Inicio > Chigres > Aniversariu Barriu Sidre
Chigres

Aniversariu Barriu Sidre

El xixonés Barriu la Sidre cellebra’l so IX aniversariu el prósimu 2 de xunu.

LA SIDRA.- El xueves 2 de xunu el Barriu la Sidre tien entamada una fargatada d’actividaes alrodiu la sidre pa cellebrar el so novenu aniversariu colos sos veceros y toes aquelles presones que quieran averase perí a conocelos  a esfrutar de la sidre y la folixa que tienen entamada.

Esi díi, y de magar les 20 hores, los chigres integraos nesta asociación d’el Llano (Xixón) Casa Cesar, La Pumarada, El nuevu carru, La Tropical, El viejo Llagar, El Llaviegu, El Saúco, La Botica Indiana y la Parrilla de Antonio, apurrirán de baldre 2.000 llitros de sidre, bien forraos con pinchinos asgaya, nuna folixa na que nun faltará la música’l país, y que se complementará con tunos, mariachis, y más sospreses que tienen entamaes.

Nestos  nueve años d’esistencia El Barriu la Sidre vien dando puxu a la sidra y a la cultura asturiana de la sidre, enfotaos n’algamar niveles d’escelencia nel tratu de la sidre y la restauración, siendo un auténticu garante de calidá, y saber faer, nun ambiente de por sigo bien afayaizu.

Ello asina, dende LA SIDRA aprofitamos pa felicitalos nesta xornada na que tienen permuncho que cellebrar.

Dexa una rempuesta

La so direición d'email nun sedrá espublizada Campos obligatorios marcaos con *