Güei llevóse a cabu'l concursu “En busca del meyor cachopu con Xata Asturiana” y ganó María Busta de Casa Eutimio

VER VIDIU

LA SIDRA.- Asturies escominez fuerte y relluma en Salón de Gourmets. Dempués de les crítiques y quexes llograes l'añu pasáu polos stands que'l “Principado” llevara a esta feria, súpose tomar nota y tornó al salón con un espaciu qu'eslluma. Cientos de bombilles anuncien con lletreros a lo cimero’l nome del nuesu país, y ca esibidor tamién les tien destacando'l nome de la so empresa. En total son 16 les que formen parte de la fastera d’Asturies y otres ocho les que cunten con stand individual distribuyíes pelos seyes pabellones del IFEMA onde se realiza la feria gastronómica. Amás, tamién podemos atopar cinco queseríes na cortil proyeutada pa Gourmet Quesos.

El xueves  11 entamen les xornaes gastronómiques de la cocina de la sidre, y el domingu 14 de mayu cellebraráse la Preba.
 
LA SIDRA.- El programa de la 18 Preba de Gascona yá ta cuasique tresnáu, y yá podemos avanzar que'l domingu 14 de mayu entamará esta decimochava edición d'esti eventu sidreru. El pregón d'apertura tará a cargu del show-man Rodrigo Cuevas, creador d'un nueu estilu musical: el lletro-culple, del qu'interpretará tres temes. Lo mesmo que n'otres ediciones, el públicu asistente, tres l'alquisición de vasu, pañuelu y fueya de votación por namás 4 € pue degustar el productu de los llagares que sirven la so sidre en Gascona y votar na categoría popular.

Luis López fo’l ganaor del viaxe a Bristol de Sidra Trabanco

LA SIDRA.- La esperiencia “Destín Sidreru” repitió ésitu na so segunda edición, cola participación d’alrodiu de 50.000 persones que consumieron una botella de Sidra Trabanco nes postreres seyes selmanes, que son les que duró la promoción. El ganaor según el sortéu realizáu na notaría de José Luis Rodríguez García-Robés foi Luis López Palacios, que va dir de viaxe a Bristol convidáu pol llagar pa que conoza otres zones sidreres del mundiu. L'añu pasáu'l destín foi Frankfurt y resultó una esperiencia fascinante pa la ganaora, Liliana Pasi.

Güei, de 17 a 19 hores cellebraráse en La Felguera una Mastreclass Sidre d’Asturies con Denominación d’Orixe.

LA SIDRA.- Col enfotu d’afondar na conocencia de la sidre DOP pa da-y puxu al so consumu, el CR DOP Sidre d’Asturies, en collaboración con OTEA,y la Sociedá de Festexos y Cultura “San Pedro” tien entamao pa güei una xornada téunica pa los hosteleros asturianos p’aidalos a conocer aspeutos clave de la Sidre DOP como son el serviciu, la conservación del productu, la téunica del echáu, los factores qu’inflúin na sidre, la carauterización de la sidre DOP o aprender a estremar los defeutos de la sidre, asina como sensibilizar alrodiu de los aspeutos positivos qu’acompanguen al so consumu.

El certame realizóse dientro de les actividaes de La Primer Sidre L’Añu qu'ayeri preslló la so ochava edición.

VER VIDIU

LA SIDRA.- Esti añu la sidre casero vieno daqué retraso, pero entá asina 18 llagareros iscribiéronse pa participar na VI Edición de la Sidre Casero Fecho en Maera que se realiza tolos años dientru les actividaes que se lleven a cabu na Primer Sidre L’Añu. Esti añu'l xixonés Ángel Marcos alzóse col primer puestu. Enantes yá participara nel concursu y quedara ente los primeros puestos. Pero'l 2017 foi'l so añu ya impúnxose a les otres sidres presentaes. En segundu llugar quedó Llucía Fernández de Llaviana, siguía por Luis Álvarez de Mieres del Camín. El cuartu y quintu puestu fueron para Víctor Manuel Iglesias de Granda, Siero, y Falu Nosti de Caldones, respeutivamente.

5_1.jpg

El caberu díi de la PSLA, nel que tendrá llugar l’esperaísimu Concursu de Sidre Casero fecho en Maera, la entrada sedrá de baldre pa tolos que vaigan en bicicleta

Pal domingu 16 la PSLA tien un programa bien apretáu y enllenu d’actividaes prestoses, pente la qu'ensin dubia la más esperada ye’l VI Concursu de Sidre Casero fecho en maera, al que se pueden presentar tolos llagareros non profesionales del territoriu hestóricu asturianu qu’ellaboren la so sidre con toneles de Maera. La entrega botelles -6 por concursante-, que nun llevarán identificación, podrá realizase fasta'l 16 d'abril a les 12:30 hores, nel Muséu del Pueblu d'Asturies, ya que la tastia por parte del xuráu entamará a la una. Dempués de la entrega de premios toos podrén tastiar la sidre presentao al concursu.

Anantes, de magar l’apertura de la PSLA a les 12, los visitantes podrán esfrutar d’una visita guiada y desplicada a tol Muséu del Pueblu d’Asturies.

 

esterior.jpg

VIII Asturianada y sidre, mayada, torneos de xuegos tradicionales, corcháu  y concursu d’echaores pa la reciella, pente otres actividaes

Guei podremos acompañar la sidre de los más de 70 llagares que participen na Primer Sidre l’Añu con una interesante riestra d’actividaes pa toles edaes. La principal sedrá l’actuación de los alunos de la Escuela de Música tradicional Manolo Quirós a cargu d’Anabel Santiago, dientro la VIII Asturianada y Sidre, de magar les cinco la tardi, pero anantes y dempués de la mesma habrá un bon fargatáu de propuestes prestoses.

La Bandina Gaites de Noreña tamién pondrá música a la xornada.

La sidre nun ye solo bébelo: a lo llargo’l díe fadráse un percorríu por estremaes actividaes relacionaes cola sidre. Los asistentes podrán mayar al estilo más tradicional pa facer sidre del duernu, nun prestosu taller qu’entamará a les tres de la tardi. Anantes, de 12 a 14, veremos en direuto como se faen los paxos nos que pañar la mazana y darréu tendremos la oportunidá de corchar a man, con corchaora y con mazu.

La naguración de la Primer Sidre L'Añu tará dedicada a la figura d'esti emblemáticu presonaxe del mundiu de la sidre fallecíu va poco.

LA SIDRA.- Echar sidre y echalo bien, ye pa los asturianos una de les práutiques indispensables de la nuesa cultura sidrera, y Constantino Ovín de la Vega, conocíu como Tino el de La Barraca, foi la presona que meyor detalló esti arte col so Decálogu del Echaor onde recueye con precisión les carauterístiques que tien que tener un bon echáu de sidre.

Constantino Ovín, que nun foi nin chigreru nin llagareru, sinon emplegáu de banca, supo percibir la trescendencia del echáu de sidre y propunxo una riestra de carauterístiques a cumplir pa un correchu echáu de sidre, qu'anguañu son norma nos concursos oficiales d'esti arte. Nel mesmu sen, implicóse demientres años nel Festival de la Sidre de Nava como'l so echaor oficial y como parte del xuráu del Concursu d'Echaores en sucesives ediciones del festival.

duque_peq3.jpg

01449531
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
2832
14075
34322
311485
300604
148462