LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

VI Primer Sidre l'Añu

Corréu lleutrónicu Asoleyar

La temporada sidrera asturiana entama oficialmente cola cellebración de la Primer Sidre l’Añu, una ocasión única pa prebar les sidres nueves y pa esfrutar la sidre nun ambiente tradicional d’espicha.

LA SIDRA.-  El Muséu del Pueblu d’Asturies ye ensin dubia’l llugar perfechu pa la cellebración d’esti impresionante eventu sidreru col qu’entama la temporada sidrera asturiana. 

Cuatro díis d’actividá continua onde, arriendes de l’amplia representación de les primeres sidres del añu, hai qu’amestar una ufierta cultural bien curiosa, con esibiciones, talleres, tasties guiaes, cocina en vivu, maridaxes, tonada, bolos, visites al Muséu... una fargatada de propuestes empobinaes a faer d’estes xornaes una referencia sidrera de primer orde, calteniendo l’espíritu y l’ambiente de les espiches tradicionales.

Sidracrucis ensin alcol

Corréu lleutrónicu Asoleyar

Porque la cultura asturiana de la sidre nun tien porque tar necesariamente vinculada al alcol, esta decimotercer edición del Sidracrucis cuntará con sidre ensin alcol.

LA SIDRA.- Esti añu los astemios, y los menores de selce (16) años podrán participar ensin torgues nel Sidracrucis, darréu que cuntaremos con sidre ensin alcol (Isidra. El Piloñu) y sidre'l duernu de Bernueces. Porque la sidre tien munches espresiones, y lo más importante d'ella nun ye precisamente l'alcol, sinon toles espresiones de la so cultura que l'acompanga.

Cancios de chigre en Gascona

Corréu lleutrónicu Asoleyar

Güei xueves, de magar les 20:30 hores tendrá llugar una nuea xornada de los Cancios de Chigre de Gascona.

LA SIDRA.-  El certame Cancios de Chigre na cai Gascona d'Uviéu que se cellebra tolos xueves cuntará güei cola participación de los coros  Peña Careses, La Rechalda y Sant´Ana. Nel concursu, estos coriquinos interpretarán los temes más populares del cancioneru asturianu.

 

Trabanco escosa la collecha 2013 de sidre d'Escoyeta

Corréu lleutrónicu Asoleyar

El Grupu Trabanco, el principal ellaboraor -en cantidá- de sidre natural n'Asturies, acabó la collecha 2013 de la sidre natural Trabanco Collecha Propia, acoyía al sellu "Sidre de Mazana Selecionao".

LA SIDRA.- Ye la primer vegada que Trabanco escosa tola so produición de la so Sidre d'Escoyeta anantes de que s'incorpore la sidre del nuevu añu, según desplicó'l mesmu grupu, "ye un fechu de notable trescendencia pal llagar de Llavandera (que sicasí va siguir produciendo la sidre tradicional Trabanco etiqueta mariella)".

Asina, Trabanco destacó "el notable xorrecimientu qu'hebio nel mercáu asturianu, nel que la Sidre d'Escoyeta y en concreto Trabanco Collecha Propia ta consolidándose como una opción de calidá y qu'apuesta pol seutor collechero asturianu. A esto xúnese al puxu de la esta sidra en mercaos nacionales ya internacionales, onde esta sidre ta escomenzando a asitiase comu una de les referencies en sidre natural.

LA SIDRA tendrá espaciu propiu en Frankfurt

Corréu lleutrónicu Asoleyar
Una vuelta más l’equipu de La Sidra desplazarase a la ciudá alemana de Frankfurt pa cubrir la información de la feria más importante del seutor sidreru en Cientru Europa.
 
 
LA SIDRA.-  El domingu 12 d’abril cellebraráse en Frankfurt una nuea edición de l’Apfelwein Weltweit, la sétima dende qu’entamare en 2009 col nome d’Apfelwein im Römer, y cada vegada con una mayor participación de llagareros alemanes y del restu d’Europa.

Cancios de chigre en Gascona

Corréu lleutrónicu Asoleyar

Güei xueves, de magar les 20:30 hores tendrá llugar una nuea xornada de los Cancios de Chigre de Gascona.

LA SIDRA.-  Nel certame convocáu pola Asociación de Chigres de Gascona d'Uviéu, intervendrán güei los coriquinos Bandina de Llieres, Parkinson d'Uviéu y Ñervatos de Sieru.

Campionatu d'Echaores en Madrid

Corréu lleutrónicu Asoleyar

Esti vienres 20 de febreru cellebraráse en Madrid el I Concursu d'Echaores de sidre.

Entamáu pola Asociación d'Amigos de la Sidre y el bon Yantar de Madrid, tendrá llugar a les 13 hores del vienres 20 de febreru y a la finalización del mesmu tendrá llugar una tastia guiada de sidres asturianes a cargu d'Eva Trabanco.

L'Asociación d'Amigos de la Sidre y el bon Yantar de Madrid aniciáronse en payares de 2014  cola fin de rializar aiciones empobinaes a la promoción de la sidre, asina comu  l'espardimientu y enseñanza de la gastronomía típica de Galicia, Asturies d'Uviéu y Santillana y País Vascu, teniendo comu ellementu vehicular la cultura de la sidre.

Páxina 1 de 153

SIDRACRUCIS 2015

Banner

PREMIOS SISGA '14

Banner

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

EVENTOS

There are no events at this time
Sidrería Zapico
Banner
Sidreria Los Pomares
Banner
You are here Home
RSS