La botella vinu que suel acompangar al bollu preñáu en munches sociedaes de festexos, ta siendo pasu ente pasu sustituyía pola botella sidre.

LA SIDRA.- La sociedá de festexos y cultura Amigos de San Esteban de Ciañu dieron un pasu importante y pioneru al rodiu de la nuesa bébora patria, la sidre.

Premiada con un meritoriu tercer puestu nel SISGA’15, Hera Rosé ye un nueu y acertáu apueste del siempres innovador Tino Vázquez, que ye obligao conocer.

LA SIDRA.- Ente les nueves sidres que pasu ente pasu van apeciendo nel mercáu, frutu del enfotu de los llagareros asturianos en da-y una mayor proyeición a la sidre, evolucionando haza formes nueves de magar de la tradición, xurde esta sidre rosao del Llagar Panizales, un auténticu caprichu pal paladar que dengún amante de la sidre debiere dexar de conocer, y que dende LA SIDRA vos encamentamos de toes toes.

Nota de Tastia:

La Bona Confradería de los Siceratores de Asturies ta tresnando unos distintivos p'asitiar nes sidreríes que cunten con ganaores del Campionatu Oficial d’Echaores.

LA SIDRA.- La idega ye que los chigres puea llucir unos distintivos que les destaquen por cuntar con un echaor campión. Una montera d'oru sedrá esi distintivu, imaxe que podrá tamién ponese n'aquellos chigres cuyos echaores participen davezu nos concursos. La Bona Confradería de los Siceratores d'Asturies ye la responsable d'esta iniciativa.

Martín Pérez llogró'l primer accésit y José Manuel Parapar el segundu y el premiu especial JR

VER SEMEYES ESBILLAES

LA SIDRA.- Na xunta del xuráu que tuvo llugar na tardi nueche d'ayeri, concedióse'l primer premiu a la semeya “L'Heriedu de la Sidre”, del guipuzcoanu Miguel Cavero, el primer accésit a Martín Pérez d'A Coruña, y el segundu accésit y el premiu especial JR foi pal entreguín José Manuel Parapar, pola so obra “El corresponsal” y “Al otru llau”, respeutivamente.

Esti xueves tornen los Cancios de Chigre a la cai Gascona d'Uviéu.

LA SIDRA.- Dientru'l progarma de Cancios de Chigre de la carbayona cai Gascona, El Coro Errante canciará en La Pumarada, el grupu Peña Careses en Tierra Astur, los Jóvenes Carrozas canciarán temes del cancioneru astur en La Manzana, y el Cum Laude, un coriquín nuevu, actuará na sidrería Villaviciosa.

Arriendes d'ello, l'Asociación de Sidreríes de Gascona comunica que'l vienres de magar les 20:30 actuará na cai la Bandina los Gascones, compuesta por Guillermo Perez (gaita), Antón Barquero, (tambor), Nel Sanchez, (curdión diatonicu) y Xaquin Fernandez, (bombu y platillos". Esta bandina, amenizará la nuechi de los vienres en Gascona fasta la prosima primavera.

Los datos apurríos pol conseyu regulaor de la DOP apunten a un xorrecimientu calteníu dende’l so aniciu.

LA SIDRA.- Los datos de la sidre DOP del 2015 siguen dando allegríes: 3.769.754 kilos de mazana de les 22 races autorizaes, que dieron llugar a una ellaboración de 2.803.933 llitros de sidre dulce, datos colos que se supera’l récor anterior, de la campaña de 2013, con 2.600.793 kilos de y 1.923.614 llitros de sidre dulce.

Asina mesmo, la meyora de la produición dende’l aniciu de la DOP, acarreta tamién un xorrecimientu notabrle nel númberu contraetiquetes, qu’esti añu algama les 1.738.000, 61.000 más que l’añu pasáu

L'emplegu de la sidre asturiano nuna campaña anticatalana supón un auténticu despropósitu que mos indigna dafechu.

LA SIDRA.- Una vuelta más acabamos de conocer una llamentable campaña llamando al consumu de sidre comu boicó al cava catalán por motivos políticos: "Yo Sidra Asturiana. No compro cava. Si quieren independencia que se la paguen". Esi ye'l llamentable llema de la campaña que lleva por imaxe una botella de sidre El Gaitero.

Ensin denguna autorización del llagar, por supuestu.

 

 

Esti añu cellebraráse per primer vegada dientru la programación gastronómica de Montréal en Lumière.

LA SIDRA.- Del 25 al 27 de febreru cellebraráse’l Mundial de les Sidres de Quebec, que si nun entamu taba centráu na sidre de xelu quebequés, anguañu amplíase pa presentar la sidre en toles sos formes y pa reivindicar el so papel na alta gastronomía, na llinia de lo que vien faciéndose n’Asturies col SISGA dende va cinco años.
Los llagareros artesanos de Québec (CAQ) viven precisamente agora momentos importantes, sollertes a l’aprebación del “Proyeutu de Llei 88” que va suponer pa ellos enforma d’oportunidaes, ente otres la de ver distribuyíos los sos productos en 8.000 nuevos puntos de venta, lo que fadrá la so sidre muncho más acesible y el so consumu más normalizáu.

duque_peq3.jpg

01100400
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
1776
8210
9986
39648
99935