El míticu llagareru normandu confirma la so intención de participar nel Salón Internacional de les Sidres de Gala '17 (SISGA'17)

VER ARTÍCULU EN LA SIDRA

LA SIDRA.- N'entrevista presonal caltenía con redactores de LA SIDRA nel so llagar,  Eric Bordelet confirmó el so interés pol proyeutu del SISGA; y el so interés en participar na edición d'esti añu, que se cellebrará del 29 setiembre al 1 d'ochobre en Xixón. Eric Bordelet ye un llagareru de refencia nel panorama sidreru internacional, que xunce la esperiencia y el conocimientu que-y permite desendolcar una filosofía propia del productu, lo que define'l “savoir faire” de la casa Bordelet (Charchigné. Normandía), de tala miente que la so sidre, perea y calvados (auguardiente de sidre), cunta con un  unánime reconocimientu ente los profesionales del seutor.

Esti mes de xunetu, acompangando a la revista del mes, LA SIDRA espublizó un especial dedicáu íntegru a la Sidre d'Asturies DOP, con entrevista al so presidente, Celestino Cortina, información del Salón de la Sidre d'Asturies, races de mazana, chigreros auténticos, sidreríes d'Asturies. Imprescindible.

LA SIDRA.- Ye la primer vegada nos nuesos catorce años d’esistencia que LA SIDRA edita un especial monográficu, y facémoslo cola meyor de les motivaciones, darréu que demientres la presentación de la collecha 2016 de la Sidre d’Asturies DOP comunicóse la tan naguada integración de los llagares que fasta agora formaben parte de la marca de calidá Sidre d’Escoyeta, consiguiéndose una xunidá hestórica que marcará un enantes y un dempués nel seutor sidreru asturianu.

Nos tiempos caberos los cambios na Sidre d’Asturies foron perimportantes, tanto en formes como en conteníos, y lo que ye meyor, foron peracertaos, corrixendo erros iniciales y faciendo propuestes nueves coles que foi ganando una credibilidá y una reconocencia que permitió la progresible incorporación de llagares que nun entamu nun veíen esa necesidá o que, como nel casu de la Sidre d’Escoyeta, apostaren pola so propia marca de calidá al marxe de la DOP.

La sentencia, que yá ye firme, obliga a dicha Conseyería a valorar de nueu tolos proyeutos presentaos a les sovenciones a medios de comunicación en 2015, por falta de motivación a la hora de valorar los  mesmos.

LA SIDRA.- Normalizar l’usu del asturianu y faelu visible socialmente ye un oxetivu al qu’intentamos contribuyir dellos medios de comunicación como la revista LA SIDRA y la web lasidra.as . Ello asina, cuando la Conseyería d’Educación y Cultura del “Principado” convocó nel 2015 una llinia de sovenciones a medios de comunicación pa la normalización social del asturianu, presentáronse en tiempu y forma los respeutivos proyeutos dau que se cumplía dafechu con toles condiciones de dicha convocatoria.

Por embargu, la citada Conseyería descalificó dambos proyeutos, ensin motivar la puntuación otorgada, llegando inclusu a puntuar con un ceru l’asturianu utilizáu, cuando un estudiu de L’Academia de la Llingua Asturiana, másima autoridá istitucinal en materia llingüístico, estimó correchu l’asturianu emplegáu tanto pola revista LA SIDRA como pola páxina ueb lasidra.as.

Esti añu, el Festival Arcu Atlánticu cuntará con un espaciu propiu pa la sidre de la Europa atlántico.

L’Arcu Sidreru sedrá ensin dubia dala ún de los principales atractivos del Arcu Atlánticu de Xixón, cola esposición de les 22 semeyes esbillaes nel X Concursu Semeyes LA SIDRA y toa una fargatada d’actividaes que tendrán como protagonista principal les sidres d’Europa, especialmente la de los países con llingües amenorgaes, que ye a quien se-yos dedica esta edición “La mar de llingües”, de tala miente que les sidres gallegues, asturianes, portugueses (pol mirandés, dialeutu del asturianu), vasques, ocitanes y bretones sedrán les principales protagonistes del Arcu Sidreru, con un díi dedicáu a cauna d’elles, del 25 al 30 de xunetu, si bien yá taremos n’activo de magar el vienres 21.

La carpa del Arcu Sidreru asitiaráse nel Puertu Esportivu, nos Xardinos de la Reina, y diariamente ufiertará degustaciones de sidre asturiano y del restu de la Europa atlántico.

Nel actu nomáronse confráderes d'honor, méritu y númberu.

VER VIDIU

LA SIDRA.- La sidrería Yumay presentó les Xornaes Internacionales del Xamón Ibéricu Grande Covián. Nel actu nomáronse los nuevos confráderes d'honor méritu y númberu. Simón Guardado Pérez, alcalde de Valdés, foi nomáu confrádere d'Honor; y José Simón Ferro, de Arbo, Galicia; como de Méritu. Ferro ye'l propietariu de les  Bodegues As Laxas DOP de les Rías Baixas, y ta consideráu como “ún de los Pioneru del vinu esplumoso de Albariño ellaboráu con Métodu Champenoise” siñalen dende l'Asociación.

Grupu El Gaitero da puxu a esta bébora, perafayaíza pa esta temporada pol so cómodu envase, versatilidá, saborgu y frescor.

LA SIDRA.- Grupu El Gaitero llanza pa esti branu'l so terciu de sidre, marca que yá llevó un premiu: el de Meyor Sidre Heteroxénia nel Festival de la Sidre de Nava. "Poques coses son más petecibles con esti tiempu que compartir una bébora fresca y deliciosa a la vera la mar... o de la piscina. Y acompangada d'un bon aperitivu, por supuestu. Puestos a pantasiar, a la bébora de los nuesos suaños tamién-y pediríemos que se pudiere llevar a cualisquier parte, que fore baxa en caloríes y con poco alcol. ¡Deseyu cumplíu! El Terciu de Sidre El Gaitero fai rialidá esta pantasía braniega, y amás tien, per un llau, la so versión "ensin" pa quien prefieran nun tomar alcol y, per otru, el so formatu más modernu y franceor: la lata de Sidre El Gaitero pa llevar a cualisquier parte" siñalen dende'l citáu grupu"

Asina mesmo, siñalen que'l so cómodu envase -más piqueñu que los tradicinales- resulta peratractivu, y tien "un saborgu deliciosu".

 

Denúncien qu'hai botelles de permala calidá y que por ello los que van de folixa prefieren tomar cerveza o cacharros.

LA SIDRA.- " A min gústame la sidre, y cuando voi de folixa ye lo que me presta beber. Pero pónente ca cosa... paez vinagre, y claro, eso nun se pue beber. Asina que pa eso meyor pido un cachi" siñala Alonso, elli y los sos collacios son asiduos a les fiestes de paru y afirmen que tol añu esperen con ganes el bon tiempu pa que dean comienzu. "Les fiestes de prau n'Asturies son úniques, la mio moza ye de Llión y vien coles sos amigues. Pero claro, cuando venimos equí nun pidimos sidre porque nun ta bien. Enantes dexaben trayer caxes, pero yá non. Yo toi d'alcuerdu en pagar pa que sigan entamándose, pero ye que yá sabemos que ye fácil que mos dean puxarra, y cara" sentencia.

duque_peq3.jpg

02816389
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
3960
9180
13140
1724513
201147
238631