Inicio > Internacional > Primer Xornada Científica: “Historia y Cultura de la Sidre n’Asturies” Iª Parte
InternacionalLa sidraSidreturismu

Primer Xornada Científica: “Historia y Cultura de la Sidre n’Asturies” Iª Parte

Llevóse a cabu’l 26 d’ochobre na Facultá de Filosofía y Lletres de la Universidá d’Uviéu.

LA SIDRA.- El 26 d’ochobre llevóse a cabu la Primer Xornada Cientifica: “Hestoria y Cultura de la Sidre n’Asturies” na Facultá de Filosofía y Lletres de la Universidá d’Uviéu y dirixía pol profesos y hestoriaor Luis Benito García. Esti alcuentru tamién cuntó cola collaboración de la DOP Sidre d’Asturies.

La presentación de la xornada tuvo llugar a las 09:30h. Nella participaron el ya mencionáu Garcíua; Celestino Cortina, presidente del CD ROP Sidre d’Asturies; y Jose Antonio Gómez, decanu de la Facultá de Filosofía y Lletres y presidente de la Sociedá Española de Musicoloxía. Foi esti caberu quien espunxo brevemente la rellación esistnete ente los estremaos procesos d’ellaboración de sidre y el so consumu nos chigres dientru’l cancioneru asturianu y ufrió varios exemplos d’artistes que canciaren a la sidre. “La nómina d’intérpretes qu’inclúinnel so repertoriu ún o más temes dedicaos a la nuesa bébora podríe allargase, nunye preceiso, queda nidio la so importancia nel nuesu cancioneru, incluso na ‘otra música’, asina, ente comines,na culta, na escrita. Exemplos de la presencia d’esta bébora en céllebres zarzueles como Xuanón de Federico MOreno Tarroba, La Pícara Molinera, del maestro Luna, o quiciás la más cellebre de toes pa los que viviemos n’Asturies. El Gaiteru de Xixón, de Jesús Romo; asina como en dos óperes, Carmina y Don Rodrigo” dixo Gómez cuasique a la fin de la so intervención.

Darréu Cortina agradeció la presencia de tolos ponentes y la organización del congresu y sopelexó: “La sidre asturiana tresciende lo que pue considerase un productu, una mercancía. La cultura qu’endolca esti mundiu ye incomesurable. N’Asturies d’anguañu, somos un país que sigue faciendo la sidre como hai 3 mil años. Esto nun ocurre notres fasteres sidres del mundiu, hai nueves téuniques, los gustos de los consumidores foron evolunionando y ye perdificil atopar a la sidre na so acecpción más tradicional. Yo creo qu’eso forma parte de la manera de ser de los asturianos, de la nuesa idiosincrasia. Debemos tener una visión hestórica y recoyela, presta-y l’atención que merez”.

Asina mesmo, Celestino Cortina aprofitó esti escenariu pa comentar el so reciente alcuentru col Rei y la Reina, Felipe de Borbón y Leticia Ortíz, cola xida de la so presencia nel nuesu país por mor de los Premios Princesa d’Asturies. El llagareru desplicó que, nuna visita a una pumarada, FElipe de Borbón entrugó-y sobro la reconocencia de la cultura asturiana de la sidre como Padremuñu Cultural Imaterial de la Humanidá. “Oxallá s’algame y podamos cellebralo toos tomando un culín” rellató Cortina que-y dixo Felipe de Borbón, “Nun tenemos una muria que mos separta del mundiu, hai que mirar al horizón. La sidre pue algamar cotes impensables fasta agora” reiteró’l presidente del CR DOP Sidre d’Asturies.

s.

Dexa una rempuesta

La so direición d'email nun sedrá espublizada Campos obligatorios marcaos con *