gulfoodGulfood 2017 tendrá llugar del 26 de febreru al 2 de marzu

LA SIDRA..- Grupu El Gaiteru va llevar una misquinina d'Asturies a Dubai del prósimu 26 de febreru al 2 de marzu. Y ye que, neses feches, va tener llugar la Gulfood 2017.

Esta feria ye un escaparate estratéxicu por cuenta de que recibe visitantes de la zona del Golfu Pérsicu y Oriente Mediu lo mesmo que d'África, Sudeste Asiáticu, Europa y Oceanía y na pasada edición, cuntó con más de 5000 espositores (de 117 países) y foi visitada por más de 93.000 persones de 166 países.

La revista LA SIDRA cunta con stand propiu na sesta edición de Salenor.

VER SEMEYES

LA SIDRA.- La feria gastronómica entamada pola Cámara de Comerciu d'Avilés y que cunta con tolos seutores del ária: hosteleros, panaderos, carniceros, pescaderos y munchos más profesionales, ente los que por supuestu nun falta la sidre, tamién cunta con un espaciu propiu pa la revista LA SIDRA. Dende elli damos a conocer el llabor que desendolcamos y les oportunidaes qu'ufiertamos al seutor, siempres cola sidre como ellementu principal, pero cola gastronomía asturiana siempres presente y ca vegada con más rixu.

El reconocíu modistu Francis Montesinos presentará güei a les 18:30 la so colleición “Adan y Eva nel Parayisu Natural”, na que la sidre DOP sedrá protagonista.

LA SIDRA.- El diseñador valencianu ellaboró una colleición ispirada n’Asturies, tierra mui quería pol mesmu, na que cuntará con un ellementu d’escepción: la sidre d'Asturies DOP.

Pa enriba, sedrá la primer vegada qu’una bébora forme parte d’un desfile de moda na antigua Pasarela Cibeles, y sedrá precisamente la sidre asturiana, que ve asina reconocía una vuelta más el so calter identitariu, perriba de lo que ye própiamente una bébora.

Ye más, sedrá’l propiu modistu, Francis Montesinos, el qu’eche un culete sobro la pasarela al términu del desfile, un auténticu fitu na hestoria de la Mercedes-Benz-Madrid Fashion Week.

El domingu 26 va haber cachopu, fabada, pastel de centollu, quesu Cabrales y sidre echao por Alejandro Sanz Rodríguez.

LA SIDRA.- Si'l próximu domingu 26 táis per Guadalaxara, nun podéis perder el vermú asturianu que se va llevar a cabu nel restorán El Fogón del Vallejo, asitiáu na cai Vicente Aleixandre, 45, en Alovera.

Va ser un auténticu festexu asturianu en toa riegla pos habrá una amplia amuesa de la nuesa gastronomía patria como cachopo, platinos de fabada, pastel de centollu, quesu Cabrales, música del país y por supuestu sidre. L’echaor Alejandro Sanz Rodríguez ye l’entamaor d'esti alcuentru gastro-folclóricu –xuntu col citáu restorán–-. Sanz foi delles vegaes campión del concursu d'echáu de sidre de ‘Peña Las Torres’ de Azuqueca de Henares.

Ye nel mes de setiembre cuando se realiza esti certame que s'entamó yá doce veces coincidiendo coles fiestes del pueblu. El xuráu d'esi concursu ta compuestu na so totalidá por miembros del Cientru Asturianu d’Alcalá de Henares y p’amenizar, una banda de gaites acompanga l'alcuentru.

Los hosteleros afondaron na conocencia de la sidre con denominación pa da-y puxu al so consumu.

LA SIDRA.- El CR DOP Sidre d’Asturies rializó na xornada d’ayeri una xornada téunica pa los hosteleros asturianos, col oxetu d’afondar na conocencia d’esti productu y la so aplicación nel ámbetu del negociu de restoranes y sidreríes.

Dende’l CR DOP Sidre d’Asturies tan faciendo por da-y puxu al conocimiento que los consumidores tienen sobro los productos de calidá amparaos pola Denominación d’Orixe y sensibilizar a los hosteleros sobro los aspeutos positivos qu’acompanguen al so consumu.

Una dellegación de LA SIDRA tuvo visitando llagares en Cornualles y afitando rellaciones.

VER SEMEYES

Cornualles (Kernow), nación celta de Gran Bretaña, tien una bayurosa seique pocu conocía tradición sidrera acullá les sos llendes. Ye ehí, nel oeste la islla onde averóse la dellegación internacional de LA SIDRA pa visitar dellos llagares. Demientres conocíemos más de la cultura del país y almirábemos los sos paisaxes nun pudiemos menos que reconocer la  guapura y semeyanza d’estos con Asturies, enllenos de verdi, tarrén asgaya afayaízu pa les pumaraes

El Clú Sierense Amigos de la mazana entamen de magar esti xueves 16 de febreru un cursu d’ellaboración de sidre casero.

LA SIDRA.- El cursu rializaráse na escuela de Feleches, y costa de tres módulos, ún dedicáu a la mazana asturiana de sidre, que se fadrá el xueves 16 de 17 a 20 hores; otru de Conocimientos de la sidre y métodu d’ellaboración que se cellebrará'l 4 de marzu de 10 a 13 hores; y el terceru dedicáu a la tastia de sidre, ello ye al so analís sensorial: cualidaes visuales, olfatives y gustatives, que se cellebrará'l 11 de marzu y qu'impartirá José Antonio Norniella.

duque_peq3.jpg

01745528
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
5495
7826
51358
653937
197095
399506