La DOP del Llagar Castañón foi escoyía como Meyor Sidre nel concursu del Festival de la Sidre de Nava, ún de los más prestixosos del país.

LA SIDRE.- Val de Boides, seguía de cerquillina por Cabueñes –a un puntu- y Ramos del Valle, foron declaraes les tres meyores sidres nel prestixosu concursu sidreru que se cellebra cola xida del Festival de la Sidre de Nava, y que xunto col de Villaviciosa y el de la Primer Sidre l’Añu ye de los que cunta con mayor participación de llagares.

Los tres ganaores d’esta edición son llagares de reconocíu prestixu, destacándose qu’en dos de los casos, Val de Boides y Ramos del Valle, trátense de la marca DOP de los llagares Castañón y Fran respeutivamente, y que’l llagar de Cabueñes, si bien nun cunta con marca propia dientru d’esa DOP ye un llagar que cunta con pumaraes propies y con veceros que-y apurren la mazana pela collación de Cabueñes.

Dientru les actividaes del Festival de la Sidre de Nava, el domingu cellebraráse la cuarta preba del campionatu d’Asturies d’Echaores.

LA SIDRA.- La Plaza Manuel Uría acueye esti prósimu domingu 9 de xunetu, de magar les 12 del meudíi, una nueva preba del Campionatu d’Asturies d’Echaores, qu’esti añu algama la vixesimo cuarta edición.

Trátase de la cuarta de les 14 prebes de les que costa esti añu’l campionatu, y que xuntará de nueu a multitú de competiores nel tornéu, perfechamente consolidáru nel nuesu país. Sedrá amás ún de los concursos estrella del añu. Salvador Ondó, l’actual campión d’Asturies d’echaores, ye cabezaleru de la clasificación tres la disputa de tres prebes (Cabranes, Mieres y Bimenes).

El direutor xeneral de Desendolcu Rural y Agroalimentación del “Principado” afirma que van retomar la candidatura comu Padremuñu Imaterial de la Humanidá.

LA SIDRA.- Jesús Casas, demientres la so participación nel “Sidraforum” cellebráu  cola xida del Festival de la Sidra de Nava,  afirmó que mañana mesmo tendrá un aconceyamientu cola Conseyería de Cultura pa entamar de nueu la campaña pa que la UNESCO reconoza la cultura asturiana de la sidre como Padreñu Imaterial de la Humanidá.

Otorgárense 9 premios, entá falta'l premiu a la meyor sidre natural que se cellebrará’l prósimu 8 de xunetu.

LA SIDRA.- Nava yá escomenzó coles actividaes previstes pal XL Festival de la Sidra que se va llevar a cabu fasta'l domingu 9 de xunetu. Ayeri mesmo tuvo llugar la Preba Final del Concursu a les Meyores Sidres y Derivaos de la Mazana Ellaboraos n’Asturies. Nueve fueron los gallardones que s'apurrieron a los distintos productos presentaos pal certame. Asina, el llagar Martínez Sopeña Hermanos féxoser con trés de les reconocencies: Meyor Sidre Esplumoso Endóxeno pa la so marca EM; Meyor Sidre Natural Calistrao pa Españar; y Meyor Vinagre de Sidre pa la so ellaboración Llagar de Oles. Cabe mentar que Españar tamién ganó esti mesmu premiu nel pasáu Salón de la Sidre d’Asturies DOP.

Casería San Juan del Obispu fíxose de la mesma con dos premios. El Meyor Auguardiente de Sidre foi pal so productu Salvador del Obispo; y el Meyor Auguardiente de Mazana pal llamáu Alquitara del Obispu. Castañón tornó trunfar nel Meyor Aperitivo con Roxmut. Coles mesmes y al igual que l'añu pasáu, la Naveta Brut foi reconocío como Meyor Sidre Esplumoso Esóxeno. Y el nuevu productu Cortina, la so sidra de xelu, llogró'l primer llugar en dichu apartáu. ¡Norabona!

Salvador Ondó ganó la tercer preba del Campionatu d’Echaores d'Asturies cellebrada en Bimenes.

