Les I Xornaes d’anovación na ellaboración de sidre y tastia práutica fadránse en dos módulos que se cellebrarán los sábados 28 de xineru y 6 de mayu.

LA SIDRA.-  Con una duración de 5 hores caún de los módulos (de 9 a 14 hores), y pa un másimu de 15 presones (per rigurosu orde d’iscripción), estes xornaes tarán impartíes por Pedro Ramas (Llicenciáu en Bioloxía) Responsable del Control d’ellaboración de sidre nel Llagar Castañón, Marcos Miñarro y Adolfo Villaverde.

La campaña "Te invitamos a una copa de cava en el aeropuerto" pola qu'AENA regala una copa cava a los que consuman nos aeropuertos estatales sedrá oxetu de denuncia por esta formación política.

LA SIDRA.- Foro considera, con tou xacíu, qu'esta campaña, financiada col dineru de toos "discrimina a la sidre asturiano" daqué "inalmisible nun organismu públicu" y supón "un nuevu agraviu" pa los asturianos. Ello asina, avancen que denunciarán esta "campaña discriminatoria y vergoñosa d'AENA ente los muerganismos responsables de curiar pola competencia lleal".

Los llagares siñalen que la collecha 2016 tuvo cantidá llimitada de mazana, pero de gran calidá.

LA SIDRA.-  Les tres grandes carauterístiques que definen a la collecha de mazana asturiana de sidre 2016 son: una collecha carauterizada pola gran calidá de la mazana, una cantidá xusta -pero abondo p'abastecer les espeutratives de produición- y de mauración serondiega. Eses son les claves que definen a la collecha 2016 de mazana de sidre n'Asturies, una temporada qu'escomenzó a entamos d'ochobre y que los cuatro llagares de sidre de Mazana Seleicionada: Trabanco, Muñiz, Peñón y Foncueva, acaben de finar.

Esti sábadu 24, LA SIDRA convita a brindar con Mayador Rosée nel so puestu nel Mercáu Navidiegu de Xixón.

LA SIDRA.- Pa entamar bien la nuechibona, nun lo hai como escomenzar a tiempu, porque los bonos díis entamen pela mañana, y por eso LA SIDRA quier invitar a una copa de Mayador Rosée a les presones que pasen pel so puestu nel Mercáu Navidiegu de Xixón, ente les 13 y les 14:30 hores.

Mayador Rosée, ye una sidre que vien siendo distinguía con premios SISGA dende'l so entamu, quedando esti añu en segundu puestu, trátase d'una sidre áxil, rellumante, llimpia y de bona presencia en copa, con un arume de matices afrutiaos, fresca, llixera y fácil de beber, y qu'esti sábadu podrá degustase nel Mercáu Navidiegu de Xixón.

Cellebróse nel Muséu de la Sidre de Nava, Salvador Ondó foi'l vencedor de la lliga de concursos

LA SIDRA.- El Muséu de la Sidre de Nava foi l'escenariu escoyíu pa ceLlebrar la entrega Premios de Campionatu Oficial d'Echaores de Asturies. Nesti apurrieron los premios a los diez meyores clasificaos demientres los 16 concursos de la lliga que se llevaron a cabu per toa Asturies; y tamién, a la campiona de la categoría xuvenil, que foi Alexandra Castellanos. N'orde de primeru a décimu de la categoría xeneral los gallardonaos fueron: Salvador Ondó, Jeison Franco, Jorge Vargas, Wilkin Aquiles, Jonathan Trabanco, Pablo Alvarez, Abraham Castellanos, Pablo Suárez, Marcos Ramos y Alberto Truchado.

La ufierta gastronómica astuiana pa estes feches ye muncha, y les sidreríes destaquen sobromanera.

VER CHIGRES ENCAMENTAOS

LA SIDRA.- Si en daqué se carautericen estes feches navidiegues ye poles delicioses fartures a les que mos vemos "sometíos". Ye tiempu de cellebrar y de compartir colos que tan y los que lleguen a esti país enllén d'estupendos productos de tierra y mar. Por eso les nueses sidreríes dan lo meyor de sigo ufriendo una amplia variedá de menús pa los estremaos díis de folixa, cenes d'empresa, xintes con familiares ycollacios, y les tan asturianes espiches... eso sí, siempres cola sidre presente y de protagonista.

Apurrímos equí una rellación d'unos cuantos chigres que destaquen pola so ufierta tanto gastronómica como sidrera, tando ciertos de que cualisquiera d'ellos sedrá una bona elleición pa los munchos compromisos gastronómicos a los que mos enfrentamos nestes feches.

Va ser tolos sábados d'iviernu y entámalos la Casa Conceyu

LA SIDRA.- La Ruta de la Sidre de Xixón forma parte d'una iniciativa per parte del consistoriu xixonés que consiste en dar-y puxu a los recursos turísticu y gastronómicu de la ciudá y que se llama Díis con Sal. “La Ruta de la Sidre Xixón va permitir esfrutar de tolos matices de la cultura de la sidre na nuesa ciudá. Visitar llagares, conocer ónde se viende la sidre, tastiar dulces ellaboraos con mazana o prrbar una botella de la nuesa bébora más típico, son dalgunes de les alternatives que te ufierta. Pa esfrutar de la Ruta de la Sidre Xixón puede escoyese ente cuatro bonos: el Bonu Gusto, el Bonu Llagar, el Bonu Orixe o'l Bonu Caprichu. Toos ellos mérquense nes Oficines de Turismu y na tienda online de la nuesa páxina web” siñalen dende l'espaciu online de Xixón Turismu.

El Bonu Caprichu cuesta 8 euros ya inclúi dos entraes pa visitar el Xardín Botánicu más una botella sidre acompañada d'un piqueñu acompangamientu gastronómicu, tamién la degustación de dos dulces ellaboraos con mazana y sidre. El Bonu Orixe tien un preciu de 7,20 euros y con elli pue visitase un llagar, más  una botella sidre y acompangamientu gastronómicu. El Bonu del Llagar ye de 4,5 euros y, amás de dir a esti llugar onde s'ellabora la sidre, tamién puede tastiase esta bébora. Finalmente col Bonu Gusto de 3,6 euros esfrutar d'una botella más acompangamientu gastronómicu.

duque_peq3.jpg

banner_anunciu_horizontal.jpg