Ye una tradición de fin d'añu del país llatinoamericanu 

LA SIDRA.- Ca 31 d'avientu los ciudadanos de Montevideo axúntense nel Mercáu del Puertu de la ciudá pa cellebrar una antigua tradición navidiega: la batalla de la sidre. Esti añu y en plenu branu austral, cientos d'uruguayos averáronse de magar el meudíi a dichu puntu pa bater botelles de sidre y llanzase ente ellos los remexos esplumosos d'esta bébora, bien popular nel país demientres les fiestes.

La mayoría les presones van vistíes con bañadores y camisetes esportives pa participar na cellebración. La fiesta ye tou un clásicu na capital del país suramericanu, que se xune a otres tradiciones d'estes feches como resgar en cachos los calandarios y espardelos per toles cais de la zona de la llamada Ciudá Vieya. Dempués de llanzase los remexos de sidre, los participantes tornen a les sos cases pa comer platos típicos uruguayos.

Ria Windcaller, cabezalera del blog Cider Chat, l'unicu potcast sobro la sidra de conteníu internacional y de tirada semanal, dedicará un espaciu especial a la sidra asturiana, LA SIDRA y especialmente al Salón Internacional de les Sidres de Gala 2016.

VER ARTÍCULU

LA SIDRA.- Na cabera edición del Salón Internacional de les Sidres de Gala Ria Windcaller, periodista norteamericana, vieno pa cubrir la información d'esti eventu internacional, pa escubrir la cultura de la sidra asturiana y pa entrevistar a dellos de los participantes, tantu asturianos comu internacionales.

Esti ye'l primer añu que vien presonalmente pa cubrir el SISGA, sicasí nun ye nin munchu menos la primera vegá que l'eventu apaez na prensa d'EEXX, anque sí nun mediu tan específicu alrodiu'l mundiu la sidra comu ye Cider Chat, que cunta con gran prestixu internacional y aveza a entrevistar a llagareros de tol mundiu y a visitar los más importantes eventos sidreros internacionales.

Un estudiu de la Xunta de Castiella y Llión desplica los beneficios de la nuesa bébora emblemática.    

LA SIDRE.- A puntu tán de terminar les fiestes y los escesos pásenmos factura. Los embutíos, el corderu y el mariscu nun son precisamente lo más recomendable pa les persones que carecen de tener alto l'índiz d'ácedu úricu. Y de les bébores, nin se diga. Según estremaos estudios, la cerveza y los llicores aumenten sensiblemente'l riesgu de sufrir un ataque de gota.

Sicasí, nun estudiu sobro sidre natural ellaboráu por un equipu de técnicos de la Xunta de Castiella y Llión refundió como concluxones que el bebedores de sidre son menos propensos a l'acumuladura d'ácedu úricu y "presenten una inmunidá cuasique xeneral escontra malures como la piedra y la gota".

El Mercáu Artesanu y tradicional que se cellebra'l primer domingu de ca mes na cai Gascona d'Uviéu, camudóse pal segundu domingu de xineru.

LA SIDRA.- Entamáu pola Asociación de Sidreríes de la popular cai Uvieína, cuntará esti añu con más artesanos y productores asturianos d'alimentación ecolóxica que n'anteriores ediciones. A lo llargo la cai, dende Foncalada a Xovellanos istalaránse más de trenta puestos nos que podrá mercase dende pieces d'artesanía, esclusives, n'estremaos materiales, a variedá d'alimentación, de güertes ecolóxiques o ellaboraciones artesanales de quesos, dulce, miel, repóstería casero y otros alimentos baxo'l sellu de la calidá asturiana.

De magar les 11 horess tarán istalaos los puestos nel "mercáu" nel que s'espera gran afluyencia de visitantes, ente ellos los turistes qu'escoyeron Uviéu pa esfrutar d'estos díis festivos y que tienen na cai Gascona una de les referencies pa visitar na ciudá, por gastronomía y sidre. Como davezu el mercáu tará amenizáu pola bandina "Los Gascones".

L’Allume continúa cola so campaña de crowdfunding y asoleya un vídiu del míticu personaxe.

VER VIDIU

LA SIDRA.- L’Allume sigue cola so campaña de crowdfunding pa facer sidre y cola fin de dar un nueu emburrión a la iniciativa compartió en youtube un vídiu n’onde Conan, el míticu personaxe encarnáu por Arnold Schwarzenegger, llama n’asturianu a la participación de los ciudadanos pa poder financiar la siguiente produición.

Mentes l’equipu fúbol de la ciudá más sidrera del mundiu etiqueta vinu español, el Racing de Santander failo con sidre.

LA SIDRA.- El problema nun ye que’l Racing corche sidre identificada col so símbolu -de Somarroza, por ciertu-, darréu que la sidre foi la bébora más popular de Santander fasta años dempués de que dexaren de ser parte d’Asturies como consecuencia de la invención de la provincia de Santander en 1833 (en 1982 rebautizada como Cantabria), sinon el que siendo Xixón la ciudá más sidrera del mundiu, tantu por consumu de sidre (65 llitros por presona y añu), comu por actividaes sidreres (Primer Sidre l’Añu, Sidracrucis, Xixón de Sidre, SISGA, Fiesta de la Sidre….), el Sporting, l’equipu qu’identifica la ciudá recurra a vinu de La Mancha comu productu identificativu de calidá.

Guzmán Riestra ye una sidre, que nes sos dos versiones, vien siendo distinguía con premios SISGA dende'l so entamu. Trátase d'una de les sidres esplumoses más reconocíes dientru la so categoría, ellaboraes col métodu tradicional champanoise y con una perimportante progresión na so calidá nos tiempos caberos, fasta'l puntu de poder considerase una sidre referencial, y esti sábadu podrá degustase nel puestu que tien LA SIDRA nel Mercáu Navidiegu de Xixón.

L'alcuentru llevaráse a cabu los díis 23, 24 y 25 de xineru y per segunda ocasión va cuntar con sidre adscrito a la denominación.

LA SIDRA.- El Congresu Internacional del Vinu va cellebrar la so séptima edición los díis 23, 24 y 25 de xineru de 2017 nel Palaciu Municipal de Congresos de Madrid, al pie de la Cume Gastronómica Madrid Fusión. Enofusión sedrá de nueu l'escenariu onde estremaes tribes de bébores ellaboraes nel Estáu español cobren protagonismu dientru la gastronomía al traviés de tasties de prestixu, conferencies téuniques, espacios de degustación y novedaes al cargu de les grandes bodegues, denominaciones d'orixe y marques del seutor.