les 12 a les 3 de la tardi se diere acabu a más de milenta llitros de sidre nun estupendu ambiente mui familiar y con muncha mocedá, que se vió favorecíu pela bona climatoloxía.

El dineru recaldáu cola venta vasos sedrá destináu a sufragar los gasos que xenere tornar a presentar la candidatura de Valdesoto a “Pueblu exemplar d’Asturies”, y la recaldación del puestu pinchos foi pa l’asociación “El Cencerru”.

Sidra Buznego escomenzó a comercializar la so sidre ensin trasegar que ganó'l premiu Meyor Primer Sidre L'Añu 2017

LA SIDRA.- Dende esta fin de selmana, el Llagar Buznego tien distribuyío pelos chigres asturianos la sidre del tonel ganaor del concursu de la Meyor Primer Sidre L'Añu 17, un de los principales concursos sidreros asturianos tanto pola so especificidá -sidre nuevo, ensin trasegar, sobro la madre- como pola calidá de los participantes y el númberu de los mesmos -participaren 40 llagares nesta postrer edición!!-, que lu convierten nun de los tres más importantes d'Asturies, xunto col de Nava y Villaviciosa.

Como consecuencia d'esti trunfu, esta sidre nuevo de Buznego foi la sidre oficial de la Primer Sidre l'Añu '17, por embargo, el llagar quinxo esperar a qu'esa sidre ganaora acabara de "redondear" y esperó fasta agora pa corchala, con una etiqueta nueva na que se destaca como MEYOR PRIMER SIDRE L'AÑU 2017 y con una perimportante presencia mediática, asoleyando nos principales medios de comunicación asturianos el llistáu de chigres onde pue encontrase la so sidre, arriendes de distribuyir cartelería pelos chigres pa que se conoza que yá ta disponible esa sidre sobro la madre.

Les redes sociales enllénense d’echaores de sidre.

LA SIDRA.- El retu consiste en grabase echando un culete de sidre, o polo menos facer l’ademán d’ello, bebelu, xubilu a les redes y nominar a trés amigos pa que faigan otru tantu (xubir vidiu echando un culete y nominar a otros trés) nun plazu másimu de 72 hores, y los que nun lo faigan tienen d’invitar a quien los nominó a una botella sidre.

Arriendes d’ello, los que lu acepten tienen de xubir el vidiu a les redes sociales col hastag #Sidrachallenge, #Sidre #Asturies o #Folixa.

duque_peq3.jpg

02508920
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
1738
6922
41884
1412246
132309
322697