La DOP de sidre vasco cunta con algamar una produción de 10 millens de kilos de maza, lo que supondríe una collecha hestórica.

 

LA SIDRA.- Sigún el comunicáu de la DOP Euskal Sagardoa, qu'entama agor ala segunda temporda de collecha, les previsiones de mazana pa esti añu son perbones, camentando que puen algamase los 10 millones de kilos, eso sí, con diferencies a lahora de la mauración conforme lo serondiegues que puedan ser les races de mazana

N'Euskal Herria yá escomenzaron a mayar dende entamos de setiembre, porque esti añu la collecha vien-yos enforma alantrada, y camienten que finaran de mayar pa la primer selmana d'ochobre.

La Guía del Cachopo entama’l I Festival del Cachopu Plaza Toros Las Rozas del 14 al 17 setiembre.

LA SIDRA.- Participarán un total de nueve restoranes asturianos de Madrid premiaos los más d’ellos nos Concursos de Cachopos de la ciudá, y el Campión del concursu Meyor cachou y cachopín d’Asturies 2017: la sidrería Pichote d’Uviéu.

Nesti eventu gastronómicu serviránse -amás del citáu platu que ta trunfando per tol estáu- una amplia variedá de la cocina de la nuesa tierra. Dientru’l ruedu istalaráse una caseta con productos asturianos como quesu,embutíos, empanaes, conserves, bollos preñaos, etc.
Tamién se cuntará con un espaciu pa los más piqueños de la casa, darréu que s’afayará una fastera pa neños y neñes con actuaciones en direutu tolos díis de magar les siete y media la tardi.

Concursu d'echaores y bayurosa programación musical.

LA SIDRA.- L'Asociación de Sidreríes de la cai Gascona, amiesta a les fiestes de San Matéu n'Uiéu, una programación especial qu'escomenzará'l vienres col Concursu d'Echaores de Gascona na so XVI edición y nes sos categoríes xeneral, llocal y d'echaores que presten los sos servicios nel Bulevar de la Sidre. El concursu ta dotáu d'importantes premios en metálicu, y pa los echaores, vencer na emblemática cai ye un aval de profesional d'esperiecia.

Na carpa istalada al llau del tonel identificativu del Bulevar d ela Sidre, cellebraránse varios conciertos con horariu de les nueve de la nuechi a les once. El vienres 15 xubiráse al escenariu el grupu Cum Laude, cola so música allegre y positiva. El sábadu actuará Lady Llagar, qu'interpretará cancios d'estremaos estilos y que trunfó en Muyeres Fest. El domingu 17 canciarán Son del Carmen, grupu asturianu con más d'una década d'ésitos nes sos interpretaciones de boleros y sones cubanos.

El llagar xixonés trunfó nel XXXIII Concursu Asturiano de Sidre, cellebráu en Villaviciosa.

VER SEMEYES

LA SIDRA.- Foron 95 puntos los que-y dieron a Trabanco'l trunfu nesti XXXIII Concursu Asturianu de Sidre, en Villaviciosa. A la final cellebrada ayeri a les siete la tardi, pasaren namás ocho botelles, de les que, como ye avezao nesti certame, nun se dió a conocer a qué ellaboraores pertenecíen. Na primer ronda la sidre Trabanco algamó una puntauación de 45 puntos. Los seyes xuraos valoráronla con nueve puntos caún.

Lo mesmo sucedió con otra sidre participante, la "numberu 5" qu'algamó esautamente la mesma puntuación, Pero na segunda ronda too quedó más que nidio. Los xueces otorgaron a la "sidre númberu 1" -la del llagar de Llavandera-, 10 puntos caún, colo que xubió al primier puestu del podiu. La que quedó en segundu llugar sumó 93.

Sidras Zacatlán, produz una orixinal sidre que lleva'l nome d'esti conceyu asturianu.

LA SIDRA.- La emigración asturiana a hispanoamérica llevó con ella la sidre asturiano, de tala miente qu'anguañu la sidre -la xampanizao básicamente- yá forma parte del acervu gastronómicu de los más de los países sudamericanos, onde tamién algamó espresiones propies acordies al mediu nel que se desendolcó.

Arriendes d'ello, fueron munchos los llagares entamaos polos asturianos nes nueves tierres, y anguañu los más de los productores de sidre n'hispanoamérica tan rellacionaos d'una o otra forma con Asturies y la so cultura de la sidre.

El llagareru maliayu, presidente del CRDOP “Sidre d’Asturies” defendió la  mazana, la sidre y la Cultura Asturiana de la Sidre na so intervención.

LA SIDRA.- Como nun podía ser d’otra miente, Celestino Cortina centró bona parte del so pregón nes fiestes del Portal, na mazana y la sidre, destacando la importancia de lluchar per un seutor que, anque nos más de los casos nun permite vivir d’elli “supón un interesante suplementu na economía familiar de munchos asturianos” y defendiendo que’l futuru de la sidre “depende en gran parte de nós mesmos”.

Nuna Plaza’l Güevu apinada de xente, desplicó tamién el llabor del Conseyu Regulaor, y la necesidá de faer frente a la importación masivo de mazana estranxero, destacando que cola inclusión de 54 races nueves de mazana pa la ellaboración de la Sidre d’Asturies, ta dándose un pasu perimportante nesi sen. Asina mesmo destacó que’l 30% del rexistru de pumaraes del Conseyu Regulaor correspuende a Villaviciosa, a la que definió como la tierra de la mazana por escelencia “¡La capital de la mazana de calidá”.

Anque'l Salón Internacional de les Sidres de Gala ye un eventu empobináu a profesionales del seutor, tamién cunta con una riestra d'actividaes abiertes al públicu.

VER PROGRAMÍN D'ACTIVIDAES ABIERTES AL PÚBLICU

LA SIDRA.- Por muncho que lo más popular seya la Xornada de Tastia Abierta, que se cellebrará'l sábadu 30 setiembre y que ye una oportunidá única na que los asistentes puen prebar les meyores sidres de copa del mundiu, lo cierto ye que'l VII SISGA ufierta una fargatada d'actividaes interesantes pal públicu xeneral, tales como la posibilidá de participar na Nuechi de Gala, la Espicha d'Hermandá, la Xornada de Sumilleres o el I Alcuentru de periodistes y bloggers de la sidre, asina como la posibilidá de participar nel SISGA como voluntariáu talamente como se desplicará en prósima convocatoria que se fadrá per esti mediu.

Cellebraráse en Feleches el prósimu 15 setiembre

LA SIDRA.- Les antigües escueles de Feleches -Siero- sedrá'l llugar onde se cellebre'l V Concursu de Sidre Casero de Siero qu'esti añu quier aumentar la participación.

Dende la Sociedá de Festexos Corpus Christi de Feleches,que son los entamaores del concursu tan animando a la xente a participar pa superar la trentena de llagares caseros que se presentaren l'añu pasáu, recordando que los trés primeros claisficaos podrán participar nel concursu a nivel d'Asturies que se cellebrará en Villaviciosa n'ochobre.

Pa concursar ye preciso ellaborar sidre casero o bien nel conceyu Siero o residir en Siero. Les inscripciones y la recépción de la sidre sedrá de magar el llunes 11 y podrá facese fasta'l díi enantesde magar le 8 la tardi, aportando ca participante una caxa sidre.

duque_peq3.jpg

02816493
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
4064
9180
13244
1724513
201251
238631