La tradicional cai uvieina de la sidre preparó un especial navidiegu pa esti xueves.

LA SIDRA.- Güei tresnóse en “Gascona, Bulevar de la Sidre” un especial navidiegu de cancios de chigre que va escomenzar a les ocho y media la nuechi. El grupu tradicional Fitoria va llevar a cabu l'actuación acompangáu de la Bandina Los Gascones, que van faer un percorríu poles sidreríes que componen la tradicional cai uvieina. Los Gascones van dir afatiaos col traxe’l páis, pidiráse l’aguilandu y entonaránsese villancicos al son de la música.

Esti espectáculu forma parte de la quinta amuesa “Cancios de chigre na Gascona” que se va llevar a cabu fasta'l prósimu abril. “Ca xueves, El Bulevar de la Sidre dexa cantar y pasalo bien a tol que deseye” indiquen dende la citada entidá. Gascona ye la cai sidrera por escelencia n'Uviéu y l'asociación ta compuesta por 13 chigres que, xunciendo los sos esfuerzos a lo llargo de tol añu, rialicen distintes actividaes por que los sos veceros y visitantes esfruten siempres d'acordies cola tradición y cultura de la sidre y de los  productos gastronómicos asturianos.

VBFSedrá namás de  3000 etiquetes y ta camentada pa los brindis d’estes feches.

LA SIDRA.- Grupu el Gaitero sacó al mercáu una edición esclusiva de la sidre Valle, Ballina y Fernández Brut Nature. “La so presonalidá ye intensa, complexa y delicada” siñalen dende la empresa. Esta edición va costar de namás 3000 etiquetes, la botella cuesta 10 euros y pa consiguila una o más d'elles pue faese un pidíu al traviés de corréu lletrónicu. 

 “Valle, Ballina y Fernández Brut Nature ye un productu bien especial. Tratase d'una sidra llonxevo na que los saborgos primariu y secundariu entemecen de forma maxistral. Sospriende esa combinación de delicadeza y complexidá, frutu d'años d'intenses investigaciones” despliquen dende El Gaitero y siguen: “Pa ellaborala, aplíquense téuniques emplegaes n'otros productos como'l xampán, y qu'apurren una calidá superllativa: maceración, prensáu, primer formientadura lenta a baxa temperatura y segunda formeentaura en botella”.

Les I Xornaes d’anovación na ellaboración de sidre y tastia práutica fadránse en dos módulos que se cellebrarán los sábados 28 de xineru y 6 de mayu.

LA SIDRA.-  Con una duración de 5 hores caún de los módulos (de 9 a 14 hores), y pa un másimu de 15 presones (per rigurosu orde d’iscripción), estes xornaes tarán impartíes por Pedro Ramas (Llicenciáu en Bioloxía) Responsable del Control d’ellaboración de sidre nel Llagar Castañón, Marcos Miñarro y Adolfo Villaverde.

La campaña "Te invitamos a una copa de cava en el aeropuerto" pola qu'AENA regala una copa cava a los que consuman nos aeropuertos estatales sedrá oxetu de denuncia por esta formación política.

LA SIDRA.- Foro considera, con tou xacíu, qu'esta campaña, financiada col dineru de toos "discrimina a la sidre asturiano" daqué "inalmisible nun organismu públicu" y supón "un nuevu agraviu" pa los asturianos. Ello asina, avancen que denunciarán esta "campaña discriminatoria y vergoñosa d'AENA ente los muerganismos responsables de curiar pola competencia lleal".

Los llagares siñalen que la collecha 2016 tuvo cantidá llimitada de mazana, pero de gran calidá.

LA SIDRA.-  Les tres grandes carauterístiques que definen a la collecha de mazana asturiana de sidre 2016 son: una collecha carauterizada pola gran calidá de la mazana, una cantidá xusta -pero abondo p'abastecer les espeutratives de produición- y de mauración serondiega. Eses son les claves que definen a la collecha 2016 de mazana de sidre n'Asturies, una temporada qu'escomenzó a entamos d'ochobre y que los cuatro llagares de sidre de Mazana Seleicionada: Trabanco, Muñiz, Peñón y Foncueva, acaben de finar.

Esti sábadu 24, LA SIDRA convita a brindar con Mayador Rosée nel so puestu nel Mercáu Navidiegu de Xixón.

LA SIDRA.- Pa entamar bien la nuechibona, nun lo hai como escomenzar a tiempu, porque los bonos díis entamen pela mañana, y por eso LA SIDRA quier invitar a una copa de Mayador Rosée a les presones que pasen pel so puestu nel Mercáu Navidiegu de Xixón, ente les 13 y les 14:30 hores.

Mayador Rosée, ye una sidre que vien siendo distinguía con premios SISGA dende'l so entamu, quedando esti añu en segundu puestu, trátase d'una sidre áxil, rellumante, llimpia y de bona presencia en copa, con un arume de matices afrutiaos, fresca, llixera y fácil de beber, y qu'esti sábadu podrá degustase nel Mercáu Navidiegu de Xixón.

Cellebróse nel Muséu de la Sidre de Nava, Salvador Ondó foi'l vencedor de la lliga de concursos

LA SIDRA.- El Muséu de la Sidre de Nava foi l'escenariu escoyíu pa ceLlebrar la entrega Premios de Campionatu Oficial d'Echaores de Asturies. Nesti apurrieron los premios a los diez meyores clasificaos demientres los 16 concursos de la lliga que se llevaron a cabu per toa Asturies; y tamién, a la campiona de la categoría xuvenil, que foi Alexandra Castellanos. N'orde de primeru a décimu de la categoría xeneral los gallardonaos fueron: Salvador Ondó, Jeison Franco, Jorge Vargas, Wilkin Aquiles, Jonathan Trabanco, Pablo Alvarez, Abraham Castellanos, Pablo Suárez, Marcos Ramos y Alberto Truchado.

La ufierta gastronómica astuiana pa estes feches ye muncha, y les sidreríes destaquen sobromanera.

VER CHIGRES ENCAMENTAOS

LA SIDRA.- Si en daqué se carautericen estes feches navidiegues ye poles delicioses fartures a les que mos vemos "sometíos". Ye tiempu de cellebrar y de compartir colos que tan y los que lleguen a esti país enllén d'estupendos productos de tierra y mar. Por eso les nueses sidreríes dan lo meyor de sigo ufriendo una amplia variedá de menús pa los estremaos díis de folixa, cenes d'empresa, xintes con familiares ycollacios, y les tan asturianes espiches... eso sí, siempres cola sidre presente y de protagonista.

Apurrímos equí una rellación d'unos cuantos chigres que destaquen pola so ufierta tanto gastronómica como sidrera, tando ciertos de que cualisquiera d'ellos sedrá una bona elleición pa los munchos compromisos gastronómicos a los que mos enfrentamos nestes feches.