Algamó tres medalles de bronce y asitió a les sos sidres ente les 500 meyores

LA SIDRA.- El certame británicu Bath & West International Competition premió per un llau la Sidre d’Escoyeta Trabanco Cosecha Propia, quedando namás a mediu puntu de la medalla de plata, Lagar de Camin, y sidra Avalón, toes elles con medalla de bronce.

El xerente del Grupu Trabanco, Samuel Trabanco destacó la importancia que tien algamar estos premios, sobro too porque l’acidez propio de la sidre asturiano non siempres ye bien comprendía polos xuraos británicos.

El retrasu de la versión n'asturianu de la camiseta de la DOP n'asturianu prevocare un auténticu revuelu.

LA SIDRA.- La iniciativa de la DOP Sidre d'Asturies cola so camiseta verde "100% Asturianu, Auténticu", ta resultando ser un auténticu ésitu social, pero el fechu d'apaecer namás n'español llegó a poner en custión la propia campaña, xenerando un malestar que tuvo repercusiones na cai, por supuestu, pero sobro too nes RRSS, qu'arroxaron criticando'l despreciu a los asturianos que yera nun sacar la versión na llingua d'Asturies, ya inclusu daqué mediu de comunicación llegó a acusalos de ser "Asturianos namás pa lo que-yos interesa".

Afortunadamente l'enguedeyu yá ta iguáu y les nueves camisetes col testu n'asturianu yá tan disponibles, colo que queda bien nidio que'l compromisu de la DOP Sidre d'Asturies ye más firme de los que munchos camentaren, y de que saben ser asturianos pa lo propio y pa lo ayeno.

La corporación municipal uvieina rializó'l brinde oficial del Martes de Campu con vinu español, la sidre o nel so defeutu'l vinu Cangas, ye demasiao asturiano.

LA SIDRA.- Fartucos tamos de denunciar una y milenta vegaes como les istituciones asturianes desprecien a la sidre y al vinu Cangas usando en tolos brindes oficiales vinu español, en públicu despreciu a la sidre y al vinu Cangas. Nesta ocasión trátase de la corporación municipal uvieína (PSOE, Podemos, IU, PP, C's), que nel so brinde n'El Bombé, el Martes de Campu, tornó a repetir l'humillante ritual de facer de menos a la bébora patria asturiana recurriendo al vinu español tan propiu de la dómina franquista, talo como pue vese na semeya tomada de LNE.

Reconoz a 115 races de mazana, inclúi a 36 llagares y esti primer añu yá corcharán 1.320.000 llitros.

LA SIDRA.- La denominación d’orixe vasca, Euskal Sagardoa, llevará na botella un sellu de garantiua numberáu y la imaxe identificativa de la mazana collorada, arriendes d’ello la botella va encapsulada tamién de collorao y con una mazana calada.

Desde 2011 la sidre n’Euskal Herria cuntaba con dos sellos de calidá Eusko Label y Gorenak, col aniciu d’Euskal Sagardoa, dambos xúntense nun mesmu proyeutu que cunta col sofitu de les tres diputaciones forales y el gobiernu vascu.

Tan tresnaes con una parrilla única en Xixón, que les fai quedar xugoses per dientru y cruxentines per fuera. La sidre: Castañón, Val de Boides, y Molín del Medio

VER VIDIU

ESTÍBALIZ URQUIOLA*.- Munchos collacios míos que saben que trabayo nesta revista suelen entrugame ¿au ta bien pa xintar callos, pote, fabada, arroces, mariscu, ecétera, ecétera, ecétera? De fechu teo varios grupos de washap de colegues nos que voi aunciando los descubrimientos que faigo ca selmana. Son los que más me llamaren l’atención que tamién apunto na mio axenda pa cuando daquién me pida daqué encamientu.

Esti añu, el Festival Arcu Atlánticu cuntará con un espaciu propiu pa la sidre de la Europa atlántico.

LA SIDRA.- L’Arcu Sidreru, entamáu pola Fundación Asturies XXI / LA SIDRA, asitiaráse xunta’l Puertu Esportivu, al delláu del V Salón d’Agroalimentación y nel mesmu espondránse les 22 semeyes esbillaes nel X Concursu Semeyes la Sidra, habrá degustaciones d’estremaes sidres d’Europa, y conferencies alrodiu la sidre.

Del 21 al 30 de xunetu va a tenese la posibilidá d’averase a la sidre ellaborao na Europa atlántico, y lo que ye meyor, prebalo y participar nes tasties guiaes que s’entamarán al efeutu, nunes xornaes que del 26 al 30 de xunetu sedrán dedicaes ca díi a una de les naciones protagonistes del programa “La mar de llingües” qu’esti añu dedica l’Arcu Atlánticu a les llingues minorizaes, ello ye: occitano, asturiano, euskera,  bretón y gallego.

Arriendes d’ello, tamién tan previstes les conferencies que vienen darréu:

Tuvo llugar nel Llagar Sidrería La Morena, Viella.

LA SIDRA.- Hai unos meses l’Ayuntamientu Sieru entrugó a los Llagareros del Conceyu qué-yos paecía que facía falta dar puxu nel seutor llocal. Dempues de varies conversaciones llegaren a la concluxón de que la información sobro onde ta ca llagar ye fundamental. Ello asina entamó a tresnase una guía onde s’espeyen datos actualizaos de tolos llagares del Conceyu.

El Llagar La Morena, ún de los más antiguos de Sieru, foi el llugar onde se presentó’l material recoyíu que formará parte de la guía. EN La pola Sieru esisten anguañu doce llagares: Casa Fran en Llugones, Corzo en Granda, La Morena en Vieya, Arbesú en Santa Marina, Los Bayones en Cualloto; y en Tiñana están: Casería del Obispo, Fanjul, Fonciello, Juanín, Muñiz, Quelo y Viuda de Palacio.

El cartelu presentáu por Juan Diego, asturianu emigráu a Castelló -otra llienda urbana-, fo'l ganaor del concursu qu’escoyó la imaxe de la cellebración.

LA SIDRA.- L’autor, que nun pudo acudir a recoyer el premiu por motivos llaborales siñaló que “siempres m’impresionó ver como los echaores nun miren nin la botella nin el vasu y eso foi lo qu’intenté representar, dos mozos echando sidre a cuator manes, mirando’l chorru, mirándose a los güeyos, namórándose y namorándose tamién de la sidre”.

El xuráu, formáu por Breza Cecchini, Leocadio Redondo, Maxi F. Gutiéz, y Carmen Montes, valoraron unt otal de 47 obres presentaes al concursu y destacaron del ganaor el so calter “frescu, orixinal y enllenu detalles”.

Arriendes d’ello, y a pocu más d’un mes de que se cellebre’l festival, van anunciándose delles novedaes, como va ser una votación popular pa escoyer la meyor sidre (sábadu 8 de xunetu) y fuebos artificiales na nuechi del vienres 7 de xunetu.

duque_peq3.jpg

02338475
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
4323
6779
19047
1247056
284561
293488