El valor turísticu de la sidre asturiano ye daqué que munchos llagares supieron aprofitar, ufiertando esperiencies qu'inclúin visites guiaes y espiches asturianes.
 

LA SIDRA.- Va dellos años que munchos de los grandes llagares asturianos, con gran pesu nel mercáu sidreru, escomenzaron acollumbrar un mercáu bien distintu al dedicáu a la sidre, la so distribución y comercialización, y que nun tenía tantu que ver col productu en sígo comu col contestu nel que s'ellabora.

Los hosteleros de Gascona fixeron una fondue de quesos asturianos con sidre.

LA SIDRA.- Orixinales y anovaores comu nun hai más, Gascona sigue marcando la pauta y na I Feria de quesos artesanos asturianos cellebrada'l pasáu domingu tresnaron una espeutacular fondue a la sidre, de la que repartieren nuna mañana mil cazueles de barru con una turria de pan.

Polo xeneral una fondue faise con un par de quesos, pero en Gascona mecieron ná menos que siete, toos asturianos, y emplegaron sidre en cuentes de vinu blancu, el resultáu cenciellamente escelente.

SISGA AustriaEl llagar Mostrasse & Most Barons, d'Austria, presentó nesta nueva edición del SISGA los sos trés esquisites variedaes de sidre de pera, llogrando convencer al xuráu internacional cola so sidra Exibatur Mostbaron, que llogró'l segundu premiu na categoría a meyor perea, y con Preh Mostbaron, que quedó tercera.

LA SIDRA.- Bernhard Scheiblauer ye un xoven llagareru que vive nel sur d'Austria, nuna zona bien carauterística pola gran presencia d'árboles frutales,  cuantimás la peral. Na so familia, amás de la empresa dedicao a la perea, esiste una tradición cultural bien enraigonada no rellacionao a esta bébora, tantu que fasta son consideraos los “barones del mostiu”.

Llagar Riestra vien de presentar la so sidre "Extra Selección", col nome de Ribayu, una sidre fecho con mazana asturiano y especialmente seleicionao.

VER VIDIU

LA SIDRA.- Nos tiempos caberos vien dándose'l fenómenu de que dellos llagares saquen la so propia marca de seleición, garantizando col so nome y tradición tantu la calidá del productu comu la procedencia asturiana de les mazanes qu'emplega... ensin considerar preciso apautase nin cola DOP "Sidre d'Asturies" nin cola marca de seleición privada, conocía comu Sidre d'Escoyeta.

El Vicealcalde del Conceyu Xixón afirmó nel V SISGA que "Ca vegada que se comercializa una botella sidre de gala internacionalmente, ta promoviéndose la Marca Asturies" 

LA SIDRA.- Fernando Couto nun quinxo perdese la tastia abierta de les sidres de gala participantes nel V SISGA, cellebrada'l sábadu nel CIentru Cultura Antiguu Istitutu Xovellanos, onde pudieron probase sidres de Asturies, La Llébana, Llión, País Vascu, Catalunya, Inglaterra, Francia, Suecia, Chequia, Holanda, Italia, Eslovaquia o Austria, una oportunidá única del mercáu sidreru.

Iscider33Siempres mos presta resaltar el calter internacional del xuráu de los premios SISGA, pero los participantes destaquen tamién el fechu de que'l xuráu ta compuestu por llagareros, "polos nuesos compañeros".

LA SIDRA.- De les munches referencies internacionales rellacionaes col SISGA que vienen apaeciendo, préstamos destacar la de Brännland Cider wins best ice-cider 2015 at SISGA 15 porque cinca a un aspeutu que fasta agora enxamás nun punxéremos en valor, y ye que'l xuráu que concede los premios SISGA non solo ye internacional, sinon que ta compuestu por llagareros, "polos nuesos compañeros" comu recueye'l mencionáu artículu.

El delanteru croata del Sporting de Xixón ca vuelta más involucráu cola cultura asturiana.

Dempués de meter el gol que dio’l trunfu al Sporting frente al Málaga, el delanteru croata escenificó l’echáu d’un culín de sidre, siguiendo l’exemplu de Villa. “Eché un culete igual que lo facía Villa” afirmó Halilovic al entruga-y por esti xestu, amestando que “Yera una cellebración que faláremos nel vestuariu y prometiéra-yoslo a los mios compañeros. Echar sidre ye perguapo, ye daqué cultural y toi deprendiendo”.

Ye un auténticu placer ver comu ca vegada se reconoz más la cultura asturiana de la sidre comu l'ellementu identitariu que ye, y col que Halilovic espresa la so voluntá d'integrase n'Asturies a tolos niveles.

Cola Xornada de Sumilleres, empobinada a los profesionales del seutor, el V SISGA punxo puntu final a les sos actividaes, con unos inmeyorables resultaos.

LA SIDRA.- Na xornada de sumilleres, desendolcada na mañana de güei nel Llagar de Bernueces, los profesionales del seutor rializaren una tastia compartida de la sidre gallardonao colos premios SISGA’15, y punxeron en común los ellementos de valoración de les sidres d’alcuerdu a les estremaes sensibilidaes esistentes en ca país productor de sidre.