Una vuelta más, la llexislación española recurtia les posibilidaes de desendolcu a los llagares asturianos.

LA SIDRA.- Pesia que la sidre de pera ye un productu tradicional asturianu, conocíu con esi nome dende siempres, la llexislación española -tan vinatera como ignorante de lo que ye’l mundiu de la sidre- esclúi nel so rial decretu aprebáu en febreru pol Ministeriu d’Agricultura, la categoría de sidre de pera, colo qu’esa denominación pasa a ser illegal, ya impide la comercialización de la sidre de pera col nome que-y ye propiu.

N’Asturies, onde como dicíemos nun entamu, la sidre de pera ye un productu tan tradicional y hestóricu como la de sidre de mazana, por más que la so produición y consumu se viere peramenorgáu nos tiempos caberos, namás el llagar Viuda de Angelón comercializaba esi productu -dende 2011-, y agora, por mor d’esta llexislación española, vióse obligáu a aparar la fabricación y distribuición d’esta bébora, anque les tiendes y chigres qu’entá la tean puen siguir vendiéndola fasta escosar les esistencies.

La Sidra de Xelu de Cortina ye finalista pola so presentación, Xiz de Castañón y Poma Áurea de Trabanco tamién llogren bones crítiques.

VIDIU PRESENTACIÓN DE XIZ

VIDIU TASTIA CONSERVAS COSTERA Y XIZ 

VIDIU NEOALGAE

LA SIDRA.- Son trés llagares los que vinieron a Salón de Gourmets presentando importante novedaes. La nueva imaxe de Pomá Áurea gustó tantu a públicu como a la prensa especializao –al igual qu'asocedió en xineru en Madrid Fusión–. Lo mesmo pasó con Xiz, la sidra frizzante de Castañón que realizó la so presentación güei a les 13:30 de la tarde y causó una escelente impresión ente asistentes y sumilleres.

El so saborgu y frescor sosprendieron tantu a profanos como espertos lo qu'agora un gran futuru. Amás, en dichu actu, tamién se tastió Roxmut, conocíu como'l vermú de sidre asturiano, y pol que la xente yá venía espresamente al stand de Castañón, allugáu na zona de Asturies. 

Tasties, concursos y presentación de la Sidre de Xelu de Cortina.

VIDIU SIDRE DE XELU CORTINA

VIDIU EL CUCO - POMA ÁUREA

VIDIU PREMIU A COALLA GOURMET

VIDIU SIDRERÍES D'ASTURIES

LA SIDRA.- ¡Foi un nun parar! Asturies convirtióse n’un de los puntos con más actividá dientru de Salón de Gourmets que se lleva a cabu nel IFEMA de Madrid. El díi escomenzó con un armonizaxe de productos asturianos adscritos a Alimentos del Paraísu Natural siguíu de la degustación de les típiques marañuelas per parte de la Mancomunidá Cabu Peñes. Darréu rializóse ún de los actos más esperaos de la xornada: La presentación de “Sidreries d’Asturies, Calidá Natural”. N'esti intervinieron el direutor xeneral de Comerciu y Turismo Julio González Zapico y el presidente de OTEA, José Álvarez Almeida. Darréu David Fernández-Prada ufiertó una desplicación al públicu sobro lo que ye dicha marca de calidá y les cualidaes que los establecimientos tienen de cumplir pa llograr la reconocencia. Coles mesmes, espunxo diversos aspeutos rellacionaos sobro cómo consumir Sidre n’Asturies y fexo una demostración d'echar sidre na que participaron dellos de los asistentes.

Güei llevóse a cabu'l concursu “En busca del meyor cachopu con Xata Asturiana” y ganó María Busta de Casa Eutimio

VER VIDIU

LA SIDRA.- Asturies escominez fuerte y relluma en Salón de Gourmets. Dempués de les crítiques y quexes llograes l'añu pasáu polos stands que'l “Principado” llevara a esta feria, súpose tomar nota y tornó al salón con un espaciu qu'eslluma. Cientos de bombilles anuncien con lletreros a lo cimero’l nome del nuesu país, y ca esibidor tamién les tien destacando'l nome de la so empresa. En total son 16 les que formen parte de la fastera d’Asturies y otres ocho les que cunten con stand individual distribuyíes pelos seyes pabellones del IFEMA onde se realiza la feria gastronómica. Amás, tamién podemos atopar cinco queseríes na cortil proyeutada pa Gourmet Quesos.

El xueves  11 entamen les xornaes gastronómiques de la cocina de la sidre, y el domingu 14 de mayu cellebraráse la Preba.
 
LA SIDRA.- El programa de la 18 Preba de Gascona yá ta cuasique tresnáu, y yá podemos avanzar que'l domingu 14 de mayu entamará esta decimochava edición d'esti eventu sidreru. El pregón d'apertura tará a cargu del show-man Rodrigo Cuevas, creador d'un nueu estilu musical: el lletro-culple, del qu'interpretará tres temes. Lo mesmo que n'otres ediciones, el públicu asistente, tres l'alquisición de vasu, pañuelu y fueya de votación por namás 4 € pue degustar el productu de los llagares que sirven la so sidre en Gascona y votar na categoría popular.

Luis López fo’l ganaor del viaxe a Bristol de Sidra Trabanco

LA SIDRA.- La esperiencia “Destín Sidreru” repitió ésitu na so segunda edición, cola participación d’alrodiu de 50.000 persones que consumieron una botella de Sidra Trabanco nes postreres seyes selmanes, que son les que duró la promoción. El ganaor según el sortéu realizáu na notaría de José Luis Rodríguez García-Robés foi Luis López Palacios, que va dir de viaxe a Bristol convidáu pol llagar pa que conoza otres zones sidreres del mundiu. L'añu pasáu'l destín foi Frankfurt y resultó una esperiencia fascinante pa la ganaora, Liliana Pasi.

Güei, de 17 a 19 hores cellebraráse en La Felguera una Mastreclass Sidre d’Asturies con Denominación d’Orixe.

LA SIDRA.- Col enfotu d’afondar na conocencia de la sidre DOP pa da-y puxu al so consumu, el CR DOP Sidre d’Asturies, en collaboración con OTEA,y la Sociedá de Festexos y Cultura “San Pedro” tien entamao pa güei una xornada téunica pa los hosteleros asturianos p’aidalos a conocer aspeutos clave de la Sidre DOP como son el serviciu, la conservación del productu, la téunica del echáu, los factores qu’inflúin na sidre, la carauterización de la sidre DOP o aprender a estremar los defeutos de la sidre, asina como sensibilizar alrodiu de los aspeutos positivos qu’acompanguen al so consumu.

El certame realizóse dientro de les actividaes de La Primer Sidre L’Añu qu'ayeri preslló la so ochava edición.

VER VIDIU

LA SIDRA.- Esti añu la sidre casero vieno daqué retraso, pero entá asina 18 llagareros iscribiéronse pa participar na VI Edición de la Sidre Casero Fecho en Maera que se realiza tolos años dientru les actividaes que se lleven a cabu na Primer Sidre L’Añu. Esti añu'l xixonés Ángel Marcos alzóse col primer puestu. Enantes yá participara nel concursu y quedara ente los primeros puestos. Pero'l 2017 foi'l so añu ya impúnxose a les otres sidres presentaes. En segundu llugar quedó Llucía Fernández de Llaviana, siguía por Luis Álvarez de Mieres del Camín. El cuartu y quintu puestu fueron para Víctor Manuel Iglesias de Granda, Siero, y Falu Nosti de Caldones, respeutivamente.

duque_peq3.jpg

02038969
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
8710
10825
45032
914011
278543
211993