L'erru del rei Baltasar trayendo sidra en cuentes de mirra, ta faciendo qu'estos seyan los reis más sidreros de la hestoria.

LA SIDRA.- Bromes aparte, y aprofitando la imaxe espardía peles redes sociales, de la que ye autor la Ilesia Asturiana de la Sidroloxía, lo cierto ye qu'añu ente añu vese una mayor presencia de la sidre nes felicitaciones navidiegues, tantu pa deseyar unes felicies fiestes como un feliz añu, o unos reis tan sidreros como los qu'apaecen na semeya.

Esta triba de coses, que de primeres puen paecer insinificantes representen toa una tendencia na sociedá asturiana y ponen n'evidencia como la sidre ye muncho más qu'una bébora, ye toa una cultura, y amás una cultura identitaria con munchu rixu, que mos identifica y tresciende como asturianos.

Nun hai campaña publicitaria nel mundiu que puea igualar el llabor que ta faciendo la sociedá asturiana reivindicándose y reivindicando la sidre como ellementu padrimonial, ún de los principales requerimientos a la hora d'algamar la reconocencia de la cultura asturiana de la sidre comu Padremuñu Imaterial de la Humanidá pola UNESCO.

Distinguía col Primer premiu SISGA ‘16 a la Meyor Sidre Semiseco de Copa.

LA SIDRA.- esta sidre del llagar Brännland -Primer premiu tamién na categoría Sidre de Xelu- marca tendencia nel panorama sidreru européu, dándomos una idega d’haza ónde tienden a evolucionar estes nueves sidres a les que podríemos definiles tranquilamente como “d’autor”.

Ellaborada esclusivamente de magar mazanes del norte de Suecia, bien calistrada y d’un aspeutu claru y cristalín, ye un exemplu de sidre semiseco, de bon pasu en boca, nel que se xunce un calter frescu col dulce d’una sidre d’aperitivu. 

La so degustación costitúi una esperiencia perinteresante, pero desixe una mentalidá abierta y una dimposición a conocer productos nuevos, y evitar prexuicios inútiles nel procesu de desendolcu que ta viviendo la sidre.

Ye una tradición de fin d'añu del país llatinoamericanu 

LA SIDRA.- Ca 31 d'avientu los ciudadanos de Montevideo axúntense nel Mercáu del Puertu de la ciudá pa cellebrar una antigua tradición navidiega: la batalla de la sidre. Esti añu y en plenu branu austral, cientos d'uruguayos averáronse de magar el meudíi a dichu puntu pa bater botelles de sidre y llanzase ente ellos los remexos esplumosos d'esta bébora, bien popular nel país demientres les fiestes.

La mayoría les presones van vistíes con bañadores y camisetes esportives pa participar na cellebración. La fiesta ye tou un clásicu na capital del país suramericanu, que se xune a otres tradiciones d'estes feches como resgar en cachos los calandarios y espardelos per toles cais de la zona de la llamada Ciudá Vieya. Dempués de llanzase los remexos de sidre, los participantes tornen a les sos cases pa comer platos típicos uruguayos.

Ria Windcaller, cabezalera del blog Cider Chat, l'unicu potcast sobro la sidra de conteníu internacional y de tirada semanal, dedicará un espaciu especial a la sidra asturiana, LA SIDRA y especialmente al Salón Internacional de les Sidres de Gala 2016.

VER ARTÍCULU

LA SIDRA.- Na cabera edición del Salón Internacional de les Sidres de Gala Ria Windcaller, periodista norteamericana, vieno pa cubrir la información d'esti eventu internacional, pa escubrir la cultura de la sidra asturiana y pa entrevistar a dellos de los participantes, tantu asturianos comu internacionales.

Esti ye'l primer añu que vien presonalmente pa cubrir el SISGA, sicasí nun ye nin munchu menos la primera vegá que l'eventu apaez na prensa d'EEXX, anque sí nun mediu tan específicu alrodiu'l mundiu la sidra comu ye Cider Chat, que cunta con gran prestixu internacional y aveza a entrevistar a llagareros de tol mundiu y a visitar los más importantes eventos sidreros internacionales.

Un estudiu de la Xunta de Castiella y Llión desplica los beneficios de la nuesa bébora emblemática.    

LA SIDRE.- A puntu tán de terminar les fiestes y los escesos pásenmos factura. Los embutíos, el corderu y el mariscu nun son precisamente lo más recomendable pa les persones que carecen de tener alto l'índiz d'ácedu úricu. Y de les bébores, nin se diga. Según estremaos estudios, la cerveza y los llicores aumenten sensiblemente'l riesgu de sufrir un ataque de gota.

Sicasí, nun estudiu sobro sidre natural ellaboráu por un equipu de técnicos de la Xunta de Castiella y Llión refundió como concluxones que el bebedores de sidre son menos propensos a l'acumuladura d'ácedu úricu y "presenten una inmunidá cuasique xeneral escontra malures como la piedra y la gota".

El Mercáu Artesanu y tradicional que se cellebra'l primer domingu de ca mes na cai Gascona d'Uviéu, camudóse pal segundu domingu de xineru.

LA SIDRA.- Entamáu pola Asociación de Sidreríes de la popular cai Uvieína, cuntará esti añu con más artesanos y productores asturianos d'alimentación ecolóxica que n'anteriores ediciones. A lo llargo la cai, dende Foncalada a Xovellanos istalaránse más de trenta puestos nos que podrá mercase dende pieces d'artesanía, esclusives, n'estremaos materiales, a variedá d'alimentación, de güertes ecolóxiques o ellaboraciones artesanales de quesos, dulce, miel, repóstería casero y otros alimentos baxo'l sellu de la calidá asturiana.

De magar les 11 horess tarán istalaos los puestos nel "mercáu" nel que s'espera gran afluyencia de visitantes, ente ellos los turistes qu'escoyeron Uviéu pa esfrutar d'estos díis festivos y que tienen na cai Gascona una de les referencies pa visitar na ciudá, por gastronomía y sidre. Como davezu el mercáu tará amenizáu pola bandina "Los Gascones".

L’Allume continúa cola so campaña de crowdfunding y asoleya un vídiu del míticu personaxe.

VER VIDIU

LA SIDRA.- L’Allume sigue cola so campaña de crowdfunding pa facer sidre y cola fin de dar un nueu emburrión a la iniciativa compartió en youtube un vídiu n’onde Conan, el míticu personaxe encarnáu por Arnold Schwarzenegger, llama n’asturianu a la participación de los ciudadanos pa poder financiar la siguiente produición.

Mentes l’equipu fúbol de la ciudá más sidrera del mundiu etiqueta vinu español, el Racing de Santander failo con sidre.

LA SIDRA.- El problema nun ye que’l Racing corche sidre identificada col so símbolu -de Somarroza, por ciertu-, darréu que la sidre foi la bébora más popular de Santander fasta años dempués de que dexaren de ser parte d’Asturies como consecuencia de la invención de la provincia de Santander en 1833 (en 1982 rebautizada como Cantabria), sinon el que siendo Xixón la ciudá más sidrera del mundiu, tantu por consumu de sidre (65 llitros por presona y añu), comu por actividaes sidreres (Primer Sidre l’Añu, Sidracrucis, Xixón de Sidre, SISGA, Fiesta de la Sidre….), el Sporting, l’equipu qu’identifica la ciudá recurra a vinu de La Mancha comu productu identificativu de calidá.

duque_peq3.jpg

01100470
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
1846
8210
10056
39648
100005