Miguel Rosete, de Parres, ganó’l premiu a la meyor sidre casero d’Asturies, siguíu de Juán González, de Xixón, y Rafael Sánchez, d’Amieva.

LA SIDRA.- La sidre casero va a más. Non porque se faiga más de lo que se facía enantes, sinon porque la xente que maya pa en casa va reivindicándose ca vuelta más, y faciéndose más presente gracies al llabor d’entidaes comu la entamaora d’esti concursu, l’Asociación pal Fomentu de la Sidre Tradicional.

Esta fin de selmana, Villaviciosa acoyerá'l Concursu d'Asturies de Sidre Casero, cola entrega de los premios que llevarán el nome de Mundo Collada n'honor al enólogu Maliayu.

LA SIDRA.- Entamada pola Asociacción de Fomentu de la Sidre Tradicional Asturiana, y col sofitu del Ayuntamientu Villaviciosa, güei sábadu tendrá llugar la fase eliminatoria na plaza d'Abastos, y el domingu cellebraránse les finales nel escenariu de la Plaza'l Güevu. Esti añu incorporaráse una preba popular el domingu, pa que los asistentes puean valorar la calidá de les sidres presentaes.

Una novedá d'esti añu sedrá que los premios pasarán a llevar el nome del fináu enólogu maliayu Mundo Collada, istituyéndose'l premiu a la meyor sidre casero d'Asturies col nome del recordáu enólogu que destacó pola defensa de la sidre y la cultura asturiana.

En total presentaránse alrodiu de sesenta llagareros caseros, en representación de la ventena de conceyos participantes.

Gracies a les xestiones d’Asemeyando, La Confederación Nacional de Fotografía reconoz el concursu, les sos bases y los sos gallardones.

LA SIDRA.- Cuandu fain 10 ediciones del Concursu Semeyes LA SIDRA, que pretende espeyar la sidre, la mazana, el so alrodiu y la so cultura, y tres esponer añu ente añu les meyores 20 semeyes, xorreciendo en participación y en calidá de les semeyes presentaes, y con participantes y ganores d’otros países del mundiu, esti añu consolidemos el concursu y diemos un pasu alantre gracies a la collaboración de l’asociación fotográfica Asemeyando.

Y ye que dende Asemeyando xestionaren la so incluxón nos certames de semeyes reconocíos pola Confederación Nacional de Fotografía, lo qu’implica una reconocencia al concursu, a les sos bases y a los sos gallardones.

Ello supunxo afayar les bases del concursu a les más altes normes de tresparencia y cumplimientu de la llegalidá vixente. Implica la participación d’un xuráu que tien de cumplir altos estándares a la hora otorgar los premios, ya implica la reconocencia oficial de les 25 semeyes meyor clasificaes.

Dende’l 6 fasta’l 16 d’ochobre, 44 llagares asturianos hermánense con 45 chigres xixoneses pa facemos esfrutar de la meyor sidre y la meyor gastronomía.

LA SIDRA.- Conforme a la idega orixinal, ca chigre ufre la sidre del llagar acoyíu pol establecimientu y una cazolina de criación propia a un preciu mui afayaizu: 2,7 € botella, 3,7 botella con cazolina y 4,7 € botella con cazolona.

Too ello conforme pue consultase nel sidromapa que ta disponible nos chigres participantes y na que s’amuesen los chigres participantes cola so sidre y la so cazolina.

Arriendes d’ello proporcionaráse’l pañuelu de Xixón de Sidre 2016, que permitirá l’acesu al sidrobús, qu’ufre un percorríu sobro ruedes en paraes averaes a los chigres participantes pa esfrutar de la sidre.

Chigres participantes:

El milenariu texu de Bermiegu vien de ser testigu d’un casoriu pol ritu de la Ilesia Asturiana de la Sidroloxía.

VER ARTÍCULU

LA SIDRA.- Yá nun ye abondo con bautizar a los neños con sidre, nin moya-yos el chupu en sidre pa que s'avecen al saborgu, la Ilesia Asturiana de la Sidroloxía recupera'l conxuntu de cellebraciones sociales siguiendo'l ritu sidreru, casorios, comuniones, entierros... porque la sidre ye muncho más qu'una bébora, y esprésase no divino y no humano.

El certame sidreru italianu cuntará cola participación de Donato X. Villoria en representación de LA SIDRA y la Fundación Asturies XXI.

LA SIDRA.- El doctor n’hestoria impartirá una conferencia sobro la sidre asturiano y el Salón Internacional de les Sidres de Gala (SISGA) dientru de la Segunda Conferencia Internacional de la Sidre d’Italia, que tendrá llugar demientres el certame sidreru de la Fiesta de Mele Vallé, que se  van desendolcar na llocalidá italiana d’Antey-Saint-André, nel Valle d’Aosta.

La conferencia de Donato Xuaquín Villoria, de la Fundación Asturies XXI, y collaboraor de La Sidra tendrá llugar el sábadu 8 d’ochobre, y el domingu 9, miembros de la dellegación asturiana van ufiertar una tastia pública de sidre con DOP “Sidre d’Asturies”, Val de Boides, Españar y EM, asina comu del vermúRoxmut, del llagar Castañón,  pa que tola xente que s’avere a la plaza del pueblu vieyu de Antey-Saint-André tean conocencia de la sidra del nuesu país.

El prósimu sábadu, el Restorán Las Delicias acoyerá una xornada na que Conservas Costera y la sidre sedrán los protagonistes.

LA SIDRA.- L'eventu tendrá llugar el sábadu ocho d'ochobre a les 12 del meudíi nel Restorán lluanquín Las Delicias, onde boquerones en vinagre, sardines anchoaes, anchoes del norte, ocle Kombu, Bonitu'l Norte y Paté d'Oriciu de la mencionada conserverá sedrán harmonizaos con sidre natural de Cortina y Villacubera, asina comu con Guzmán Riestra brut nature y semiseco.

L'harmonización d'estos productos tará dirixía por David Castañón, prestixosu gastrónomu autor del blog les fartures, y collaboraor d'avezu de LA SIDRA.

Dambos echaores fueron vencedores del concursu cellebráu en dichu conceyu.

LA SIDRA.- Jeison Franco y Loreto García fueron los vencedores del concursu d'echaores que se cellebró por cuenta d’Agrosieru. Franco féxose col primer llugar na clasificación xeneral con 116,40 puntos; mented que García foi la ganadora de la llocal con 113,40. Siguiendo nesta postrer categoría, el segundu puestu foi pa Gema Fanjul y el terceru p’Alesandro Morillo. Y tornando a la xeneral, a Franco siguiólu Jorge Vargas y Marcos Ramos respeutivamente. Finalmente la categoría xuvenil ganóla Alexandra Castellanos.