La periodista gastronómica Susana Molina fala sobro sidre y celiaquía.

LA SIDRA.- Ca vuelta conocemos más sobro la celiaquía . Y nun ye pa menos. N'Asturies esiste un altu índiz de presones que carecen esta intolerancia. De fecho, Cangas ye un conceyu con muncha prevalencia y calcúlase qu'el 3% de la población ye celíaco lo que triplica la media estatal. El sitiu especializáu www.celicidad.net señala qu'esisten más 130 restoranes ensin gluten nel nuesu país. Hai de destacar –y muncho– que la sidre ye un productu cien per cien llibre de gluten, polo que dir tomar unos culinos enxamás nun supon un problema pa los celíacos.

El doctor Jesús Bernardo desplica los efeutos beneficiosos de la sidre pal nuesu organismu

LA SIDRA.- El doctor Jesús Bernardo ye l'autor del llibru La Dieta del Cantábricu: deprender a comer; nel qu'espón qué alimentos la componen y la bayura beneficios qu'apurren al nuesu organismu. Entituláu en Nutrición y Dietética pol Hospital Rober Debré – Universidá de Reims- y tamién en Nutrición Esportiva pol Hospital Paul Sabatier de Tolouse –ente munches más acreditaciones y distinciones–; ye miembru de la Comisión de Nutrición del Comité Olímpicu Español amás de dirixir la Unidá de Nutrición, Alimentación y Metabolismu n'Avilés y Xixón. Bernardo concedió una entrevista pa la revista LA SIDRA na que mos esplica los efeutos beneficiosos de la nuesa bébora tradicional pal organismu. Dicha entrevista puede lleese na so totalidá na nuesa edición 158 en versión impresa y online. Equí esponemos dalgunes de les sos rempuestes.

Xose Nel Navarro presentará un nueu capítulu de la novela hestórica per fascículos “Dalt Vila”, concretamente l’entituláu "Iyán de Tazones ente gascones y pirates echando nos sidrosos mares d'Eivissa"

LA SIDRA.-  Esta nueva entrega ta dedicada a los llagareros asturianos, y nella “Iyán de Tazones desplica a gascones y pirates como se tien qu’echar la sidre y los munchos  beneficios qu’echala da”.

La propuesta del autor, d’una novela hestórica per fascículos resulta especialmente orixinal nel panorama lliterariu d’anguañu. Sigún el proyeutu inicial la obra en total cuntará con 120 entregues, lo que supón unes 1.200 páxines, y ta protagonizáu pol inxenieru militar romanu Giovanni Battista Calvi y el pícaru Iyán de Tazones.

Énte l'alderique xeneráu alrodiu'l preciu de la botella sidre, optemos por facer una encuesta pa conocer lo qu'opinen los nuesos llectores.

PARTICIPAR NA ENCUESTA

LA SIDRA.- Sigue l'alderique sobro'l preciu la botella sidre, y nun paez que seya fácile aportar a un alcuerdu, por eso atrevémosmos a dir un pasu acullá ya invitamos a tolos nuesos llectores a participar nesta encuesta sobro como ven el preciu de la botella sidre, pa conocer cuala ye la opinión más xeneralizada.

Güei y mañana cellebraráse en Güerres, Colunga, la so VI Oriciada, afirmando que naide nun se va atrever a dicir qu'un oriciu ye una croqueta, pero que pa nun disgustar a los "entendíos", habrá croquetes d'oriciu.

LA SIDRA.- Güerres torna a ser la capital oriciera asturiana nesta sesta edición qu'entama güei y que dende les 11 la mañana escomenzará a servir oricios crúos, cocíos, tortiella d'oricios, croquetes d'oricios, boroña. Con precios populares: ración d'oricios y botellina sidre a 14 €.

Pela tardi, de magar les 19:30, la mítica Viri, del Llar de Viri, impartirá unes clases de cocina, y a les 21 hores fadráse entrega del Oriciu d'Honor al medallista paralímpìcu riosellanu Alberto Suárez Laso. L'Oriciu d'Honor ye una escultura de Kiko Urrusti.

Pal domingu tórna de nueu a abrise la carpa oriciera a les 11 la mañana pa siguir colos oricios... l'oxetivu d'esti añu ye llegar a les dos tonelaes.

Una vuelta más, los llagareros tornen a defender que la sidre ta demasiadamente barato, pero non tol mundiu ta d’alcuerdu. Eso sí, cola reconocencia del llabor de los echaores hai cuorum.

LA SIDRA.- Na charra entamada en Salenor, los llagareros tornaron a defender que’l preciu la botella sidre ye barato, y como davezu xeneraron alrodiu tou un alderique, nel que toos tienen muncho que dicir.

Per un llau la postura de quien considera que ye muncho'l llabor de los llagareros y que la sidre prestixaríase si fuere más caro,  que ye lo más barato qu’hai, y argumenta que ta más barato que l’augua; y per otru la de quien, coincidiendo n'apreciar el llabor de los llagareros, defende que’l prestixu nun lo da’l preciu, sinon la calidá del productu y qu’a mayor calidá podrá pedise más preciu, pero que primero que se vea esa calidá, y recuerden que’l preciu una botella ye aprosimadamente’l de dos cerveces, o dos cafés.. colo que de barato ná, y que l’augua igual ye más barato, pero qu’ellos nun entren a un chigre a pidir augua.

gulfoodGulfood 2017 tendrá llugar del 26 de febreru al 2 de marzu

LA SIDRA..- Grupu El Gaiteru va llevar una misquinina d'Asturies a Dubai del prósimu 26 de febreru al 2 de marzu. Y ye que, neses feches, va tener llugar la Gulfood 2017.

Esta feria ye un escaparate estratéxicu por cuenta de que recibe visitantes de la zona del Golfu Pérsicu y Oriente Mediu lo mesmo que d'África, Sudeste Asiáticu, Europa y Oceanía y na pasada edición, cuntó con más de 5000 espositores (de 117 países) y foi visitada por más de 93.000 persones de 166 países.

La revista LA SIDRA cunta con stand propiu na sesta edición de Salenor.

VER SEMEYES

LA SIDRA.- La feria gastronómica entamada pola Cámara de Comerciu d'Avilés y que cunta con tolos seutores del ária: hosteleros, panaderos, carniceros, pescaderos y munchos más profesionales, ente los que por supuestu nun falta la sidre, tamién cunta con un espaciu propiu pa la revista LA SIDRA. Dende elli damos a conocer el llabor que desendolcamos y les oportunidaes qu'ufiertamos al seutor, siempres cola sidre como ellementu principal, pero cola gastronomía asturiana siempres presente y ca vegada con más rixu.

duque_peq3.jpg

02348829
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
6503
8174
29401
1247056
294915
293488