LA SIDRA.- L’actual campión d’Asturies d’Echaores, Salvador Ondó quedó’l primer clasificáu nel concursu cellebráu en Bimenes coincidiendo cola fiesta de la Oficialidá, tercer preba de la XIV edición del Campionatu d’Echaores d’Asturies.

El concursu  cuntó con importante seguimientu de públicu y con munchu nivel por parte los 31 concursantes. La clasificación quedó como vien darréu:

Español /Asturianu / English

Cellebraráse dientru la programación del prósimu VII Salón Internacional de les Sidres de Gala y tará presidíu pola periodista graduada en Periodismu Gastronómicu y Nutricional, Estíbaliz Urquiola.

LA SIDRA.- La propia dinámica del Salón Internacional de les Sidres de Gala (SISGA)lleva a dir a más, complementándolu añu tres añu, y comu quiera que n’anteriores ediciones del SISGA deteutóse un interés xorreciente por parte de medios de comunicación especializaos en conocer con más fondura’l mundiu la sidre y la gastronomía xuncía a ella, esti añu la Fundación Asturies XXI y la revista LA SIDRA, convoquen per primer vegada esti I Alcuentru de Periodistes  y Blogguers especializaos, atalantando que son los profesionales del espardimientu d’información y tendencies, lo que resulta prioritario pa los oxetivos del SISGA.

Ente les novedaes d’esta XL edición del Festival de la Sidre de Nava, allexa un orixinal tren sidreru que percorrerá cinco llagares navetos.

LA SIDRA.- El XL Festival de la Sidre de Nava cellebráse del 4 al 11 de xunetu, y el so programa inclúi interesantes novedaes coles que se remocica y actualiza enforma. Ente elles allexa el tren gratuitu que saldrá’l domingu 11 del Muséu de la Sidre pa percorrer cinco llagares navetos onde podrá tastiase la so sidre. Arriendes d’ello, y per primer vegada, tamién habrá una amuesa de cocina, a cargu de Ramón Celorio, direutor gastronómicu del Grupu Nature.

Caltiénense dientru la programación avezada el pregón, a cargu del direutor xeneral de la Vuelta a España, Jorge Guillén, l’hermanamientu de les sidres d’Asturies que fai la Bona Confradería de los Siceratores (sábadu ocho a les dos de la tardi), y el Concursu d’Echaores que fadrá la so trixésima edición.

Na presentación del programa d’esti festival cuntóse col estrenu d’un vidiu de tres minutos dirixíu pel navetu Luis Canteli pa da-y puxu al Festival nes redes sociales, nel que reivindica Nava como villa de la sidre con una orixinal hestoria, “El secreto de la pócima” que llamentablemente emplega un chapurriáu vergoñante, con frases tipu “un secretu que ha ido pasando” “a cuanta xente hemos ayudao”, y del que sedríe deseable cuntar con una versión n’asturianu normal, y versiones n’inglés y n’español.

La Conseyería anunció esta propuesta y otres más rellacionaes coles pumaraes pa la Sidre d’Asturies DOP.

LA SIDRA.- Nel pasáu salón y presentación de la collecha de la Sidre d’Asturies DOP emitiéronse distintos anuncios rellacionaos con esta marca, que van ser un puntu inflexón dientru la hestoria del seutor sidreru contemporaniu. En dicha presentación, y como yá s’espublizara nesta revista, tamién participó nel actu de presentación la conseyera de Desendolcu Rural y Recursos Naturales, María Jesús Álvarez. Magar ye ciertu que la noticia principal foi la de la incorporación de llagares a la Denominación d'Orixe, tamién pudiemos saber de prósimes midíes pa los collecheros asturianos. Nun hai qu'escaecer qu'ensin mazana d’Asturies, nun hai sidre d’Asturies. Una d'estes propuestes ta rellacionada cola preservación del alrodiu, una aición indispensable si queremos siguir diciendo que tenemos un Paradísu Natural”

duque_peq3.jpg

02530953
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
5261
8531
63917
1412246
154342
322697