Destacada participación del llagar sareganu y de LA SIDRA nel Rigtig Cider cellebráu esta pasada fin de selmana en Copenhague.

VER SEMEYES

LA SIDRA.- La sidre del llagar Riestra, tanto la brut, como la semiseca y la natural, destacaren sobromanera nel festival sidreru referencial de la escandinavia, onde tamién participó LA SIDRA, llevando la información de la convocatoria del VII Salón Internacional de les Sidres de Gala (SISGA) que se cellebrará del 29 de setiembre al 1 d'ochobre en Xixón.

Una esperiencia perinteresante na qu'hebio oportunidá non solo de la rialización de les rellaciones comerciales -por parte del llagar asturianu- propies del eventu, sinon tamién pa presentar la sidre asturiano a un públicu que les más de les vegaes cuésta-yos atopar Asturies nel mapa, y por supuestu pa conocer cuala ye la rialidá sidrera nesos países con cuyos llagareros ya importadores LA SIDRA caltién una perbona rellación, frutu de la cuala ye la so presencia nel SISGA y la invitación recibía pa participar nesti Rigtig Cider.

Sidre Canal, de Xixón, torna faese col Premiu del Públicu na Fiesta de la Sidre de Xixón

VER SEMEYES

LA SIDRA.- La Fiesta de la Sidre de Xixón cerró ayeri col fallu y entrega galLardones: l’Eloxu d’Oru -otorgáu a la meyor sidre del festival según el xuráu especializáu–; y El Premiu del Públicu –la decisión foi tomada por tribunal formáu por representantes de consumiores–. Asina, el primeru d'ellos foi pa Sidre Orizón, de Nava; mentes que Sidre Canal tornó faese col entítulu de meyor sidre sigún el públicu, una y bones l'añu pasáu tamién venció nesta mesma categoría.

Tres la xornada de "Cancios de Chigre" d'ayeri, la Fiesta de la Sidre de Xixón llega al so díi grande cola entrega del Tonel d'Oru, la Preba y el Concursu de sidre.

VER SEMEYES DE LA XORNADA D'AYERI

VER ACTUACIÓN DE L'ASOCIACIÓN DE COROS Y DANCES XOVELLANOS

LA SIDRA.- Güei a les 12:00 entama la postrer y principal xornada de la Fiesta de la Sidre de Xixón, col afayaivos de les autoridaes a los llagares participantes y la entrega del Tonel d'Oru a Cesar Agüera pola so trayeutoria al frente de sidre Cabueñes.

La XXVI edición de la Fiesta de la Sidre consiguió batir el propiu récor d'echáu simultániu de sidre, en cuasique 1.000 presones respeutu al anterior récor de 2015.

VER VIDIU

VER SEMEYES

LA SIDRA.- El disgustu del añu pasáu onde por primer vegada nun foi posible bater el récor d'echáu simultániu fexo que la sociedá xixonesa se movilizare y consiguiere llevar a la sablera d'El Castrillón a ná menos que 9.403 presones, mui perriba del anterior récor de 2015 que movilizó a 8.564 echaores.

George Neagu, de la Sidrería Ramón, algamó'l primer puesto na categoría llocal.  

VER SEMEYES

LA SIDRA.- Xixón teníase--y resistío, pero por fin, Salvador Ondó, ganó'l Concursu d'Echaores mesta ciudá. El concursu forma parte del Campionatu Oficial d'Echaores d'Asturies que se fai per tol país. Dicha preba llevóse a cabu ayeri dientru les actividaes de la Fiesta de la Sidre de  Xixón y nesta participaron echaores distribuyíos en tres categoríes: xeneral, xuvenil y llocal. El trunfaor d'esta postrera foi George Neagu, de la Sidrería Parrilla Ramón. Na categoría xuvenil concursaron Alexandra Castellanos y Ángela Castellanos de la Sidrería Fonte Villoria; y Edna Montes, qu'algamó la mayor puntuación nesti rangu d'edá.

La competición escomenzó haza les cinco la tardi na Plaza Mayor. Decenes de presones congregáronse frente al escenariu p'adicar detenidamente l'arte del echáu. Más de 40 echaores iscribiéronse a la preba, batiendo récor de participación. Salvador Ondó tuvouna puntuación de 116,60 puntos que lu fexo quedar en primer puestu del podiu. Siguiéronlu Jeison Franco, d'El Madreñeru, con 116, 30; y Jorge Vargas, con 116,10. Como se ve la final tuvo reñía y da muestra de la calidá que se ta algamando en ca etapa.

Ayeri tuvo llugar una intensa xornada d'actividaes en distintos puntos del cientru de la ciudá.

VER VIDIU ACTUACIÓN GRUPU CUADONGA

LA SIDRA.- Siguen les actividaes que formen parte de la Fiesta de la Sidre de Xixón que va tener llugar fasta'l prósimu domingu 27 d'agostu. Ayeri a les siete la tardi rializóse un taller sobro consumu responsable de sidre nel Campu Valdés. Corrió a cargu del Grupu de Salú ya Igualdá del Conseyu de la Mocedá de Xixón y nesti tratóse distintes temes rellacionaes cola sidre. En primer llugar mozos y moces fixeron una esposición sobro les distintes maneres d'ellaboración y consumu de sidre en dellos países europeos, eso sí, siempres con moderación. Los ponentes fueron: Luis Javier Martínez, Aarón Rubio, Raúl Felipe, Cristina Athanasopoulou y Barbora Vítková.

Otorgáronse ayeri dientru la Fiesta de la Sidre de Xixón 2017.

LA SIDRA.- Los stands del Mercaín de la Sidre y la Mazana abren de magar les oncela mañana fasta la medianuchi. Y, hai que dicilo, los Xardinos de la Reina –llugar onde s’afayen- tan apinaos de turistes y asturianos que s’averen pa ver les pieces y productos qu’esponen los artesanos. Ayeri otorgáronse los gallardones que se dan en ca edición del mercáu. “El premiu al Productu más Novedosu” foi pa El Molín del Nora, una empresa d’auguardientes, llicores y cerveza que s’atopa en Noreña y que son ellaboraos por Olegario Díaz. Específicamente, el productu más novedosu del stand ye una Xinebra de Mazana. Esta ye suave, llixéramente afrutiada, pero tamién cunta col secante carauterísticu d’esta triba bébores.

Foi entamada por Sidre Trabanco y dirixía por David Fernández-Prada

LA SIDRA.- Dientru les actividaes que tan llevándose a cabu na Fiesta de la Sidre de Xixón, tuvo llugar una Master Class de  Preba y Echáu de sidre entamada por Sidre Trabanco y dirixía pol periodista gastronómicu David Fernández-Prada. L'escenariu del taller fo'l Campu Valdés y escomenzó a les ocho la tardi. Les iscripiciones pudieron facese per internet y foron gratuites dafechu. Alredior d'unes cincuenta presones pudieron participar activamente na esperiencia, pero tamién, otres decenes de presones pudieron escuchar los  conteníos de la charra alrodiu la zona de tastia.

duque_peq3.jpg

02816480
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
4051
9180
13231
1724513
201238
238631